PRISE DE DAMIETTE (6 JUIN

la bataille ot duré par mer et par terre des la matinee jusques a midi, lors se traisent li Turc arrieres et s’en alerent et entrerent dedenz la cité de Damiete. Li roys demoura seur la rive a tout lost de la cres-.Æ tienté. Il ot en cele bataille ou peu ou nul perdu des crestiens; des Turs y ot occis bien jusqu'a .v.c. et moult de leur chevaus. Il y ot occis quatre amiraus. Li roys qui avoit esté chevetains en la bataille ou

li quens de Bar et de Montfort avoient esté desconfit delez Gadres, fu occis en cele bataille. Ce estoit, ce disoit on, li plus granz sires de toute la terre d'Egypte aprés le soudant, et bons chevaliers et hardis et sages de guerre.

XII. L’endemain, ce est assavoir Île dimenche aprés les octaves de la Pentecouste, au matin, vint uns Sarrazins au roy et dist que tout li Sarrazin s’en estoient alé de la cité de Damiete, et que on le pendit, se ce n’estoit voirs. Li roys le fist garder et envoia gens pour savoir ja certaineté. Avantque ilfust nonne, certainnes nouveles vindrentauroy, que grant plenté de nos genz estoient ja dedenz la cité de Damiete, et la baniere le roy seur une haute tour.

XIII. Quant nos gens oïrent ce, moult durement loerent Nostre Seigneur et mercierent de la grant debonnaireté que il avoit faite aus crestiens ; car la cité de Damiete estoit si fors de murs et de fossez et de grant plenté de tours fors et hautes, de hordeis et de barbacanes, et de grant plenté d'engins, d'armes et de viandes, et de quanque mestier estoit pour vile deffendre, que a paines peust nulz hons cuidier que ele peust estre prise, se par trop grant