LETTRE LV

( 20 novembre 1592. )

Chers et bien amez , les services que nous avons receuz et recevons tous les jours du Sieur de Souvré et la supplication que vous nous faictes par vos lettres nous ont esté très agréables et vouldrions bien le vous pouvoir faire cognoistre, en ce que vous demandez; mais nostre très cher et très amé cousin, le

Prince de Conty, nous touche de si près que ce seroict faire viollance à notre sang et à la rayson de luy desnyer et faire passer devant les yeux l'occasion qui s'est présentée, par la mort du feu duc de Joieuse, joinct qu'il avoict desja telle auctorité et commandement en nos armées, dans nos provinces de Touraine, Anjou et le May ne, que la qualité de gouverneur que nous luy avons donnée n'est que le tiltre du commandement qu'il y avoict desja et ne la pouvons donner à aultre , sans faire tort au pouvoir qu'il avoict de nous. Pour toutes ces considérations, vous luy rendrez l'honneur qui luy est deu , conformément à nostre volonté et à vostre debvoir, avecques asseurence que , où nous aurons moyen de gratiffier le dit Sieur de Souvré et vous en quelque autre endroict, nous le ferons très volontiers et de bon cœur; priant sur ce nostre Seigneur vous avoir, chers

et bien amez, en sa saincte et cligne garde. Escrit an camp d'Estampes, le xx° jour de novembre 1592.

HENRY

Ruzé.

( Suscription.) A nos chers et bien amez les maire et eschevins de nostre bonne ville de Tours.