Voyez plus haut, n
2. Le vidimus de 1441 donne la date du 19 janvier, mais une variante qu'on trouve dans l'exécutoire donne celle du 9 janvier. Nous avons adopte de préférence cette dernière date, à raison de la concordance entre le présent n» et le précédent touchant la date de lieu et la postériorité du visa du conseil.
DE JEAN Vy DUC DE BRETAGNE X05
Et est ainssi signé, Par le duc. — Par le duc, de son commandement. — Et dempuix à Vannes, ou conssaill, les evesques de S^ Brieuc et de Léon, maistre Jehan Prigent, l'abbé de Beaulleu, le mestre des requestes, fut cest mandement délibéré par conssaill le zvii« jour de may l'an mill quatre cenz trente et cinq ans. — E. Estieniie. »
Requête du duc aux Pèrts de Bâle pour V appuyer auprès du pape dans la provision des
sièges de S^^Malo et de Tréguier.
D. Martène, Amplissima Collection t. VIII^ 791 9 ex ms. Aquicinctensi.
A Vannes, 1435, a6 janvier. — A très révérends pères en Dieu, très chiers et grans amis les prélats et autres tenants le concile à Basle. — Très reverens pères en Dieu, très chiers et grans amis. J'escrit présentement à nostre saint père le pape en faveur de mes chiers bien aimez et feaulz conseillers Pperre], nagueres evesque de Treguier, translaté à Pevesché de S* Malo, et Guillaume, abbé de Beaulieu mon aumosnier, en la forme qui s'ensuit : Très saint père et mon redoubté seigneur; en me recommandant à vostre B. S., très humblement vous plaise sçavoir que de présent on m'a rapporté que vostred. sainteté a puis nagueres translaté mon très chier et bien amé et féal conseiller Pfierre] evesque de Treguier à l'evesché de S* Malo, en mon pays, qui estoit vacant par le deceiz de feu Amauri, précèdent evesque dud. lieu de S^ Malo, auquel evesché avoit esté esleu mon chier et bien amé conseiller Guillaume, abbé de Beaulieu mon aumosnier, et ay entendu que vostred. sainteté a pourveu à messire Raoul Roland * qui de tout temps a esté serviteur, conseiller et allié de ceulx de Blois mes anemis anciens, qui autrefois me prindrent en trayson, comme assez vostred. sainteté a peu olr et sçavoir, d'iceluy evesché de Treguier. Si supplie à ycelle vostre sainteté que, en considérant la division et inconvénient qui, par le moyen dud. Roland, pouroit venir en mon pays, à grans péril et dangier de moy et de mes subjiez, il plaise à vostred. sainteté pourveoir desd. deux eveschiez à mesd. deux conseillers et non à aultres, pour quelconques lettres que par inadvertence je vous puisse ou pourois escripre au contraire, et ycelui Roland pourveoir d'aultres evesché ou bénéfice hors de mon pays ; car pour nulle rien je pourois souffrir ne endurer que en mon pays il ait bénéfice d'evesché, pour les causes dessus touchées, et croys que vostred. sainteté bien avisée de ceste matière ne le vouldroit faire. Si supplie à vostred. sainteté que ainsy luy plaise le vouloir et ne m'en faillir ; et ce faisant elle me fera très singulier plaisir, dont à tqusjours je luy seray très obligié et attenu. Très saint père, etc. (sicj.
Si vous prie tant et si affectueusement comme plus puis, qu'il vous plaise aviser et conseiller nostred. saint père de condescendre et obtempérer à ma supplication et requeste, pour les causes contenues es lettres de nostre saint père, qui concernent le bien et transquillité de moy et de moa pays, et ne m'en faillir ainsy que j'en ay en vous très entières seurté et confidence ; en me signifiant toutes choses à vous agréables et à moy possibles, pour les accomplir de très bon cuer à l'aide de Nostre Seigneur qui, très révérends pères en Dieu, vous ait en sa sainte garde.
Le vostre le duc de Bretagne, conte de Montfort et de Richemont, ~ Jehan {manu prt^a) .«*
