PIECES JUSTIFICATIVES

Angers, 11 janvier 1481.

Lettre de la Chambre des comptes d'Anjou au roi pour lui indiquer les documents trouvés aux archives de ladite Chambre des comptes au sujet des droits des ducs d'Anjou sur le Roussillon. — (Arch. nat., P 1334", fol. 18 v°.)

Sire, nous recommandons à vostre bonne grâce le très plus humblement que faire le povons. Et vous plaise savoir, Sire, que Monsr de Poictiers nous a naguaires escript et mandé, de par vous, veoirs en ceste vostre chambre les registres quy y sont, touchant le compté de Roussillon, et en bailler le double à Monsr le doyen d'Angers pour vous porter.

Sire, nous avons trouvé deux livres, contenant l'ung les droiz que le premier duc d'Anjou, Loys, avoit es royaumes de Maillorques, Sardaigne et oudit compté de Roussillon, tant par son acquest que autrement; duquel livre est designé la genelogie depuis le roy Jacques jusques au temps dudil duc Loys, et y sont par articles les doubles ' et questions pour lors faictes esdictz royaumes, conté et autres seigneuries, dont oudit livre est faicte mention avecques décision d'icelles; et l'autre, Sire, est l'inventoire de toutes les choses estans en vostre chastel d'Angiers touchant lesdiz royaulmes et seigneuries. Et lesdictz deux livres trouvez avons monstrez à mondit sr le doyen, pour congnoistre se riens y a de ce que demandez de présent, lequel s'est arresté audit premier livre et demande avoir le double; à quoy avons incontinent mis gens