LETTRE LIV

Sire,

Encores que les deniers que nous avons cy devant fourniz pour la reprinse de Lavardin , et plusieurs aultres despenses que nous supportons ordinairement, mesmes pour les fortifications de ceste ville et pour le siège de Selles , pour lequel nous avons promis d'advenvancer six mil escuz , ayent fort espuizé les moiens des habitans de ceste ville, sy est ce que nous n'avons pas laissé de les disposer de secourir Yostre Majesté de douze à quinze cens escuz, pour chacun des six derniers mois de la présente

année, pour ayder au paiement de vostre armée estrangère, ainsi que Vostre dicte Majesté pourra avoir entendu par Monsieur de Sancy, desirans en toutes occasions tesmoingner par les effectz le désir que nous avons d'employer noz biens et nos vyes pour vostre très humble service. Nous advertirons aussy Vostre Majesté , Sire , que par les lettres patentes que le feu Roy accorda aulx habitans de ceste dicte ville, pour l'establissement des maire et eschevins, il est dict que chacun an le corps de la dicte ville nommera trois personnes , et que Vostre Majesté, sy elle est en Touraine, ou Monseigneur le Chancellier, choisira celluy que bon luy semblera pour estre maire , sinon, en vostre absence et de mondit sieur le Chancellier, que le gouverneur fera le dict choix. Et, par la veriffication de la court de parlement, il est porté que , en vostre dicte absence et du dict

sieur Ohancellier, ce sera ladiete court qui choisira. En quoy nous craignons quelque division et différend entre Monsieur de Souvré et ladiete court, lequel lut évité les deux années dernières par la présence de Monseigneur le Cardinal de Bourbon, auquel le dit choix fut defferé. Cela nous faict supplier Vostre Majesté, Sire, d'y vouloir pourvoir, parce que l'élection dudict Maire est prochaine.

Et pource que les coureurs d'Orléans, Meung et autres garnisons ennemyes sont ordinairement aux portes de ceste dicte ville et nous portent beaucoup de dommaige, à quoy nous n'avons pas nioien de nous opposer, n'ayant aucuns gens de cheval en ceste garnison, nous supplions très humblement Vostre Majesté, Sire, y vouloir ordonner quarente cuirasses entretenues des deniers qui soulloyent estre employez au paiement de Monsieur de Rouvrav et des

gardes de Monsieur de Guyse, et mander à Monsieur de Souvré de les mettre sus au plus tost que faire se pourra, affin que, par ce rnoien, nous puissions estre soullagez des pilleryes et incommoditez que les dicts ennemys font en ceste province et que le moien leur soyt osté de faire des entreprises au préjudice de votre service. En quoy Vostre Majesté augmentera le subject que nous avons de prier Dieu ,

Sire,

Pour vostre prospérité, santé, longue et très heureuse vye

A Tours ce de septembre 1 o9 1 .

Vos très humbles et très obeissans serviteurs et subjectz

Les maire et esche vins de Tours.