Au sens, croyons-nous, de rames, branchages

mourait en ce point; pour quoy nagueres, à la requeste de nosd. subgiz, ayons voulu et octrié que en celle douve d'un bout à autre fust fait ung conduit de certaine haulteur et devise pour lesd. eaues évacuer, et dessur icelui mis et geté des terres pour y faire aucun po de jardrins, au désir de noz lettres sur ce faictes. Et de présent ayons esté avisez par les aucuns des gens de nostre consoill se cognoessans en tel matere, que plus proffitable chose seroit pour le bien de nostred. ville et pour la seurté d'icelle, s'aucun inconvénient de guerre y sourvenoit, que Dieux ne veille, lad. closture et fortifficacion de nostred. ville neuffve tout premier faicte et acomplie, faire démolir et abatre la muraille et fortifficacion de nostred. cité et combler et emplir lad. douve, que qu'ilz demourassent en Testât où ilz sont de présent ; par quoy nosd. subgiz demourans en icelle et qui y ont leur rettroit et refuge, se meissent touz à une deffense et d'une commune volunté, si guerre y avenoit, que qu'il y eust deux forteresses, dont en l'une d'icelles les uns se peussent retirer et les autres laisser en perdicion; par quoy et o l'oppinion de pluseurs nottables personnes bien cognoessans en fait de guerre, ausquielx avons fait remonstrer ceste matere, avons conclut et délibéré lad. douve bailler et arancter par heritaige à noz subgiz dud. lieu de Rennes, à l'augmentacion de noz ranctes et revenues, pour y ediffier et faire maisons, jardrins et autres ediffices telz que bon leur semblera, comme cy après est decleré, Savoir faisons que nous, lesd. choses considérées, desirans l'acroissement de nosd. ranctes et revenues, avons aujourduy baillé, cédé et transporté... perpetuelement par heritaige à Guillaume Bouedrier et Guillemecte sa femme, qui de nous ont prins et accepté pour elx et leurs hoirs et cause ayans, une place et quantité de lad. douve au joignant dud. pont de porte Jacquet, entre la maison de Jehan Tizon, Regnaud Deschamps et leurs femmes d'un costé, et le mur de nostred. cité d'autre costé, et d'un bout aud. pont et pavé de la rue par laquelle l'on va de nostred. cité à l'église des Cordeliers, et d'autre bout à la tour neuffve de lad. cité ; le tout d'icelle place contenant nu ** piez de long, et de laise quarante piez ou environ, par nous en poyant chascun an u temps avenir, à nostre recepte dud. lieu de Rennes, ce qu'ilz doivent et sont tenuz faire aux termes de Noël et de la saint Jehan par moitié, le numbre de rancte cy desoubz decleré : savoir est, dès à présent et à continuer jucques au parachèvement de lad. fortifficacion de nostred. ville neuffve, ou que de nous ilz aynt congié et liscence de y ediffier et faire maison, et aussi que led. pont ait esté osté et abattu avecques les murailles de pilliers et autres ediffices servans à icelui, le numbre de quarante soulz de rancte, et à nostre main pour partie de noz entrailles * de ce contract, par nostre aumosnier et à Eon de Carné, garde de noz petiz coffres, la somme de cent unze escuz d'or et quatre vieulx moutons présentement poiez, et jucques alors n'y aura fait nul autre edifficacion que jardrin et led. conduit seullement; et quant lad. nouvelle fortifficacion sera parfaicte et acomplie, ou que led. pont sera osté et abatu et que lesd. Bouedrier et sa femme, par nostre liscence y feront ediffier maisons, ce que alors ilz pourront faire et non plus tost, ilz nous en seront tenuz poier, y comprins led. numbre de rancte précédant, en perpétuel, ausd. termes par moitié, le numbre de dix 1. de rancte, et pour entrailles, oultre lesd. cxi escuz et un moutons, la somme de troys cens escuz d'or quictes de toutes ventes et octrises... Et pour ce que es maisons desd. Tizon et Regnaud Deschamps joignant de lad. place de l'un des costez,y a certaines galleries pendentes sur icelle douve qui aucunement pourroint nuyre à l'ediffice desd. Bouedrier et sa femme et en ce lui porter aucun préjudice, Nous voulions et nous plaist qu'il les puisse faire abatre et mettre jus, en leur poyant et rendant ce que autresfoiz pour ce ilz nous poyerent, au désir de leurs

i. Droit d'entrée.

lettres et quittances qu'ilz en ont de nous, attandu que ce n'est que superfice qui en riens ne touche heritaige, que grandement pourrait empescher lesd. Bouedrier et sa femme àleurd. heritaige mesnaiger et ediffier. Sy donnons en mandement à noz senneschal, alloué, procureur et receveur dud. lieu de Rennes, etc. Et en tesmoign de ce, nous avons signé ces présentes de nostre main et fait seeller de nostre seel en laz de saye et cire vert.

Ainsi signé, Par le duc, escript de sa main. — Par le duc, de son commandement et en son consoill, uquel : les contes de Richemont et d'Estampes, Vous, le viconte de Rohan, le grant maistre d'ostell, messire Pierres Eder, l'archediacre d'Acreleon et autres estoint. — A. Guinot. »

Anoblissement de la Turpendqye et de Chartres pour Guillaume Jahou.

