AU PAPE

Très Saint Père, ayant apris par la lettre qu'il a pleuà Vostre Saincteté m'escripre le mois pjjssé et par ce que m'en a dit de sa partie Patriarche de Constantinople que Vostre Saincteté est demeurée contante du traité que j'ay faict avec le Duc de Savoie, j'ay commancé à recueillir le fruit que je m'estois proposé du debvoir auquel je me suis mis pour terminer ce faict amiablement. Car mon premier soin et désir ont esté défaire chose agréable à Vostre Saincteté, comme j'ai souvent escript et témoignera encores à Vostre Saincteté ledict Patriarche, lequel a très dignement servi Vostre Saincteté en ceste occasion. Je remercie très affectueusement Vostre Saincteté du commande-

(1) Je pense que cette lettre est celle dont d'Ossat accuse réception, t. III, p. 543.

ment qu'elle luy a faict d'aller encores auprès dudit duc, pour ce mesme sujet, esprouvant tous les jours en tant de sortes sa paternelle bienveillance, que je ne m'en puis assez louer ny luy exprimer l'obligation que je ressens luy en avoir. Partant, je la supplie de trouver bon que je m'en remette sur ce que le dit Cardinal d'Ossat ou mon Ambassadeur luy en diront ; lesquels aussi luy représenteront les termes ausquels se retrouvent les deux affaires que Votre Saincteté prend la peine de me faire dire encores par sa dicte lettre, qui concernent le Concilie et les Pères Jesuistes. Asseurant Vostre Saincteté que je n'éviterai peine de luy faire paroistre en l'une et en l'autre, le plus tost qu'il me sera possible, mon accoustumée affection et obligation à luy complaire, ainsy que ledit Cardinal ou mon Ambassadeur desduiront à Vostre Saincteté plus particullièrement ; et je prieray Dieu, etc.