Voyez plus haut, n

3. Le vidimus de 1441 donne la date du 19 janvier, mais une variante qu'on trouve dans l'exécutoire donne celle du 9 janvier. Nous avons adopté de préférence cette dernière date, à raison de la concordance entre le présent n* et le précédent touchant la date de lieu et la postériorité du visa du conseil.

DE JEAN V, DUC DE BRETAGNE Io5

Et est ainssi signé, Par le duc. — Par le duc, de son commandement. — Et dempuix à Vannes, ou conssaill, les evesques de S 1 Brieuc et de Léon, maistre Jehan Prigent, l'abbé de Beaulleu, le mestre des requestes, fut cest mandement délibéré par conssaill le zvn e jour de may Tan mill quatre cenz trente et cinq ans. — E. Estienhb. »

Requête du duc aux Père* de Baie pour V appuyer auprès du pape dan* la provision des

sièges de S'-Malo et de Tréguier.

D. Martène, Amplissima Collectio, t. VIII, 791, ex ms. Aquicinctensi.

' A Vannes, 1435, 26 janvier. — A très révérends pères en Dieu, très chiers et grans amis les prélats et autres tenants le concile i Basle. — Très reverens pères en Dieu, très chiers et grans «mis. J'escrit présentement à nostre saint père le pape en faveur de mes chiers bien aimez et feaulx conseillers P[ierre], nagueres evesque de Tréguier, translaté à Pevesché de S 1 Malo, et Guillaume, abbé de Beaulieu mon aumosnier, en la forme qui s'ensuit : Très saint père et mon redoubté seigneur; en me recommandant à vostre B. S., très humblement vous plaise sçavoir que de présent on m'a rapporté que vostred. sainteté a puis nagueres translaté mon très chier et bien amé et féal conseiller P[ierre] evesque de Tréguier à l'evesché de S 1 Malo, en mon pays, qui estoit vacant par le deceiz de feu Amauri, précèdent evesque dud. lieu de S 1 Malo, auquel evesché avoit esté esleu mon chier et bien amé conseiller Guillaume, abbé de Beaulieu mon aumosnier, et ay entendu que vostred. sainteté a pourveu à messire Raoul Roland * qui de tout temps a esté serviteur, conseiller et allié de ceulx de Blois mes anemis anciens, qui autrefois me prindrent en trayson, comme assez vostred. sainteté a peu olr et sçavoir, d'iceluy evesché de Tréguier. Si supplie à ycelle vostre sainteté que, en considérant la division et inconvénient qui, par le moyen dud. Roland, pouroit venir en mon pays, à grans péril et dangier de moy et de mes subjiez, il plaise à vostred. sainteté pourveoir desd. deux eveschiez à mesd. deux conseillers et non à aultres, pour quelconques lettres que par inadvertence je vous puisse ou pourois escripre au contraire, et ycelui Roland pourveoir d'aultres evesché ou bénéfice hors de mon pays ; car pour nulle rien je pourois souffrir ne endurer que en mon pays il ait bénéfice d'evesché, pour les causes dessus touchées, et croys que vostred. sainteté bien avisée de ceste matière ne le vouldroit faire. Si supplie à vostred. sainteté que ainsy luy plaise le vouloir et ne m'en faillir ; et ce faisant elle me fera très singulier plafeir, dont à tousjours je luy seray très obligié et attenu. Très saint père, etc. (sic).

Si vous prie tant et si affectueusement comme plus puis, qu'il vous plaise aviser et conseiller nostred. saint père de condescendre et obtempérer à ma supplication et requeste, pour les causes contenues es lettres de nostre saint père, qui concernent le bien et transquillité de moy et de mon pays, et ne m'en faillir ainsy que j'en ay en vous très entières seurté et confidence ; en me signifiant toutes choses à vous agréables et à moy possibles, pour les accomplir de très bon cuer à l'aide de Nostre Seigneur qui, très révérends pères en Dieu, vous ait en sa sainte garde.