Vidimus du 18 déc. 1433 (Ar. L.-lnf., B, Anobl. et franchises).

A Vannes, 1433, 16 décembre. — « Jehan... A touz... salut. Comme à nous... appartienne ennoblir, eslever les estaz et côndicions, etc. Savoir faisons que nous..., considerans les bons et agréables services que nous a fait nostre bien amé et féal Guillaume Jahou, lui et les siens es temps passez, tant au recouvrement de nostre personne que autrement... ; à la supplicacion et humble requeste d'icelui Guillaume, homme de science, avocat d'asisse, et à la comtemplacion de révérend père en Dieu nostre bien amé cousin et féal conseillier et compère l'evesque de Nantes, nostre chancellier, jasoit ce que celui Guillaume soit noble personne yssu et extroit de nobles gens, et que selon raison presomptivement peut estre dit que touz et chascun ses terres et heritaiges fusseat reputez estre nobles ; Et neantmoins, pour ce que led. Guillaume nous a de présent signifié qu'il a deux hostelx, savoir l'un en la parroesse de Laillé, nommé la Turpendoye, l'autre en la parroesse de Chartres, nommé Chartres, ou diocèse de Rennes et autres heritaiges oud. diocèse, qui es temps passez sont et ont esté gouvernez et reliiez partablement et selon la conducion des baz estaz et côndicions, et que les demourans esd. hostelx dessus nommez aint acoustumé contribuer es fouaiges et subsidez es temps passez, icelui Guillaume, ses hoirs yssuz et qui ystront de lui, lesd. hostelx... ennoblissons, érigeons et eslevons à estre reiglé et gouverné es temps avenir pareillement et en telle manière comme se il et sesd. heritaiges fussent et eussent esté des fiez nobles et tenues qui sont reiglez et gouvernez selon l'asisse de nostre predicesseur le conte Geffroy, que Dieu absolle, et le fié de haubert, et par exprès à estre lesd. heritaiges, tant en noz fiez que autres prouchez, tenuz de nous et d'autres noz subgiz à fay et à rachat quant le cas y escherra... Et mesmes voulons et nous plaist que led. Jahou et ses hoirs portent armes ainsi que les autres nobles de nostre pays le font. Si mandons, etc. En tesmoign..., nous avons fait seeler cestes noz présentes en laz de soye et cire vert.

Ainsi signé, Par le duc, de sa main. — Par le duc, de son commandement, [presens] : Messeigneurs les contes de Richemond et d'Estampes, Vous, l'evesque de Rennes, le sire de Coesquen, l'abbé de S* Melaine et autres plusieurs. — B. Huchet. »

Franchise de fouages pour Guillaume Giquel, de Poligné.

Vidimus du 24 déc. 1433 (Ar. L.-Inf., B, Anobl. et franchises).

A Vannes, 1433, 18 décembre. — « Jehan... A touz... salut. Receu avons Pumble supplicacion et requeste de Guillaume Giquel, de la parroesse de Poliné ou diocèse de Rennes, contenant que comme il soit noble personne et pour tel se y est porté, tant au recouvrement de nostre personne en fait d'armes à Chantoceaux, Bouveron, Pouancé que autrement, où il a mis et froyé du sien, et combien qu'il sceit noble et extroit de noble extracion, demourant en ses heritaiges nobles, ait esté taillé... en noz fouaiges ; à quoy il s'estoit opposé contre les parroessiens dud. lieu et soit en pleit pendent, quelx neantmoins ont prins pluseurs de ses biens, humblement requérant qu'il nous plaise icelui franchir et exempter de touz fouages. Savoir faisons que... franchissons... et que les gaiges prins à cause de ce lui soint restituez. Si donnons en commandement, etc. » ; avec décharge d'un tiers de feu pour les habitants de Poligné.

« Ainsin signé, Par le duc, de sa main. — Par le duc, de son commendement. — G. de Carné. »

Analyse dans un inventaire (Ar. L.-Inf., E 241 ; anc.Tr. des Ch. R. C. 35, f° 23). — Visé dans des lettres

du 27 février 1434 (Plus loin n<> 21 38).

1433, 18 décembre. — « Lettre et mandement du duc Jehan à tous officiers de justice que, sur la complainte et requeste des evesque et chapitre de S 1 Mallo, disans que Morice de la Noe et autres fermiers des troites des pors et havres s'efforczoint faire poier les marchans portans vivres et marchandies en la ville et cité de S 1 Mallo ; pour quoy le duc mande qu'ils seuffrent que touz marchans puissent aller marchandament en lad. ville de S 1 Mallo sans aucun debvoir de troite en poier, fors seullement les deniers anciens. »

Renvoi jusqu'au retour de l'évêque de Tréguier envoyé en ambassade au concile de Baie, d'une cause entre les habitants de Tréguier et le receveur de la Roche-Derrien.

Orig. jad. scellé sur s. q. (Ar. Côtes-du-Nord, G, f. du chap. de Tréguier).

