I04 * LETTRES ET MANDEMENTS
de Laval et au bien d'elx et de leur lignée et pour autres certaines et justes causes, Nous, en augmentant et acroissant à nostred. fille le dot de son mariage, luy avons donné et octrié, donnons et octrions par ces présentes, oultre la somme de cinquante mil escuz d'or de poys de franc, contenuz en noz lettres parmy lesquelles ces présentes sont annexées ', la somme de vignt mil escuz du poys dessusd. ; en voulant et voulons que la moitié d^icelle somme de vignt mil escuz soit censée et repputée le meuble commun de nosd. filz et fille les conte et contesse de Laval, et Tautre moitié, le propre héritage d'icelle nostre fille la contesse et de ses héritiers, à leur estre icelle somme de vignt mil escuz poyée ou à leurs hoirs et héritiers, respectivement à cbascun pour ce que luy en touche et touchera, aux termes qui ensuyvent, après le parpoyement du principal dud. dot decleré en noz autres lettres, comme dit est ; savoir est par chascun an et d'an en autre deux mil escuz, jucques ad ce que lesd. vignt mil escuz de croissance soint entièrement poyez, en la forme et sur telles et semblables obligacions et condicions comme le doivent estre ; et seront lesd. cinquante mil escuz de principal comme dit est. Donné en nostre chastel de Succeniou, le neuffiesme jour de janvier Tan de grâce mil cccc trante et quatre.
Ainsi signé, Par le duc, de sa main. — Par le duc, de son commandement. — Et dempuîs, le jour ensuivant, à Venues, ou consaill, presens : M^r le conte, Mv Pierres et messire Gilles de Bretaigne, Vous, l'evesque de S* Brieuc, le gréant maistre d'ostel, messire Pierres Eder, l'archedîacre de Rennes, Thebaud de la Clartiere, Yvon de Rocerff, Jehan d'Ust, Jehan Chauvin, Jehan Mauleon, Auffroy Guinot et autres. — Coaynon. »
Franchise d'un impôt sur les vins en faveur de Pierre Goueon.
Vidimus du 9 mars 1441 (Ar. L.-Inf., B, Anobl. et franchises).
Au château de Succinio, 1435, 9 janvier'. — « Jehan... A touz... salut. Receu avons la supplicacion et humble requeste qui de la partie de nostre bien amé et féal escuyer Pierres Goueon, de la parroaesse de S^ Germain près Matignon, nous a esté aujourdehuy faite, contenant que comme il soit un povre jovaigneur extroit de noble lignée, qui nous a servy en armes en noz guerres et asemblées, pour trover moyen de plus convenablement continuer nostre service et soustenir sa vie et son estât, ayt acoustumé en temps de paix à marchander et faire tenir taverne et vandre vin en detaill, où il avoit aucun pou de prouffit ; maintenant il ne le peut bonnement faire ne en user, pour la grant charge d'impost que avons mis sur les vins vanduz en detaill, si par nous ne li est pourveu en manière qu'il nous plaese le franchir dud. debvoir d'impost, humblement le nous requérant. Pour ce est il que nous... avons aujourdehuy, de graice especialle, vouUu... que li dit Pierres Goueon puisse vandre et faire vandre par detaill ou temps advenir, durant le temps de deiz anz, juques au numbre de quinze pippes de vin, senz en payer null ne aucun debvoir d'impostz, anczoys l'en avons quicté, franchy et examté durant led. temps juques à la vallour de l'impost dud. numbre de quinze pippes de vin par an. Si donnons en mandement à touz... officiers, etc.
