EN MON CONSEIL D1 ESTAT , SECRETAIRE DE MES COMMANDEMENS ET FINANCES

0NsF de Fresnes, Il fault trouver moyen de f> faire resouldre celuy qui est dans le chasteau ^ de Gervais, affin d'asseurer le grand chemin, et, selon que m'a dict le trompette qui y a esté , la place est très mauvaise : conférez en doncques avec le Sr de La Buisse, et advisez ensemble ce qu'il y fauldra faire. Vous m'avez faict plaisir de m'avoir donné advis de la venue du Sr de Gondin; j'ay soudain faict les deffences au Sr de Bericheres, et au mesme instant l'autre a comparu. Ce sera bien faict aussy de faire sortir de la ville de Chambery les vagabonds qui y sont et de donner si bon ordre aux postes que personne n'entre et sorte qu'il ne soit sceu. Quant à moy je m'en vais à Charbonnières duquel j 'espère avoir la raison comme j'ay eu de Conflans; et puis que le Sr de Rosny est arrivé, je luy addresseray mes commandemens pour le faict de sa charge. J'estime aussy qu'il aura pourveu à l'entretenement de la garnison du chasteau, ainsy que je luy ai mandé. Je n'ay pas oublié aussi à parler des Relicques que demande le Recteur des Jésuites aux Sre de Lesdiguieres et de Créqui, les-

quels m'ont promis de les recouvrer si elles sont parmy leurs gens; cest pour responce à voz lettres du xxvii et xxvin de ce mois. Priant Dieu, Monsr de Fresnes, qu'il vous ayt en sa saincte et digne garde. Escript au camp de Sainct Pierre d'Albigni le xxix d'aoust 1600.

Henry.

De Neufville,

(Bibl. impériale, Missions étrangères, Tome 316, 1er quart du volume.)