AVannes, 1433, 1 9 décembre.— «Jehan... A nostre amé et féal nostre receveur delà Rochederien... salut. Comme révérend père en Dieu nostre très cher bien amé et féal conseiller l'evesque de Treguer, son chappitre et ses citeyens et habitans de Lantreguier et de son minihy nous aient de pieça exposé eulx avoir droit et estre en bonne possession et avoir accoustumé de charger et faire charger et descharger sur mer au port de Lantreguier, toutes foiz que bon leur semble, blez, vins et autres provisions et marchandises, franchement et quittement sens aucune chose en poier de coustume, entrée, yssue ne d'autre subside quelconque, de leursd. blez, vins, provisions et marchandises

quelconques qui viennent, chargent, deschargent ou entrent esd. port et havre, ville et minihy et yssent d'iceulx, par leurs franchises et libertez, ne les premiers marchans qui achattent lesd. blez des gens de lad. église ; ce neantmoins, vous nostred. receveur de la Rochederien, vous estes souventesfoiz efforcié d'impescher lesd. supplians sur leursd. franchises et libertez, lesquelx nous aient assez supplié les lettres de leursd. franchises veoir et visiter, et en icelles les maintenir et garder, et leurs aions assigné terme à pluseurs de noz conseils affin de les voir et visiter, où ont esté veues ; et sur ce pendoyt et pent l'assignacion à nostre premier et prochain gênerai conseil. Et pour ce que nous envoions présentement led. révérend père en Dieu avecques autres noz embaxadeurs au concile gênerai de présent assemblé en la cité de Basle en Alemaigne, ouquel led. evesque fera résidence par aucune espace de temps en accomplissant nostred. embaxade, pour quoy vroysemblablement ne pourroit comparoistre en sa personne à nostred. premier et prochain gênerai conseil, lesd. evesque en sa personne, et chappitre et citeyens par leurs procureurs, nous ont supplié humblement que, ce attendu, avant le partement dud. evesque nous pleust mettre finale conclusion en ceste matere et les lesser jouir de leursd. franchises selon et jouxte latenour desd. lettres et que sont en bonne possession d'en jouir, humblement le nous requerans. Savoir faisons que, obstant les grans occuppacions que nous et nostre conseil avons eues et encores pour le présent avons, tant pour le bien publique de nostre pals que aussi pour l'expedicion des legaz de nostre sainct père le pape nouvellement devers nous envoiez et desd. noz embaxadeurs, lesquelx envoions présentement aud. concile gênerai pour le bien de nostre mère saincte église, pour quoy n'avons peu ne ne povons bonnement entendre ne vaquer à faire la discucion ou declaracion desd. lettres de franchises et libertez, ne leur faire raison de leurd. supplicacion...; considéré l'absence dud. evesque à nostred. premier et prochain gênerai conseil, comme nous espérons, avons prorogé... le terme desd. supplians, pour leur faire raison et à la fin dessurd., jucques au premier nostre gênerai conseil qui sera emprès le retour dud. evesque de nostred. embaxade dud. concile de Basle. Et ce pendent vous mandons et commandons lesser jouir et user lesd. supplians des franchises et libertez qu'ilz dient avoir, entièrement sans riens prandre ne faire prandre ne exiger d'eulx à cause desd. choses, ne des marchans desd. gens de lad. église pour la première vente, jucques aud. terme, etc.

Par le duc. — Par le duc, de son commandement et en son conseil, presens : les evesques de Vennes et de S* Brieuc, le grant maistre d'ostel, les archediacres de Rennes et d'Acreleon, Jehan Chauvin et plusieurs autres. — Coaynon. »

Anoblissement du lieu de Bonabri en faveur de Pierre de Bonabri.

Vidimus du 3 février 1434 (Ar. L.-Inf., B, Anobl. et franchises).

A Vannes, 1433, 19 décembre. — « Jehan... A touz... salut. Savoir faisons que nous, considerans les bons et agréables services que nous a fait... nostre bien amé et féal secrétaire Pierres de Bonabry..., avons... franchi... le lieu et herbergement de Bonabri, situé en la parroesse de Pancé en l'evesché de Rennes, apartenant au père de nostred. secrétaire, de touz foaiges... et subvencions quelxcomques, à jamais en perpétuel, et touz les demourans en celui herbergement, mestaiers et autres, et les demourans ou lieu et herbergement de la Roche, situé semblablement en lad. parroesse et

DE JEAN V, DUC DE BRETAGNE Jl

apartenant au père de nostred. secrétaire, et lequel à présent est frost et inhabité et n'est aucunement comprins u numbre des feuz d'icelle parroesse de Pancé à présent contribuans ausd. foaiges et subcides, pour ce que de paravant ces heures avions franchi et quicté les demourans en icelui ; et pour ycelx herbregemens rabatons du grant du numbre des feuz estans en lad. parroesse de Pancé contribuans ausd. subcides, demi feu. Si mandons, etc. Et en tesmoign de ce et signe de perpétuité, nous avons signées ces présentes de nostre main et fait seeller de nostre seel en laz de soie et cire vert.

