MÉFAITS DES BÉDOUINS

dant de Babiloine, mais on fait entendre au roy que autre soudant le guerroient. Et sachiez bien que, onques puis que Diex nous ot rendue la cité, on ne vit pres de nostre ost fors Beduins sarrazins qui viennent aucune fois a deus liues pres de l’ost. Et quantnostrearbalestrier vonttrairea euls, si s’enfuient. Cil meismes viennent par nuit dehors lost por embler chevaus et testes de gens. Et dist on que li soudans donne dis besanz por chascune teste de crestien que on li aporte. Et coupoient en tele maniere li sarrazin Beduin les testes des pendus, et deffouoient les cors qui estoient enfouy en terre pour avoir les testes pour porter au soudant, si que on dist. Uns Beduins sarrazins qui y venoit touz seulz y fu pris, pour ce le garde on encore. Ces larrecins pooïent il faire legierement, car ja soit ce que li rois ait dedens la cité de Damiete la royne sa femme et une partie de son harnois dedenz le palais et les fremetez le soudant de Babiloine, et li legas son harnoïs dedenz les sales et les fremetez le roy qui fu occis en la bataille quant nous arrivasmes, et chascuns des barons ait aussi son grant ostel et bel dedens la cité de Damiete selonc ce que li convient, nequedent lios de la crestienté et li roys et li legas sont logié dehors la vile. Pour ces larrecins, que li sarrazin Beduin faisoient, ont li crestien commencié a faire entour l’ost bons fossez, parfons et larges ; mais il ne sont mie encore parfais.

XVIIT. Ainsi rendi Nostre Sires Jhesucris par sa misericorde la noble cité et la tres fort de Damiete a la crestienté, [quant l’an de l’Incarnation estoit mil . cexlix . ans] le dimenche aprés les octaves de