AU SÉNÉCHAL DU MAINE

Grenoble, 28 août 1494.

Ordre de convoquer le ban et arrière-ban du pays afin d'assiéger le château de Montrésor, si besoin est, attendu la rébellion de Charlotte de Bretagne, veuve d'Antoine de Villequier, et de le remettre aux mains d'Ymbert de Batarnay, auquel la seigneurie a été adjugée par décret en vertu d'un arrêt du Parlement. — (Bibl. nat., ms. fr. 2923, fol. 14. Orig.)

De par le roy.

Nostre amé et féal, nous avons octroyé noz lettres patentes, contenant main armée, à nostre amé et féal conseillier et chambellan ordinaire le sire du Bouchage, à vous adressons, pour procéder au parachèvement de l'execucion encommancée de certains arretz obtenuz en nostre court de parlement touchant l'adjudicacion de décret faicte en icelle de la terre et seigneurie de Monthesor au prouffit de nostredict conseillier et chambellan, attendu les rebellions et desobeyssances faictes par Charlotte de Bretaigne, vefve de feu Anthoine de Villequier, ses gens et serviteurs, et pour autres causes à plain contenues et declerées en nosdictes lettres patentes. Et pour ce que voulions et entendons que lesdicts arrestz soient mis à deue et entière execucion *t sortissent leur plain et entier

donnée au t. IV, p. 76, n" DCCXCII. Nous en imprimons le texte latin parce qu'il est infiniment probable que c'est en cette langue et sous cette forme que la lettre fut expédiée par la chancellerie royale.

efFect, nous voulions et vous mandons que procédez au parachèvement de l'execucion d'iceulx reaument et de fait, par main forte et armée, et, pour ce faire, appeller le ban et arrière ban du pays avec artillerie pour assiéger ladicte place, si voyez que besoin soit, le tout selon et ainsi que par icelles noz lettres vous est mandé; et en ce ne faictes faulte. Donné à Grenoble, le xxviii^ jour d'aoust*.

Charles.

robertet.

Au dos : A nostre amé et féal conseillier et chambellan le seneschal du Maine ou son lieutenant.

MGXXXI.