Le vostre le duc de Bretagne, conte de Montfort et de Richemont. — Jehan (manu propria) .-*- Godaut, *

1. H*c epistola nullum sortit* est effectuai; nam Radulfus Trecorensem obtinuit episcopamm, qucm ad anmum f 440 tenait (Note de D. Martène).

Décharge de 20 l. à la veuve du fermier du devoir des vins à Rennes.

Orig. jad. scellé en cire rouge sur s. q. (Ar. mun. de Rennes, liasse 64).

A Rennes, 1435, 6 février. — t Jehan... A noz cappitaine, connestable, lieutenant, Perrin Peppin, reppareur, miseur et receveur des deniers ordennez pour les repparacions de nostre ville de Rennes, Jehan Guerriff et touz... salut. Receue avons la supplicacion et humble requeste de nostre povre subgite Jehanne, femme de deffunt Guillaume Vincent, exposant que comme il soit ainsi que led. deffunt eust prins de nostre reparour de nostre ville de Rennes, dès la feste de la Chandelour eut un an, la ferme et devoir des vins, et est vroy que en cest an presant le feu est prins en la meson dud. deffunt et ardit toute jucques à terre, et n'y demoura chose qui ne fust arce. Et emprès ce, led. deffunt estoit allé à S 1 Jame en Galice, et ou veaige lui est prins maladie et assez tost après sa venue dud. voiage ala de vie à trespassement, et est demourée lad. suppliante chargée de lad. ferme, que n'a peu ne sceu cuillir led. devoir, et ausi n'a esté que de bien po de valour, car les gens d'armes estoint ou pals d'Anjou et n'y ousoint les marchens aller, et ausi les charretiers n'ont peu charroier pour les groz et naiff. Et pour les causes dessurd. et aultres est chaite en rest vers led. reparour de saixante 1. et plus que s'efforce lui faire poier, quelle somme ne porroit poier car il ne lui est ainsi comme riens demouré, nous suppliant et très humblement en pitié et aulmosne led. rest lui donner, ou autrement s'il le lui convient poier, elle est à povreté, requérant sur ce nostre provision. Savoir faisons que nous, en pitié et aulmosne... quictons et donnons par ces présentes à lad. suppliante, sur ce qu'elle peut devoir à cause de sond. rest de lad. ferme, la somme de vignt 1. mon. pour lui aider à se recouvrer de lad. perte. Si vous mandons, etc.

Par le duc. — Par le duc, de son commandement, le comte de Laval, le sire de Montaffillant, l'abbé de Beaulieu et autres pluseurs presens. — B. Huchet. »

Décharge de 83 L, réduite à 20 L, au fermier de l'apetissement des vins à Rennes.

Orig. jad. scellé en cire rouge sur s. q. (Ar. mun. de Rennes, liasse 64).

A Rennes, 1435, g février. — « Jehan... A noz cappitaine, connestable, lieutenant, Perrin Peppin, reppareur, receveur et miseur des deniers des euvres de nostre ville de Rennes, Jehan Guerriff et à touz..., salut. Receue avons la supplicacion et humble requeste de nostre povre subgit Colin Graslen, de nostre ville de Rennes, exposant que comme ainsi soit que dès le doziesme jour d'apvrill derroin, il print et afferma pour un an de Jehan Guinot et Eudin du Rocheel l'apetisaige des vins qui seroint venduz en detaill es rues du bourg FEvesque, la rue Haulte, la rue aux Foulons et la rue Hus, pour la somme de deux cens 1. m., quel apetisaige lesd. Guinot et Eudin avoint prins de vous nostred. reparour ; quelle ferme n'a que po de chose valu, et ont lesd. Guinot et Eudin tourné led. suppliant de poier lesd. deux cens 1. m. à Jehan Guerriff, vers lequel Guerriff led. suppliant est chaist en rest de vi" vin 1., car, la merci Dieu, qu'il ait esté grant nombre de vins

