Sic pour doubtes

pour le faire, et ce pendant, Sire, nous avez mandé, par voz lettres escriptes à Poictiers, le vme jour de ce moys, ainsi le faire, ce que faisons en toute dilligence, et au plus tard lui baillerons ledit double dedans deux jours.

Sire, autre à présent, fors que vous supplions très humblement nous avoir en vostre bonne grâce, et nous mandez et commandez voz très nobles plaisirs pour les accomplir; priant Dieu, Sire, que par sa grâce vous doint très bonne vie et longue et accomplissement de voz très nobles désirs. Escript en vostre Chambre des comptes d'Angers, le xie jour de janvier.

Voz très humbles et très obeissans subgetz et serviteurs les gens de vostre Chambre des comptes à Angiers.

Au Roy nostre souverain seigneur.

5 septembre 1481.

« Information secrète faicte par noble home Guerin de Monclar, lieutenant de Monsr messire Jaques de Luxembourg, sr de Richebourc, conseillier et chambellain du Roy, nostre sire, chastellain et viguier par ledit sr de la ville de Beaucaire, à rencontre de Hugues Goppons, jadis granatier du granier à sel par le Roy nostre sire de ladicte ville de Beaucaire. S'ensuit comme porrés voir en ceste manière : >

En nom de Dieu, Nostre Seigneur, amen. L'an de la Incarnation d'icellui mil 1111° quatre vings et ung et le sinquiesme jour du moys de septembre, très excellant prince Loys, par la grâce de Dieu roy de France régnant, en la ville de Beaucaire ou diocèse d'Arles, et par devant noble homme Guerin de Monclar, escuier, lieutenant de magnifflc et puissant sr monseigneur messire Jaques de Luxembourc, chevalier, seigneur de Richebourc, conseiller et chambellain du Roy, nostre dit sire, et son chastellain et viguier de la ville de Beaucaire, a comparu honorable homme Jehan Castellan, bourgoys de la ville de Montpelier, pour et ou non de noble home Benedicto de Labat, scuier, granatier par le Roy nostre sire du granier à sel dudit Beaucaire, lequel a exhibé et baillé une lettre missoyre tramesse par le Roy, noslredit seigneur, audit Bene-

dicLo de Labat, dont la teneur s'ensuit... (suit le texte de la missive du 12 août 448-1. Voy. ci-dessus, p. 62).

Laquelle lettre ansi baillée, ledit Gastellan, ou nom que desus, a requis estre procédé au contenu de ladicte lettre missoyre, et par justification du contenu en icelle, a dit avoir fait évoquer par davant ledit lieutenant par moy, notaire roial desoubz script, honorable home Jehan Morineau, borgois dudit Beaucaire, lequel demande estre receu comme tesmoing, doit estre receu de droyt, et icellui receu, le exeminer sus le contenu dez articles qu'ii a produitz et baillés audit lieutenant, servans à la matière; delxquielx articles la teneur s'ensuyt :

Soient interrogués les tesmoings contre Hugues de Goppons de ce qui ç'ensuit :

Et premieyrament, s'ilz cognoissent Hugues de Coppons, et combien il y a de temps qu'ilz le cognoissent.

Item, s'ilz luy ont jamais ouy parler du Roy nostre sire, ne du duc de Bourgoigne, ne si en bien ou mal du Roy, ne en quel temps, ne du roy d'Arragon.

Item, s'ilz ont jammès ouy parler audit Goppons du roy Gharles de Cicille et de Monsr de Lorrene, et que le Roy nostre sire voulist donner secours audit roy de Gecille, et quelle part soustenoit plus ledit Goppons à son pouvoir.

Item, s'ilz ont point jamès oy dire que ledit Goppons s'en allast devers ledit roy d'Arragon, pour du tout soy rendre à luy.

Item, s'ilz ont jamès ouy parler ledit Goppons en bonne bouche ou moyvaisse contre le Roy nostre seigneur.

Item, s'ilz ont jamès ouy dire audit Coppons qu'il voulist aler en Gatelhuegne, par devers le conte de Palhas, pour les affaires du Roy et par mandament dudit seigneur.

Item, s'ilz scevent point, se ledit Goppons eust vôlentiés vandu son office qu'il avoit, s'il eust trouvé qui l'eust achaplé, ny pour quoy.

Item, s'il a jamais veu lettres que le conte de Pailhas lui eust escript ny mandé, ny du roy d'Arragon.

Item, s'ilz ont ouy, depuis que ledit Coppon a perdu son office, qu'il aient dit aucunes parolles contre Benedicfo de Labat, ny s'il l'a point menacé de lui fere desplaisir de corps et de biens.

Et alors ledit de Monclar, lieutenan, a receu ladicte lettre

avecques toute honneur et rcverance, et, icelle lue, a procédé à la réception et exeamination dudit Morineau, comme porrés voir.

