DÉCEMBRE. —AU MEME
ONs' de Fresne, Je n'ay receu qu'aujourd'huy vostre lettre du xxvi* de novembre, qui faict mention de l'arrivée par de là du S' Rayou ; partant je ne m'arresteray à y respondre et vous diray que j'ay aujourd'huy arresté et signé la capitulation de ce fort, par laquelle ceulx qui le gardent sont obligez me le rendre le xvn* de ce moys, s'ils ne sont secourus d'une armée qui me contraigne de lever le siège; a quoy je doneray si bon ordre que j'espère que le duc de Savoye n'y acquerra pas plus d'honneur quil a faict aux autres. Je demeureray encores demain icy pour ce faire et en partiray jeudy pour aller à Lyon. Cependant vous donnerez ad vis de ceste capitulation aux provinces de .vostre département, afin que chacun participe à la joye qu'en doivent avoir mes bons subjects et serviteurs. Priant Dieu, Mons' de Fresnes, qu'il vous ait en sa saincte garde. Escrit au camp devant le fort Saincte Catherine le v"* jour de décembre 1600.
Henry.
De Neufviixb.
(Bîbl. impériale, Missions étrangères, tome CCGXVI, 1«' quart du vol.)
1600, 6 DÉCEMBRE. — A MONSIEUR D'INTEVILLE, LIEUT. Gai. EN MES PROVINCES DE CHAMPAIGNE.
n Le Roy donne advis au sieur d'Inteville lieutenant gênerai au gouTemetnent de Champagne , du traité fait pour la reddition du fort S'* Catherine. »
ONSiEUR d'Inteville, Jarrive en ce lieu le deux"*' de ce moys , le jour précèdent ceulx qui sont dans le fort S"* Catherine avoient desputc vers moy un des Cappitaines du dit fort pour mapporter les articles des conditions ausquelles ils vouloient mectre la dicte place entre mes mains. Geste opinion leur a pris sur le bruit de mon acheminement en ce lieu où estant jay accepté la volonté quils avoient de le rendre mais non les conditions du traicté quils desiroient faire, lequel après plus de diffîcultez a esté ce jourdhuy accordé a condition quilz remectrons ledit fort entre mes mains le t8°*' jour de ce moys au cas que dans ledit jour le Duc de Savoye ne vienne les secourir avec une armée qui me face lever le siège, les autres conditions du traicté sont pour la seureté de leur vye de leur bagaige et pour estre payez des assignations quils avoient encore sur le pays près la dicte place pour le service par eulx faicr en icelle, voilla eomme Dieu a permis que la prinse de Mont-
meliand ayt este suyvie de la conqueste dudit fort de S** Catherine qui est de plus grande conséquence et non moings fort que ledit Montm^liand. Je laisse mon Cousin le Comte de Soissons eu ce lieu avec mon armée pour y commander attendant que le temps de la cappitulation soit expiré. A. quoy jespere, avec la grâce de Dieu, que le Duc de Savoye napportera aucun empeschement tant pour le bon ordre que jy ay estably que pour le soing et bon debvoir que je masseure que mon dit Cousin y apportera, et cependant je faicts estât daller a Lyon achever mes nopces dont je vous ay voullu donner advis duquel vous ferez part a tous mes bons serviteurs. Sur ce je prys Dieu vous avoir en sa S** garde. Ëscrit au Camp devant S*" Catherine
le 6* jour de décembre 1600.
Heurt.
POTJBE.
(Port. Godefroy, 263.)