Ainsi signé, Par le duc, escript de sa main. — Par le duc, de son commendement, presens : Vous, le doyen de S 1 Mallo, le grant mestre d'osteill, Jehan de Musillac et autres. — R. Lenevou. »

Visé dans une quittance du 22 janvier 1434* (Ar. Côtes-du-Nord, £ 868, f. de Penthièvre).

1433, 21 décembre. — Lettres du duc faisant don à Guion de la Mote, héritier principal de feue dame Jeanne de la Moussaie, dame du Vauclere, du rachat de lad. Jeanne, à l'exception de 100 1. mon. qui seront payées au trésorier du duc.

Analyses (Invent. Turnus Brutus, ^487.— Bibl. nat., ms. fr. 22332, f° 188).

1433, 23 décembre. — Lettres du duc par lesquelles, « pour les notables et loyaux services que Yvon de Treanna et Jan de Treanna, son filz, luy ont faictz depuis long temps en plusieurs manières, » il affranchit et exempte en perpétuel de tous fouages et subsides, dix (var. six) estagers des villages de Treanna, Roch et Pennoquerner, en la paroisse d'Elliant.

Mention au 2* compte de Guinot (D. Lob. II, io33 et D. Mor. Pr. II, 1259).

1433, 24 décembre. — Lettres de retenue pour Pierre le Clerc en qualité de secrétaire du duc.

Ordonnance pour la collégiale d'Aurqy.

Orig. jad. scellé en cire rouge sur s. q. (Ar. L.-Inf., E 83 ; anc. Tr. des Ch. N. B. 23). — Copie du XVII« s.

(Bibl. nat., ms. fr. 2708, f* 123).

A Vannes, 1433, 25 décembre. — « Jehan... A touz... salut. Savoir faisons que nous suymes loyaument imformez que feu nostre très redeuté se et père M* r le duc, auquel Dieux pardoint, après la victoire qu'il pleust à Dieu autresfoiz lui octrier le jour de la feste de M* r saint Michel l'archange,

1. Délivrée par Aliène de Basouges, mère et tutrice du donataire, à Jean Manccl, receveur de Moncontour.

contre son adversaire qui lui faisoit et donnoit contencion et controversie en et sur son duchié, et qu'il eust superé et vaincu led. jour en bataille arrengée, povoir contre autre, et que à ceste cause il obtint, la merci de Dieu, tantost après sond. duchié en paix; Icelui nostred.père, meu de bonne et louable devocion, fist ou champ de lad. bataille, près de nostre ville d'Auray, ou diocèse de Vennes, fonder, construire et y ediffier une notable chappelle pour y faire et célébrer le divin office à l'onneur de Dieu et de M* 1 " saint Michel l'archange et de toute la glorieuse compaignie de paradis, à prier Dieu pour les trespassez especialement en lad. bataille. Et pour ce faire, il institua pour lors ouyct chappellains et en sa vie les y soustint. Et à la dotacion et sustentacion de lad. chappelle, de ses deppendances et desd. chappellains, il ordenna six cens 1. mon. courante de rente annuelle valables et levables chascun an ; laquelle somme de rente, par bon et loyal prisage, il situa et assigna en ses terres et demaines, partie par lui acquises et partie ou demaine de sond. duchié. Et pour obvier à la rigour d'aucunes observances et usages dud. duchié, et affin que la chose ne peust estre aucunement calompniée, Il dempuix, en son plain parlement, par la deliberacion de son grant conseill, après qu'il eust loué et approuvé les choses dessurd., y procura et fist adjouster l'assentement des prelaz et barons de son pais ; et, combien qu'il eust en certain propos sur ce faire plusseurs ordennances et pour ce qu'il fut prévenu de la mort, il ne peust autrement ordonner ne adrecer sad. louable intencion ; à la continuacion de laquelle^ il fault adjouster plusseurs autres pointz et limitacions, affin de sa deue, juste et perpétuelle sustentacion. — Et pour ce, nous son filz aizné, qui de la grâce de Dieu lui avons succédé et succédons oud. duchié, aianz par raison grant joaie et liesce de lad. devocion et bonne intencion de nostred. père, par meure deliberacion de nostre conseill, d'abondance louons, ratifiions et approuvons lesd. choses, et voulons que elles sortissent leur plain efifect, en imitant et poursuyvant la bonne volunté et intencion de nostred. feu père, de laquelle par aucuns qui conversoint avecques lui suymes imformez, voulanz suppléer les ordennances qu'il lessa sur ce faire, Nous ordennons et disposons estre fondé en lad. chappelle un collège séculier de ouyct chappellains pour le divin office faire et célébrer, dont l'un d'eulx sera chieff et principal, appelle doyen, à qui les aultres seront tenuz faire obediance et révérence, et aura sur yceulx aultres toute congnoissance de juridicion et cohercion en touz cas civils et criminels, et qu'il ait entr'eulx preminance comme chieff principal. — Item, que lesd. ouyct personnes soient tenuz de dire et célébrer sollempnemeqt en beaux et nectz sourpeliz avecques chappeaux d'escureux en esté, fors le doyen qui aura chappeau de gris, et en yver chappes noires, les hores canoniaux dyurnes et nocturnes, et troys messes l'une o note selon l'exigence du jour, les deux autres en contant, une de Nostre Damme et l'autre pour les trespassez, et especialement pour l'amme de nostred. père, de qui en la principale collecte sera faicte expresse mencion des trespassez en lad. bataille. — Item, seront tenuz dire et célébrer lad. messe du jour par ordre des sepmaines, et les autres deux en contant, esgallement selon qu'ils ordenneront entr'eulx. Et oultre voulons qu'il y ait quatre cureaux * pour aider au divin office, qui paraillement seront subgitz et obéiront aud. doyen comme dessus. — Item, seront tenuz lesd. ouyct personnes de dire lesd. hores à l'usage de l'église de Vennes, et en tenir la manière de la sonnerie. Et après matines qui seront dites assez matin, sera faite pose d'une heure et plus avant sonner prime, laquelle sonnerie pour prime sera tenue longuement du petit sen, avecq un poay de l'autre sen plus grant, avant la dire ; et après ycelle prime chantée et

