NEGOCIATIONS

Entre Philippe IV et Edouard I, relativement aux hostilités commises sur mer entre les sujets anglais et français. (Des liasses de la Tour de Londres. — Bréq. t. LXVI.)

I. LE PREMIER RESPONS FET AU ROI d'eNGLETERRE PAR LE ROI DE FRANCE.

Sire, il est voir qe mon sire Eymes, vostre frère, et li quiens de Nicole, se sont hors dreniément venus au roi nostre seignor en message de per vous, od lettres de créanee et autres lettres pendants , por le fet de la mer , et ont requis nostre seignor le roi de par vous , et offrirent à tretier de enquerre et de fere

amende des injures et des domages fets par les gents de la mer de une part et d'autres , et que une treuwe feust prise por ceo mieus achevir desques à la mye-aust.

Sire, euue délibération sur ces choses, respond. . . . seignur le roi ... . avoit de cris et de pleintes de marchaunts et de ceaus qi nefse , vesseaus avoient en mer, si crièrent et réclamoient â nostre seignor le roi, de prises, de occisions, de domages et des injures que en ce tems lor ont esté fêtes en la mer par la gent de vostre terre, qi efforcément et od grant multitude de navie et de gents de armes, à Seint-Matheu en Bretaigne, les avoient assaillies quant il venoient de lor marchandises pesiblement, et avoient occis et pris les personnes des nefs et les marchandises, et les neefs prises et menées en vostre poer, là où elles sont recetées et tenues apartement ; ne uncore ne cessent-il mie de prendre et de robber les gents du roiaume de France. Por ceo, sire, pria nostre seignur le roi vos messages qe home feist hastivement la restitucion des persones , des nefs et des marchandises qe en vostre poer sont tenues , por les choses qe sont si apertes , et por le cri et la murmure du pueple oster. Et por ceo qe ce est reeson meesment; qar molts i ad de marchauns, et la plus grant partie de trop, qe lor vesseus et lor marchandises avoient en mer, que unques ne meffirent en meer, ne entrèrent en mer. Et si rien avoit aparant en la terre nostre seignor le roi qi feust pris sur les gents de vostre terre , il estoit prest de fere rendre sans délai , des autres domages et injures fets de une part et de autre, amender et adrescer, povoit-om aler avaunt par manère de tretement, ou de enqueste, ou de autre covenable voie; et nous, sire, en sûmes tots prest, et bien en avoms commaundement. Tôt ceo, sire, lor feust ensi dit et respondu , et uncore, sire, ceste mesme requestes, que molt est resonable, nous vous fesons et requerrons de par nostre seignor le roi, que la restitucion et les choses desussdites en la manière dessusdite, soient fêtes. Et sache, sire, qe nostre seignor le roi, à qi vous estes molt conjoints en amistéspar molts de resons, a molt grant fiaunts que vous le faces sauns délai.