A MONSIEUR LE COMTE DE

Copie. Bibl. de Genève. Vol. 107.

Monsieur, j'ay recouvré ceste lettre laquelle je pensoîs que eussiez receue. Depuis qu'elle fust escripte , nous avions trouvé ung homme lequel vous eust esté propre au jugement de toute la Compaignie, et d'aultant que nous pensions que vous le deussiez envoier quérir incontinent, nous l'avions exhorté de se tenir prest, ce qu'il a faict. Cependant nous avons bien entendu que vous désiriez qu'il eust patience jusques à la my-aoust. En la fin j'ayreceu vos lettres par lesquelles vous mandez que le messager a charge de l'emmener. Mais je ne sçay comment il s'est faict que nul n'est venu de par vous , et combien qu'on nous ait dict que celuy que vous nous aviez envoie, soit retourné, le tout a esté si confus qu il a semblé à la Compaignie d'emploier ailleurs où il y avoit nécessité urgente celuy qui vous estoit assigné, asçavoir à la ville de Béziers. Ainsi, Monsieur, il vous plaira m'excuser, si j'ay attendu et différé jusques à ce que j'eusse de vos nouvelles plus certaines.

Monsieur, après m'estre recommandé, etc. De Genève, ce 6 septembre 1563.

* Personnage inconnu. Lettre relative à l'envoi d'un ministre.