i. Coriaulx, cureaulx, curiaux, du latin choralis, choristes, enfants de chœur [Glossaire de Ducange). Cet auteur cite notre texte de 1433 parmi les exemples qu'il donne de ce mot.

une desd. messes basses célébrée, c'est asavoir de Requiem, sera sonné pour tierce ; laquelle dite, sera célébré sollempne ment lad. messe à note ; après laquelle, sera incontinent sonnée et dite sexte et non plus avant disner. — Item, après disner bonne pose, sera sonné le petit sen pour none; laquelle dite, sera sonné pour vespres, et ycelles dites, sera sonné pour compiles, lesquelles ainsin seront dites ensuite. Et ceste manière sera tenue par tout Tan, si non en caresme, ouquel temps sera la messe o note célébrée après none ; et incontinent après seront dites vespres, tout avant .disner ; et les complies seront sonnées et dites après disner, grant pose; et durant la grant messe, homme ne chantera messe senz le congié du doyen.

Item, desd. basses messes une, c'est asavoir celle .de Nostre Dame, sera célébrée sur un des petiz autiers assez tost après matines, et l'autre tantost après dire et célébrer Pore de prime, avant tierce, comme dit est. — Item, lesd. chappellains seront tenuz habiter et faire résidence et menger ensemble, et faire leurs provisions communelment, si non le doyen, quant il lui plaira, pourra menger en sa chambre ou là où il luy plaira. Et si le doyen ne puet vaquer ne enctendre au gouvernement des rentes et revenues dud. hostel et pour les causes et pladaieries, sera depputé un d'eulx, de commun assentement ou de la maire partie ou plus saine d'eulx, entre lesquelx sur ce la voix du doyen vauldra autant comme de deux, affin de gratificacion ; et s'il est mestier, ilz pourront depputer un dehors, et aussi pour estre recepveur de leurs rentes et revenues, qui en comptera au moins une foiz l'an ou toutes foiz que requis en sera. — Item, seront tenuz lesd. chappellains à estre toutes les hores et messes senz faillir, et ne s'en partiront de l'ostel senz le congié et licence du doyen ou de son lieutenant. Et si aucuns d'eulx va hors senz le congié et licence dud. doyen, il poira pour la première foiz cinq soulz, pour la seconde foiz dix s. et pour la tierce foiz vignt s. ; et s'il est si obstiné qu'il de daigne demander congié ne faire l'office comme dit est, le doyen, le cas à nous premièrement noctiffié, pourra de nostre auctorité déposer celui inobediant et nous signifier deposicion pour mectre un autre en son lieu qui soit suffisant. — Item, seront tenuz lesd. chappellains et chascun d'eulx officer et commencer anthiennes, lire lessons, dire versels, tenir chappes es festes sollempneles, et faire les autres choses pertinentes à l'office divin diurne et nocturne, selon l'ordennance dud. doyen, son lieutenant ou commis, et en cas de deffault, seront privés pour chascune désobéissance, du boire et menger d'une des réfections du jour, savoir est du disner ou du soupper, ou à jour de jeune, de boire vin par tout le jour ; et si lad. désobéissance se tourne en rébellion, pourra led. doyen les priver et déposer en la forme desclairée ou précèdent article. — Item, auront à leur trésorerie une bonne huge et forte fermante o deux cleffs, desquelles le doien gardera une et un des autres chappellains ad ce choaisi gardera l'autre. Et en celle huge sera mis le trésor de l'église et les cleffs du troncq. *— Item, tendront chappitre, sonné le sen ad ce depputé par troys foiz, comme à l'église de Vennes, chascun vendredi, et traicteront de toutes choses appartenantes aud. collège, et aviseront des prouffilz de l'ostel acquerre et d'eschiver son domage ; et proposera le doien premier s'il a et vieult aucune chose proposer, et demander des autres selon leur ordre s'ilz y vuellent aucune chose proposer. Et quant les cas seront proposez * et mis en termes, le doyen en demandera son oppinion de chascun desd. chappellains presens, par ordre, et ne sera aucun d'eulx si osé de parler ne dire mot jucques ad ce qu'il soit requis par led. doien ou de son congié exprès, ne l'un ne s'embatra sur la parolle de l'autre en disant son advis, et les autres touz olz, le doyen s'il est présent, ou en son absence celui qu'il aura lessé son lieutenant, en fera la conclusion, s'ilz sont touz d'une oppinion ou la maire ou plus saine partie d'eulx, selon la nature du cas, ou ad ce faire, pour plus meure deliberacion, mectra un autre jour ; et s'ilz