et de citres, et chascun s'en estre pourveu et es tavernes ne vont les gens ausi comme riens querrir. Et pour ce que n'a peu poier, a vendu led. suppliant aud. Guerriff saixante solz de franc prisaige sur son héritage, o condicion de racquit dedans la Madelaine proùchaine, pour la somme de seix vigns ouit 1., quel racquit ne porroit faire si de nostre grâce ne nous plaist lui aider, il lui convendra perdre son héritage et en estre il, sa femme et dix petiz emffans qu'il a, déshérité à tourjours mais, humblement requérant sur ce nostre provision. Savoir faisons que nous..., en pitié et aulmosne, quictons et donnons par ces présentes aud. suppliant sur ledit rest, la somme de quatre vigns huit 1. m., et le parsus dud. rest, qu'est quarente 1., avons receu à nostre main, savoir est, par nostre aulmosnier quinze 1., et par Eon de Carné, garde de noz petiz coffres, vignt escuz de pois de franc, valans vignt et cinq 1., dont comptera et respondra, qu'est somme ensemble seix vignt huit 1. m. ; de laquelle somme l'avons quicté et quictons entièrement, et voulons qu'il en soit et demeure quicte envers nous, lesd. Peppin et Guerriff et touz autres. Si vous mandons, etc. — Et ce vouions par ainsi que led. suppliant poyra oultre ce que dessus est dit, aud. Guerriff, la somme de vignt et cinq 1. m. que nous approuvons. Donné comme dessus. — Et poyra led. suppliant lad. somme aud. Guerriff dedans la feste de la Magdelaine proùchaine venant; et partant, et ce faisant et poiant lad. somme de xzv 1. aud. Guerriff, demourra envers led. Guerriff quicte. — Et ne voulons que cestes noz présentes luy vaillent que de la somme de vignt 1. m., et le parsus qui reste poyera ausd. nommez, fors ce que il a baillé et poayé à la main de mond. s* r et à son aumosnier, qui a esté délibéré paraillement luy valloir descharge. Donné comme dessus. — Phelipot.

Par le duc. — Par le duc, de son commandement, Vous, les evesques de S 1 Brieuc et de Léon, le sire de Montafillant, le maistre des requestes et autres pluseurs presens. — B. Huchet. »

Mandement d'enquérir du tort causé à l'abbaye de S'-Georges par les nouvelles fortifications

de Rennes.

Orig. scellé en cire rouge sur s. q. du sceau n° 8 (Ar. Ille-et-Vil., H, f. de Si-Georges de Rennes). — Copie papier timbré (Ibid.). — Cartulaire de S r Georges de Rennes, par P. de la Bigne Villeneuve, p. 273-275.

A Rennes, 1435, 10 février. — « Jehan... A révérend père en Dieu nostre chier et bien amé cousin, compère et feaulx conseillers l'evesque de Nantes, nostre chancelier, messire Robert d'Espinay, grant maistre de nostre hostel, salut. Receue avons l'umble supplicacion et requeste de noz humbles religieuses et dévotes orateures les abeesse et convent de nostre benoist moustier fondé en Fonneur de Dieu et de M* r saint George près nostre ville de Rennes, contenant que pour la guerre et doubte des annemis, Nous et nostre conseil aieons ordrenné faire clorre de fossez et murs certaine quantité des forbourgs de nostre ville de Rennes et, entre aultres lieux, est nostred. moustier ; lesquelles douves et murs ont esté faites par les cimiteres, jardrins, prez et aultres heritaiges des appartenances de nostred. moustier, et mesmes, pour ce faire, ont esté abatues pluseurs mesons tenues prochement d'iceluy esquelles avoint hommes estagiers qui, par cause de ce, leur devoint en chascun an pluseurs et grans numbres de rentes, et y avoint pluseurs aultres proufilz, tant à leurs moulins que d'aultres droiz de seigneurie, de quoy, par cause desd. choses, nozd. suppliantes n'ont plus le joissement ; mesmes a esté levée et getée la pierre et terre troite desd. douves, à l'entour des murs dud. moustier tellement que, par cause de ce, les eaues sont cheues dedans lesd.

