A ES

PE y MA ( °S EN TE"

public, que je redoute plus que la haine, nous ne pouuions allonger nostre patience. À ceulx qui en eussent peu prendre ou donner l’allarme, nous auons soisneusement escrit de toutes parts, et ne doibuent présumer de ceste reprise de possession , ordinaire au moindre gentilhomme de ce royaume, rien de public ni extresme. À uous qui n'estes, en cette tranquillité d'esprit, ni remuant, ni remué pour peu de chose, nous escriuons à aultre fin, non pour uous asseurer de nostre intention, qui uous est prou cogneue et ne uous peult estre cachee, soit pour nostre franchise, soit pour la poincte de uostre esprit, mais pour uous en rendre plege et tesmoing, si besoing est, enuers ceulx qui iugent mal de nous, faulte de nous uoir, et par uoir plus tost par les yeux d’aultruy que par les leurs. Que voulez-vous plus? M. de Castelnau l’a faict ; c’est uostre amy, qui plus est, non suspect pour la Relligion, mais emeu de la seule equité de nostre cause (1) : Si quid peccatum dicunt in forma, compensetur uelim in materia; ce que certes nous faisons, auons faict et ferons, leur monstrans par effect qu'il nous est plus naturel de pardonner les faultes, qu'il ne leur seroit peult estre de

les amender. Sur ces entrefaictes, nous arriue M. de

(4) Michel de Castelnau, seigneur de Mauvissière, un des hommes qui ont le mieux compris la vraie politique de la France, négociateur habile en Angleterre, dans les Pays-Bas, en Allemagne, en Savoie, à Rome. Il servit avec distinction aux journées de Jarnae et de Moncontour. Né en 1520, mort en 1592. IL était catholique.

Bellieure, et uous scaués pourquoy : Grauttati ego sane silentium opponam. C'est la sœur de mon Roy, la femme de mon maistre, l’ung agent en ce faict, et l’aultre patient, prudent, qui employe sa prudence à ne s’y employer point. Si on parle d’une satisfaction d’iniure, ce n’est au seruiteur à estimer celle de son maistre. Et qui n’est légitime estimateur de l’iniure, de la satisfaction ne le sera-t-il point? Je le uous ay dict et le redis encore, si j'estois deschargé de ce faix, je saulterois, ce me semble, soubs le bast et entre les coffres que je porte; mais Dieu a uoulleu essayer mes reins soubs une charge plus forte, et je me confie en luy qu’elle me m'accablera point. Hæc bi, et suo judicio. Au reste, faictes estat de nostre amitié comme d’une tres ancienne, et toutesfois tousiours recente; et de mesme foy je le feray de la uostre, que je pense cognoistre en la mienne mieulx qu'en toute aultre chose. Uous en ferés la preuue où et quand il uous plaira, et me trouuerés sans exception uostre tres

humble et tres obeissant et déuoué seruiteur.

» De Mont de Marsan, le 25 nouembre 1583.