estoint en diversité d'oppinion, savoir est tant d'une oppinion comme de contraire oppinion, gratifiera le doien pour la part dont il sera, attendu que sa voix en celui cas vault deux, comme dessus est dit. — Item, en cas de neccessité grant, honneur ou utilité de l'ostel, du commandement du doien ou de son lieutenant, seront tenuz autres jours à faire et tenir autres cbappitres et se y comparoir, mais qu'ilz soient sonnez ou mandez, sur paine de l'amende à l'ordennance du doyen.

— Item, seront tenuz faire processions chascun dimanche et es grandes et annuelles festivitez, en la manière du cuer de l'église de Vennes. — Item, nous retenons et reservons à nous et à noz hoirs ducs de Bretaigne les collacions et totales disposicions ou donnaispns desd. doien et chappellains et de chascun, ainsin que nous et noz hoirs serons tenuz les conférer et y instituer personnes ydoines en meurs et en science, mesmement en l'art de chanter notablement leur plain chant, et en l'aage d'estre prestre es prouchaines ordres après lad. collacion, s'ilz ne l'estoint ou temps d'elle ; autrement ne les recepvront ne seront tenuz recepvoir, ainczois s'opposeront et le pourront faire, et nous et noz hoirs serons tenuz, par grant et meure deliberacion de nostre conseill,olr leur opposicion, à y pourvoir selon Dieu et conscience. — Item, chascune desd. personnes pourra prandre et obtenir quelconques autres bénéfices, cures on non cures, avecques les dessurd., senz aucune {lispence, exquelx pourront et seront tenuz lieutenans curés, servir et y faire leur debvoir.

— Item, en et sur les communes despences et provisions dud. lieu pourront, seront et devront estre tenuz continuelement troys chevalx, deux pour le doien et un pour le procureur; et si le doyen vieult entreprendre la charge de lad. procuracion, lesd. troys chevalx seront siens, pour lui, son clerc et son varlet.

Item, led. doyen pourra en son absence faire et instituer de un desd. chappellains, celui qu'il vouldra, son lieutenant à qui les autres seront tenuz obéir comme à yceluy doyen si présent estoit, sauff à appeller de lui davant led. doyen ; et en ce cas, demourra la chose en pendant jucques à la venue dud. doyen ; et s'il est trouvé que l'appel est fait indeument, l'appelant l'amendera à l'ordennance dud. doyen. — Item, seront tenuz lesd. chappellains venir gésir à l'ostel chascun vespre bien à heure avant la nuyct s'ilz sont à une lieue dud. lieu ; et ne gerront, cessant bonne et évidente cause, en la ville d'Auray ne ailleurs dedanz led. intervalle ; et s'il est appréhendé de faire le contraire, il l'amendera de vignt s. pour chascune foiz, à estre prins sur sa porcion et estre mis ou trésor dud. lieu. — Item, à la requeste de chascun complaignant d'eulx, seront tenuz lesd. chappellains respondre de droit davant led. doyen, ou en son absence davant son lieutenant, et ne leurs sera laisible faire convenir l'un l'autre ailleurs, sur paine de perdre la cause et d'amende arbitraire, lequel doyen en congnoistra sommairement et de plain, cessant toute rigour ou subterfuge, sauff droit d'appel; et s'aucun d'eulx est trouvé appeller indeument, sauff le droyt de partie, il amendera sur les prouffilz qu'il doit en avoir dud. lieu, de amende arbitraire, à estre convertie oud. trésor. — Item, si aucuns d'eulx se complaignt dud. doyen, sera tenu premier faire sa complainte en chappitre, affin que par les chappellains y estans se passe de lad. complainte, et en cas que le doyen delayroit obéir à lad. ordennance, sera et pourra estre convenu davant la justice là où il devra obéir de raison.

— Item, si aucuns desd. chappellains, à son privé interestz et prouffilz, dist avoir afaire contre aucune partie et sur ce l'enctent poursuyvre davant son juge de l'église ou séculier, affin qu'il n'ait matere ne cause de vaquer indeuement du divin office dud. hostel, il sera tenu avant en faire la poursuyte, declairer sa cause en chappitre, par deliberacion duquel en sera faite la poursuyte ou cessée, et qui autrement avant l'ordennance du chappitre le fera convenir, sera puni à l'ordennance dud. chappitre. — Item, si aucuns desd. chappellains est appréhendé de adultère ou d'autre crime énorme

