NOVEMBRE. — AU MÊME

ONS' de Fresnes ^ Geste séparation qui s'est faicte à Marseille ne pouvoit estre mieulx conduicte et exécutée qu'elle a este pour mon contantement , ainsy que j'ay appris par voz lettres du xi* de ce mois, puis que les affaires qui m'arrestent en ce pais ne me permectoyent de aller jusques en Avignon pour veoir la compagnie ensemble comme du commencement j'avois espéré pouvoir faire , et vous scay bon gré du service que vous m*avez faict en ceste occasion. J'ay trouvé bon tout ce qui s'est passé, tant en l'accord du différent des gallaires qui ne pouvoit estre résolu aultrement qu'il a esté, qu'en la consignation qui a esté faicte par la Grande Duchesse de la Royne ma femme à ceulx que j'avois commis pour la recepvoir. Ce que je désire maintenant est que ladicte Royne me soit amenée et conduicte en bonne santé et qu'elle soit receue par toutes les villes où elle passera, le plus honnorablement que faire se pourra ; partant vous en aurez soin avec ces M" qui l'accompagnent , estant très ayse de quoy la santé de mon cousin le Connestable luy permect destre de la partie. A mesure que vous vous advancerez vous m'en donnerez advis , car je suis après à me desenga*

ger de ces quartiers pour avoir liberté d*alier rencontrer ladicte Royne ma femme, comme je feray le plus tost qu'il me sera possible. Mais si les neiges continuent à tomber en ce pais comme elles ont commencé, nous en serons plus combattus et incommodez que des ennemysy lesquelz se monstrënt si effrayez que si je pouvois aller à eulx, j'espererois en avoir bon marché. Quant aux cinq cens hommes que mes subjects du pais de Provence ont promis de soldoyer pour me faire service en mon armée, puisque le chevallier de Briouxy auquel j'en avois donné la charge, n'a encores commencé à les assembler, donnez ordre qu'il surçoye encores la levée jusqu'à ce qu'il ayt aultre commandement de moy ; mais que ceux du pais ne laissent à faire recueillir et mectre en reserve les deniers destinez pour c'est eff*ect, sans qu'il y soit touché pour quelque cause que ce soit que je ne le commande, car estant la saison si advancée qu'elle est , lesdictz gens de guerre seroyent inutilles, et je ne veulx pas qu'il en advienne ainsi desdicts deniers. Je prie Dieu, Blons^ de Fresnes, qu'il vous ayt en sa saincte et digne gourde. Escript à Villafs prez Beaufort le xxii* jour de novembre 1600.

Hbnbt.

De Neufvillb.

(Bibl. impériale, Missions étrangères, tome CGCXVf, l«r quart du vol.)