SAINT LOUIS FAIT SON ENTRÉE (12 JUIN

. Parnnenon et par trop granz travaus, par force degens. ro

Moult le trouverent nos gens bien garniee de quanque mestier estoit.

XIV. On trouva dedens en prison .lj. esclaves de crestiens qui avoient esté laiens, ce disoient, vint et deus ans. Il furent delivré et amené au roy. Et disoient que li Sarrasin s’en estoient fui des le samedi par nuit et que li Sarrasin disoient li un a l’autre « que li pourcel estoient venu ». On y trouva ausi ne sai quans Suriens crestiens, qui manoient laiens en subjection des Sarrazins. Quant cil virent les crestiens entrer en la vile, il prirent crois et les portoient, et par ce n’orrent garde. On leur laissa leur maisons et ce qu'il avoient dedens, aprés ce que il orrent parlé au roy et au legat.

XV. Li roys et li os se desloga et s’en alerent logier devant la cité de Damiete. L'endemain dela feste saint Barnabé l’apostre, li roys entra premiers dedens Damiete, et fist despechier le maistre mahommerie de la vile et toutes les autres, et en fist faire eglises dediees en l’onneur de Jhesucrist.

X VI. Nous cuidons bien que nous ne nous mouvons de la cité jusqu'a la feste touz sains, pour la croissance dou flun de paradis qui la queurt, que on apele le Nil ; car on ne puet aler en Alixandre, ne en Babiloine, ne au Chaaire, quant il s’est espanduz par la terre d'Egypte. Ne il ne doit descroistre, ce dist on, devant adonques.