et est sur ce grandement scandalizé, le doien, sur ce imformé sommairement, du conseill des autres chappellains ou de la plus saine partie d'eulx, et après que le cas nous sera signifié ou à noz hoirs, après troys monicions de se corriger et amender, o suffisant intervalle en cas de persévérance oud. délit, le pourra déposer de sond. bénéfice, ou s'il voit sa bonne repentance, de nostre assentiment ou noz hoirs, dispancer pour une foiz avecques luy. — Item, la deposicion faite desd. chappellains, nous ou nostred. hoir y pourrons plainement y disposer d'un autre ydoine en science, especialment d'art de chant, meurs et aage d'estre prestre, comme dessus est touché. — Item, si aucuns desd. chappellains est appréhendé d'amener et coucher o femme oud. lieu, soit mariée ou non, il pourra et devra estre privé de sond. bénéfice, si non que à nostre requeste ou nostre hoir, pour une foiz seullement si la bonne repentance l'a en soy, soit dispencé avecques lui. — Item, si aucuns desd. chappellains devient mesel ou epilentique, il sera mis hors du collège et un autre substitut en son lieu, et à l'ayde de sa soustenance durant sa vie, il aura sur la porcion dud. substitut, chascun an quinze liv. de mon. courante. — Item, si aucuns desd. chappellains devient malade que bonnement il ne puest venir à la table commune o les autres, luy sera faite provision et à son serviteur franchement et aimablement à sa chambre, selon le cas. — Item, si aucuns desd. chappellains est impesché ou fait de l'ostel, qu'il n'a peu estre au disner, s'il vient de jour, luy sera faicte provision de sa réfection amiablement selon l'aisement de l'ostel. — Item, après couvrefeu sonné n'y sera l'en tenu recepvre homme, ne ouvrir la porte pour quelconque personne que ce soit, si non en cas de neccessité ou de grâce que le doyen ou son lieutenant lui fera. — Item, à chascun jour de dimanche et aux grandes festes solempnées sera dite et célébrée la messe o note ordinaire à diacre et à sourdiacre, lesqueulx seront celui qui aura lessé la première sepmaine et devra sourvenir ensuyvant, et en sera le plus ancien diacre ; et neantmoins, quant ilz pourront despartir de servir le célébrant à l'autier, seront tenuz venir chanter au letrin. — Item, prandra et recepvra led. doyen les hommages des hommes feaulx dud. lieu.

Item, du commun assentement desd. doien et chappellains, institueront en leur chappitre un seneschal et un procureur pour gouverner leur temporel, et s'ils discordent des personnes, sera tenu ce que le doyen en ordennera s'il a troys de son oppinion, non quelque opposicion des autres, et nous certifiiez deuement. — Item, si l'un d'eulx dist aucune injure ne villanie au doyen, il amendera à la volume dud. doyen, à estre convertiz la moitié au trésor de l'église et l'autre moitié au prouffilt dud. doien; et si l'un d'eulx dist à l'autre aucune injure ne villanie, il l'amendera à l'esgart dud. doyen, tant à court que à partie, à estre convertiz comme dit est. — Item, s'il y a aucuns desd. chappellains en yvraign continuel, il sera mis à menger en sa chambre et poient pour chascune foiz qu'il s'enyvrera cinq s., à estre mis et convertiz ou trésor de l'église; et s'il se rebelle d'aller à sa chambre quant led. doien ou son lieutenant luy commendera, il poiera autres cinq s. et suffira pour toute prouve la relacion dud. doyen ou de deux desd. chappellains. — Item, si aucun desd. chappellains est melliff ne rioteux, il ne mengera point en salle, et sera envoie en sa chambre et servi selon l'aise de l'ostel ; et s'il y a nulz d'eulx qui boyve trop excessivement, luy soit baillée sa porcion à part ; et n'entrera nul desd. chappellains en la despence senz le congé et licence dud. doyen, si non le maistre d'ostel, sur paine arbitraire; et ne parleront à table de nulles parolles vilaines et feront lire la Bible durant le temps qu'ils seront à table. — Item, du résidu des revenues dud. lieu seront poiez les despens et mises des pledairies, les gaiges de touz leurs officiers, les reparacions et mises communes et neccessaires estre faites environ led. hostel; et de ce qu'il en restera, l'en fera neuff parties, desquelles le doyen prandra deux pour soy et à son prouffilt, et chascun