Honnorable home Jehan Morineau, bourgeoys de Beaucaire, de l'aige de quarante ans ou environ, mémoire de trante.

Interrogué meant son jurament, par lui sur les sains euvangiles preste sur le premier article, qui dit, etc. Et premieyrament, s'il congnoist Hugues de Coppons, etc., dit qu'il le congnoist depuis le moys d'avril, l'an mil IIÏÏC LXXVI, qu'il fut son pleige envers le Roy, nostre sire, et son trésorier gênerai de Lenguedoc, pour l'office de grenetier dudit Beaucaire, etc.

Sur le segond article, qui dit : Item, s'ilz luy ont jamais ouy parler, etc., dit que oy du Roy et de feu Monsr le duc de Bourgoigne en sa vie, et de la guerre qui estoit entre eulx deux, ou moys de may mil IIllr LXXVI, après qu'il eut prins la pocession de granatier dudit Beaucaire, qu'il estoit logé cheux ledit Morineau; mais à son advis, ledit Coppons parloit plus en faveur de feu Monsr de Bourgoignc que du Boy nostredit sire, et estoit présent le que parle à Tours, avecques ledit Coppons, qu'il l'avoit envoyé quérir par Francisco Setamy, Cathelan, de Tors à Beaucaire, por lui pourter argent du grenier à sa neccessité, le ixe jour de janvier mil 1111° LXXVI, quant les nouvelles furent apportées au Roy de la desconffiLure, prinse ou mort de feu Monsr de Bourgoigne; et quant ledit Coppons sceut les novelles, il n'en fut pas joyeux, et disoyt qu'il ne le povoit croyre. Bu fait du roy d'Arragon, il n'en set rien.

Au tie[r]s article que dit : Item , s'ilz ont jamoy s oy parler, etc., dit que oy, il a ung an ou environ, que ledit de Coppons vint de la court audit Beaucaire cheux ledit Morineau, et disoyt que le Roy devoit soustenir le roy de Cccille contre Monsr de Lorena, mais non obstan ce, ledit Monsr de Lorrena venoit en Provence avecques gran quantité de Soysses et aultres gans pour en gecter ledit roy de Cecille, et parloit en meilleur bouche de Lorrenc que du roy de Cecille.

Sur le 1111e article, qui dit : Item, s'ilz ont jamais ouy dire, etc., il dit qu'il n'en scet rien du contenu audit article.

Le cinquiesme article, qui dit : Item, s'ilz ont jamays ouj parler, etc., dit qu'il n'oyt oneques que ledit de Coppons, quant

il parloit du Roy en fait de guerres, il en parlast en sa faveur, et qu'il voulist qu'il heust victoire de ses enemis.

Au VIe article, qui dit : Item, s'ilz ont jamais oy dire, etc., dit qu'il y a ung an ou environ que ledit de Coppons, lors granatier dudit Beaucaire, vint audit Beaucaire cheux ledit Morineau, et au bout de deux jours ledit Coppons lui dist qu'il vouloit lui mesmes excercer le grenier et en recevoir l'argent. Et alors ledit Morineau luy respondit que, de excercer l'office de granetier ne de recevoir l'argent, il ne luy souffriroit pas, qu'il n'est primeyrament fait rompre le instrument de l'obligue, en quoy est icellui Jehan Morineau et Jehan Libel, son frère, obligué envers le Roy à cause de la recepte dudit grenier, comme il doit et est tenu, et bailler aultres cautions et plegues pour le Roy à Monsr le tressourier gênerai. Et bien six sepmaines après arriva audit Beaucaire, et à YEscu de France, Sébastian de Corsac, granatier de Sommeyras, et ledit Coppons luy dist qu'il ne povoit aler en Cathaluenha pour fere les besoignes du Roy, et dont il luy avoit donné charge, pour ce que ledit Morineau ne lui voloit laysser excercer son office de grenetier et en prandre l'argent, et lui dist qu'il n'yroit jamays faire la charge que le Roy lui avoit donée en Gatalhuegne, ny alleurs, qu'il n'eust le excercice de ladicte greneterie.

Au VIIe article, qui dit : Item, s'ilz sceurent point, etc., que sou ventes foiz luy a dit que, quant il se deffaroit de son office, que ledit Morineau en seroit le premier refussant, et aultre choze n'en scet.

Au VIIIe article, qui dit : Item, s'il a jamais veu lettres, etc., dit que, au començament, quant il print pocession de ladicte granaterie, ledit de Coppons demoura audit Beaucaire bien x ou xi jours et tiroit de sa bargela plussieurs lettres toutes ouvertes, que le conte de Palhars lui scripvoit, et puys les layssoit surs la table ou sur le buffet de sa chambre quant il s'en alloit; aussi s'il n'y havoit choze qui touchast le Roy, nostre sire; d'icelles du roy d'Arragon, il n'en a point veu, et aultre choze n'en scet.

Au IXe et dernier article, qui dit : