PÉTITION D'ARNAUD DE CASTELNAU

Pour qu'on lui laisse la baillie de Castellohes en déduction de ce qui lui est dû pour ses services. — Réponse du I\oi. (Des liasses de la Tour de Londres, ann. 18, Ed. I. — Bréq.t.LXVI.)

Signefie Arnaud du Chastelnau , vostre esquier de Gascoigne , qe , corne il vous eit servi à armes en tens de la guerre entre vos et le roy de France, et vous li soies tenus en dettes par reison de ses gages , prie pur Dieu qe vos li voilés paier, ou si ne est vostre volenté quant à ores à lui fere paiement , prie qe vos li voilés assigner la bailie de Castellohes en rebatement de ses gages, de tant corne ladite bailie vaudra par an de rente , et q'il la puisse prendre chesquun an josques à tant qu'il seit parpéïé de tote sa dette. Et de ceo qu'il ad tenu cest an ladite bailie , qe celé rente li seit aloé en rebattement de ses dettes ; et s'il ne est vostre entendement quant à ores qe celé bailie li soit assigné en aloence de paiement , que vos li voilés assi-

gner ses dettes en lu covenable, là où vous semblera meus à fere, en tel manière q'il puisse recovrer ses dettes à honor de vos et à profit de lui.

On lit au dos l'ordonnance suivante : « Soit mandé au conestable qe à ceste fois, en la dette qe le roy li deit, il li alloue en les issues de cest an passé, tant comme amonte; endroit du remanant, s'en soefre tant qe il regarde et ordine paiement as autres de sa condicion, qe sera à ceo parlement. Endroit de la bailie, soit mandé au seneschal qe il li purvée de baillie, tant corne il verra qe il servira bien et loialement, rendant au roy tant corne un autre voudra doner. »

N. B. Copié sur l'original en parchemin. B.