des autres une. Et quant est des oblacions, elles seront mises en la reparacion de kd. chappelle et en la provision du luminaire, des ornemens et autres choses neccessaires en lad. chappelle estre faites. Et pour ce que de neccessité convient que led. doien soit souventesfoiz occuppé ou fait et négoces des choses neccessaires dud. lieu et autrement, par quoy ne pourroit bonnement vacquer ne enctendre à estre continuelèment aux hores et service divin dud. lieu, Nous ne voulons qu'il soit aucunement abstraint à y faire résidence ne à aller aux hores, si non quant il pourra bonnement vacquer, selon et jouste sa conscience, faisant son debvoir des messes. Et en oultre voulons que le doyen, o l'assentement desd. chappellains ou la maire et plus saine partie d'eulx, puisse croistre et ad jouster à cestes noz présentes ordennances toutes les choses et chascune qu'il verra estre justes,raisonnables et prouffitables estre mises et faites pour le bien et acroissement de l'office divin, ou au prouffilt dud. hostel, ses circonstances et deppendances. — Et par ces meismes présentes, mandons et commandons à nostre bien amé et féal secrétaire Jehan le Moel, à présent doyen dud. lieu, et à celui ou ceulx qui pour le temps advenir le seront, cestes noz présentes ordennances garder et faire garder fermement senz les enfraindre et senz faire ne souffrir estre fait aucune chose à rencontre. De ce faire lui avons donné et donnons auctorité de par nous et mandement especial ; mandons et commandons à touz noz feaulx et subgitz, en ce faisan; lui obéir et diligeanment enctendre. Et affin que toutes les choses et chascune dessusd. aient bonne et deue fermeté et enterinance inviolable, Nous supplions, prions et requérons nostre saint père le pappe ou autres qui de lui sur ce seront commis ou depputez, et chascun d'eulx aiant povoair ordinaire ou délégué, qu'ilz vuillent lad. fondacion en touz et chascun les articles que dessus, louer, ractiffier, confermer et approuver, et aud. doyen, en touz et chascun les cas dessus declairés, leurs incidens, circumstances, appendances et deppendances, juridicion totale, comme dessus est declairé, de certaine science donner et octroyer, et à nous et noz successeurs toute disposicion d'institucion, destitucion et collacion, comme dessus, et à ceste nostre ordennance, en touz et chascun ses articles, donner assentement et décret en et sur elles, affin que elles sortissent deu et perpétuel effect ainsin qu'il appartient de droyt et de raison.

Par le duc. — Par le duc, de son commandement. — M. de Partenay. »

Mention dans un inventaire de 1459 (Ar. L.-Inf., E74; anc. Tr. des Ch. F. C. 1.)

1433. — Lettres de non-préjudice pour Févêque de Nantes qui avait octroyé au duc de lever une taille et des subsides sur les hommes de ses domaines.

Mention au 2« compte de Guinot (D. Lob. II, 1034 et D. Mor. Pr. II, 1260).

1434 n. s., i tf janvier. — Mandat de paiement pour les présents d'étrennes : «une coupe d'argent dorée, hachée et camosée à Olivier d'Auray, enfant de chambre ; à Jehan de Musillac, vi tasses d'argent ;... à M< r le comte de Montfort, un gobelet d'or garni de pierreries poisant iv marcs;... à Alain Provost,des lunettes d'or garnies de bericles... »

2i35 Anoblissement et franchise pour Pierre Dorel.

Vidimus du 19 mars 1455 (Ar. L.-Inf., B, AnobL et franchises).

A Muzillac, 1434 n. s., 8 janvier. — « Jehan... A touz... salut. Comme à nous... apartienne franchir et ennoblir celuy ou celx qu'il nous plaist, Savoir faisons que... nous avons franchy et ennobly... Pierres Dorel, de la parrouaisse de Longaulnoy, et ses hoirs procréez et yssuz de sa char en mariage, pour touzjours mais, et l'avons quité.*, de touz guetz, tailles, fouaiges, et... que luy et sesd. hoirs joissent des privilèges et libertés de noblesse, ainxin que les aultres nobles de nostre pals ont acoustumé de faire, pourveu que led. Dorel et sesd. hoirs après luy nous servent en armes quant besoign en sera... Sy mendons, etc. En tesmoign desquelles choses, nous avons fait seellez ces présentes en lacz de saye et sire vert.

Ainxin signé, Par le duc, de sa main. — Par le duc, de son commendement, l'abbé de Beaulieu, Jehan de Musillac et plusseurs aultres presenz. — Coaynon. »

zr36

Mentions (Ar. L.-Inf., E 281 ; inventaire de 1648, f°5 v*. — Bibl. nat., ms. fr. 2i33i, p. i55. — Maillard,

Hist. d'Ancenis, ire édit., p. 348, 2« édit., p. 574).

1434 n. s., 22 janvier. — Lettres de non-préjudice pour le sire et la dame de Rieux, à cause de leur baronnie d'Ancenis, à raison de l'octroi par eux fait au duc pendant trois ans d'une levée de 8 s. sur chaque pipe de vin passant sur la Loire à Ingrandes, octroi dont le produit était destiné aux frais de la défense du pays*.

Mention au 2« compte de Guinot (D. Lob. II, io35 et D. Mor. Pr. II, 1261).

1434, 14 février. — Mandat de paiement « à Jehan de Treal, gouverneur de M» 7 Pierre de Bretaigne. »

2i38 Défense de lever aucun nouveau devoir sur les marchands venant à Saint-Malo.

Copie du XVII* s. sur papier (Ar. Côtes-du-Nord, E 1479, f* de Penthièvre). — Analyse dans un inventaire

(Ar. L.-Inf,, E 241 ; anc. Tr. des Ch. R. C. 35, f° 25).

A Dinan, 1434, 27 février. — « Jehan... A noz sénéchaux, allouez... et à tous... salut. De la partye de reverand père en Dieu et noz bien amez et féaux conseillers les evesque, doyen, chapittre