NOVEMBRE. — AU MÊME

ONSr de Fresnes , Ceste séparation qui s'est faicte à Marseille ne pou voit estre mieulx conduicte et exécutée qu'elle a esté pour mon contantement , ainsy que j'ay appris par voz lettres du xie de ce mois, puis que les affaires qui m'arrestent en ce pais ne me permectoyent de aller jusques en Avignon pour veoir la compagnie ensemble comme du commencement j'avois espéré pouvoir faire, et vous scay bon gré du service que vous m'avez faict en ceste occasion. J'ay trouvé bon tout ce qui s'est passé, tant en l'accord du différent des gallaires qui ne pouvoit estre résolu aultrement qu'il a esté , qu'en la consignation qui a esté faicte par la Grande Duchesse de la Royne ma femme à ceulx que j'avois commis pour la recepvoir. Ce que je désire maintenant est que ladicte Royne me soit amenée et conduicte en bonne santé et qu'elle soit receue par toutes les villes où elle passera, le plus lionnorablement que faire se pourra ; partant vous en aurez soin avec ces Mrs qui l'accompagnent , estant très ayse de quoy la santé de mon cousin le Connestable luy permect destre de la partie. A mesure que vous vous advancerez vous m'en donnerez advis , car je suis après à me desenga-

ger de ces quartiers pour avoir liberté d'aller rencontrer ladicte Roy ne ma femme, comme je feray le plus tost qu'il me sera possible. Mais si les neiges continuent à tomber en ce pais comme elles ont commencé, nous en serons plus combattus et incommodez que des ennemys, lesquelz se monstrent si effrayez que si je pouvois aller à eu]x, j'espererois en avoir bon marché. Quant aux cinq cens hommes que mes subjects du pais de Provence ont promis de soldoyer pour me faire service en mon armée, puisque le chevallier de Brioux, auquel j'en avois donné la charge, n'a encores commencé à les assembler, donnez ordre qu'il surçoye encores la levée jusqu'à ce qu'il ayt auître commandement de moy ; mais que ceux du pais ne laissent à faire recueillir et mectre en reserve les deniers destinez pour c'est effect, sans qu'il y soit touché pour quelque cause que ce soit que je ne le commande, car estant la saison si advancée qu'elle est , lesdictz gens de guerre seroyent inutilles, et je ne veulx pas qu'il en advienne ainsi desdicts deniers. Je prie pieu , Monsr de Fresnes, qu'il vous ayt en sa saincte et digne garde. Escript à Villars prez Beaufort le xxne jour de novembre 1600.

Henry.

De Neufville.

(Bibl impériale, Missions étrangères, tome CCCXVI, 1er quart du vol.)