DE FRANÇOIS DE BOURBON, DUC DE MONTPENS1ER

(29 août 1568.)

Messieurs , ayant monsieur mon père et moy veu l'advis que vous nous donnez des advertissemens qui vous ont esté faictz comme ceulx de la relligion nouvelle sont desjàen grosse trouppe auprès de Bourges, il nous a semblé bon d'envoyer ce mien gentilhomme ces lettres porter par devers vous , aiEn de conférer avec vous sur ce que sera besoing faire pour la conservation de vostre ville et empescher qu'il n'y advienne aucune surprinse ; pour quoy éviter, il me semble

que vous ne debvez plaindre d'envoyer jusques au Fau et autres lieux où ceulx de ladite relligion nouvelle de vos quartiers peuvent faire leurs assemblées pour, sellon ce qui vous en sera rapporté , regarder à ce que vous aurez affaire, attendant que inoy mesme je puisse vous aller veoir et ordonner à ce que je congnoistray estre nécessaire par dellà pour le bien du service du Roy, Monseigneur, qui sera devers jeudi au plus long loing, pourceque mondit sieur mon père faict assigner à ce jour -là la réception du serment de ceulx de la noblesse catholiques de Touraine , où il veult que je me trouve pour le recevoyr. En attendant, je vays prier Dieu vous donner, Messieurs, sa saincte et digne grâce. De Champigny, le xxixe jour d'aoust 1568.

Le bien vostre,

François de Bourbon.

Depuis cette lettre escripte Monsieur mon père et moy avons ad visé que je partiray dès demain pour vous aller veoir, ce qui m'a gardé de vous depescher ce gentilhomme dont je vous escriptvoye et aussi de signer l'ordonnance que vous m'aviez envoyée , pourceque je délibère en conférer avec vous quant je seray par dellà.

Depuis tout ce que dessus escript, Monsieur mon père et moy avons advisé pour quelques occasions que je ne partiray jusques à mercredy prochain pour vous aller trouver et de vous envoyer seullement ce lacquais pour entendre par son retour toutes nouvelles de vostre part, ayant aussi advisé de vous envoyer l'ordonnance que vous demandez si ornée.

(Suscription.) Messyeurs Dandigny du Verger, maire et eschevins de la ville de Tours.