CONCLUSION

Qu'il remercioit le roy de l'honneur qu'il luy avoit faict d'envoyer vers luy;

Qu'il demeureroit aux termes d'un fidèle subject et serviteur, ne periiiettroit aulcunes levées en son gouvernement, sans ses commissions, contre son service;

Qu'il supplioit S. M., ayant cogneu les advis qu'on luy avoit donnés, à son préjudice, faux, de faire porter à ceux qui en estoyent autheurs telle peine qu'elle jugeroit raisonnable ;

Et en outre de tesmoigner à tout le monde qu'elle avoit appris, par mon retour, ce qu'on luy avoit mandé de luy, calomnieux, qu'elle le recognoissoit pour homme de bien asseuré à son service; et daigner luy en escrire un mot, si elle l'estimoit digne de cet honneur. Il adjousta qu'il verroit bien par le bruit de la cour, qu'on luy mandoit de jour à autre, si V. M. luy rendroit le contantement tout de bon, ou seulement en apparance;

Enfin de contremander M'' de Praslin, parce que c'est chose grandement rude à un homme de sa qualité d'envoyer en sa province un sufFragant avec trouppes, sans qu'il ayt déservi; qu'en ce cas il cognoistroit qu'on luy voudroit lever l'honneur et le perdre tout à faict.

Voilà les termes auxquels il demeure; sur quoy je l'asseuray avoir tellement cogneu la bonne volonté de V. M. en son endroit que je ne doubtois point qu'elle ne luy donnast contantement à mon arrivée.

Or, d'autant qu'autre chose est souvent ce qu'on dict et autre ce qui est, je diray franchement à V. M. ce que je juge :

Les advis qu'on a donnez à V. M. ne sont pas vrays; il n'a faict aulcunes levées.

.le luy ay trouvé l'âme extraordinairement ulcérée sur les subjects de plainte que vous avés veus.

.le l'ay laissé asseuré quant à la fidélité, mais distinguant la fidélité de l'affection, c'est-à-dire, etc.

DU CARDINAL DE RICHELIEU. yib

Son affection se peut gaigner par plusieurs moyens qu'il désire tous, mais en sorte qu'il en demande quelques-uns ouvertement, et ne veut pas demander les autres, ny estre estimé les désirer.

Ceux qu'il demande sont ceux dont j'ay parlé à V. M. de sa part.

Ceux qu'il désire, sans les demander ouvertement, sont qu'on escrive à Chaalons pour réparer l'affront qu'il estime avoir receu;

Et qu'il plaise à V. M. embrasser le voyage de Hongrie, et pour cet effaict, y disposer le roy d'Espagne par le voyage du chartreux, et procurer la paix en Savoye. Sur ce voyage V. M. croit bien que je n'ay point oul^lié à le chastouiller de bonne sorte, et cet expédient m'a fort servi.

Sur ceste paix, j'estime <levoir dire à V. M. avoir recogneu que ceux qui sont mal affectionnez l'appréhendent et y désirent la continuation de la guerre, estimant que si elle dure elle attirera celle de Flandres, les Hollandoi.s prenant leur temps, auquel cas le roy d'Espagne ne sauroit que penser à ses affaires et donneroit plus de lieu aux malcontants de remuer en France.

Ce que je vous dis je le coUige de la conférence que j'euz le soir à mon arrivée, où son esprit n'estoit point addoucy par le voyage de Hongrie'.

lîibl. imp. Baluze, pap. arm. lett. paq. 4. n" U et ."), loi. 6.^. — Mise au net.