CCLXXIV. (Vers
LETTRE DE MAURICE DE CRAON
A EDOUARD I, ROI D'ANGLETERRE
Touchant sa médiation entre les rois de France et de Castille. (Des liasses de la Tour de Londres , n° 7. — Bréq. t. LXVI.)
Au très-haut et très-noble prince et son chier senhor Edwart, par la grâce Deu roi d'Angleterre, Mourices, sires de Créon , ses chivalers , révérence et honor et soi aparelhé à sa volunté et à son
service. Sire, je vos fats à savoyr que le vendredi après la feste seint Jehan-Babtiste pruschanament passée, li roys de France fist assemler devant soy ses etvesques, ses barons, et en lor présence, moy présent , fist lire la lettre que li roys de Castele avoit envoyé au prince de Salerne, vostre cosin : es queus lettres estoit contenu que li dits roys de Castele saluoit ledit prince, et li fasoit à savoir que, corn aucun désacort fussent entre luy d'une part et le roy de France d'autre , de laquel chose li enuoit et li pesoit , que il li prioit qu'il vousist travailler et trétier de pès et d'acort sur cests contents, et qu'il veloit myeus que , por ce que li dits princes estoit cosins et amis dudit roy de France , que celé chose fnst tréitié par li que par l'Apostoyle , ni par le roy d'Angleterre , ni par nulh auto e , et que il voloit que par ses messages que il envoit, fust pris jors et esleuts lie us à parler et traytier sur celé chose : et si aucuns débats estoit sur ce entre sa gent é le conselh audit roy de Fiance , que li dits princes peust accorder et déterminer ce débat, et qu'il li donoit pooir de prendre trives, vile por vile, chastel por chastel , vassal por vassal, et qu'il li envoiast certeins messages por prendre de li fermeté de garder les trives teles com pléroit au roy de France; et qu'il estoit prests de fermer en celé manière qu'il li manderoit, en tele maneire que tele fermeté comme il feroit sur ce , que autre tele li roys de France li feist après ; et après sur ce , par lesdites parties et par ledit prince , fu accordé que à la quinzeine de la Sent-Michiel , li roys de France fust en Gascunhe au Mont-de-Marssan , et li roys de Castele à Baïone, por avoir treitement sur celé besonhe. Et sachets, sire, que je ey entendu que les gens audit roy de Castele, sur ceste besonhe, ont dit à aucuns du conselh aucunes paroles contre vos; lesqueles je ei entendu. Et li roys de France le m'a dit, que il n'en croit riens contre vos ; meis qu'il entent que tôt ce est por la pès et por l'amor que vos feistes avec li, sans ledit roy de Castele et sans sa volunté. Datum Parisius, die mercurii post festum apostolorum Pétri et Pauli. Bene et diu valete.
N. B. Copié sur l'original en parchemin. B.
CCLXX> . (Versiago.)