murs et en 6ont pourris et empirez, par occasion de quoy l'église dud. moustier est en voye de choarrs et démolir, si de brieff n'y est pourveu ; mesmes, pour faire lad. fortifficacion, a esté abatu et dilaxeré quantité de la chaucée des moulins de la ripviere de Vitiasgae appartenans ausd. suppliantes ; pour occasion de quoy iroed. suppliantes sont grandement endommaigées et plus seront si, de brieff, provision n'y est faite... Savoir faesons que nous... vous mandons et commandons et très expressément enchargeons que vous transportes sur les lieux et... vous informez sommairement et de plain du donné entendre desd. suppliantes et quelle perte et dommaige elles ont eu ou peuvent avoir par cause et occasion de lad. closture et fortifficacion, affin que, suivant vostre raport nous fait, puissions pourvoairs esd. religieuses par vostre advisement ainsi que de resoa... Par le duc, en son conseil, ouquel : les evesques de S k Brieuc et de Léon, l'arcediac*e d'Acreleon, messine Alain de Karozeré, le iMistre des requestes et autres plusseurs estoint. *- B. Hochet, s

Mandement d'indemniser, après enquête, les religieuses de S*-Georges, à raison des

nouvelles fortifications de Rennes.

Orig. scellé en cire rouge sur s. q. du sceau n<> 4 (Ar. Ille-et-Vil., H, f. S*-Georges de Rennes, liasse 60).

A Rennes, 1435, 1 5 février. — « Jehan... A révérend père en Dieu nostre très chier cousin, compère, bien amez et feaulx comsoillers Pevesque de Nantes, nostre chancelier, l'archediacre de Rennes, les seneschal et alloué de Rennes, salut. Comme naguieres, sur la complainte et humble requeste que de la partie de humbles et dévotes religieuses les abbeesse et convent du benoist moustier de S 1 George, situé en nostre ville de Rennes, disant que pour la cloaison et fortifficacion des murs et aultres abillemenz neccessaires pour la fortifficacion de nostre ville neuffve de Rennes, led. moustier a esté grieflvement et excessivement diminué et endomaigé, et les revenues d'icelui grandement amaindries par pluseurs voyes et moyens bien à plain declerés par noz lettres à vous adreczées, par lesquelles cestes présentes sont annexées ft , Nous vous eussions commis les aucuns de vous pour voairs et visiter le préjudice et dopmaige que led. moustier povet et pourroit avoir par raeson de lad. fortifficacion et cloaison ; à quoy avez aucunement vacqué ; mes pour ce que le temps estoit brieff €t auxi que par nozd. lettres n'avez de nous auctorité et povàir de pourvoairs aud. moustier de k rescompense et dopmaige qui par cause de ce lui peut et doibt apartenir, lesd. abbeesse et convent, qui désirent garder les droiz de leurd. moustier, nous ont humblement suppliez sur ce leur pourvoairs de remède convenable. Pour ce est il que nous, voulans led. moustier augmenter et non diminuer et convenablement faire rescompenser du dopmaige et préjudice qtli par cause de lad. cloaison et fortifficacion de nostred. ville peut avoir, Vous mandons, commathdons et chargeons ou à dous de vous, très expressément, que promptement et sans deloy voçs vacquez ou fait de lad. commission, au désir de nosd. lettres, et tout ce que trouverez suffizamnem led. moustier avoir esté et estre en diminucion de revenues, tant en cimitere, jardrins, vergiert, vignes, prez et aultres chouses, en ruement et destrucion de mesons et ediffices que aultremem, vous les faictes valablement rescompenser es lieux et endroitz que verrez estre expédient, et sur