MÈRE DE PHILIPPE III

AU ROI D'ANGLETERRE

Par laquelle elle lui fait des offres de service au sujet de sa guerre du pays de Galles , l'assurant que la France différera l'expédition d'Espagne jusqu'à ce que celle de Galles soit terminée. ( Sur l'original à la Tour de Londres. — Bréq. t. LXV.)

A très haut et très noble prince, son très chier et très amé neveu Edoard , par la grâce de Dieu roi d'Angleterre , Marguerite par celé meisme grâce reine de France, salut et verai amour. Très chiers niés, corne vous nous aiez requis que nous vous boussons par escusé de ce que vous ne poez orendroit entendre à nous aidier en nostre

besoigne de Provance, si corne vous nous avez tozjorz cortoisemeni promis , vestre bone et merci , pour l'esoine qui vous est sorvenue en Gales, sacbez que nous avons bien escuse de ceste besoigne, quant à ores, et vous prions que i vous sovigne en leu et en tems de la bone promesse que vous nous avés tozjours fête : quart nous avons especial fiance en vous de l'avancement de nostre besoigne corne celé qui ba esté plus redotée et mise en meilour point par la bonne velonté que vous avez à nous et à la besoigne. Et sacbez que nous nous convenrons de déloier la nostre besoigne sus la besoigne d'Espaigne, jusque tant que Nostre Sires ait mise en bon point la vostre besoigne ; et sachez que nous somes à grant mesaise de cuer du domaige que li princes de Gales et ses frères vous bont fait et font , comme celé qui tenons voz besoignes à noz , et qui métrions volontiers tout le meilour consoil que nous porrions en toutes voz besoignes. Si vous prions que vous nous mandez, se vous véez que nous peussons nul consoil mètre en ceste besoigne, en laquelle nous vous offrons et le cors et quant que nous avons ; quar nous n'aurions riens cbier à faire vestre plaisir, et jà soit ce, biaux niés, que vous séez plus saiges et plus avisez que nous ne somes, toute voie vous avisons-nous et vous prions que vous vous contenez saigement en ceste besoigne, et que i vo sovigne des cas et des aventures qui avindrent en l'autre guerre que mut li cuens Symon. Pour Dieu, biaux niés , mandez-nous sovent Testât de vestre cors et celui de voz besoignes ; quar nous serons moût reconfortées toutes les fois que nous en porrons oïr bones novelles. Nostre Sires vous gart. Doné à Maçon, le mardi après la Pentbecoste.

N. B. Nous avons suivi la date indiquée par Rymer, t. II, nc 97. B.

G CX XX VI. («mai, ,8».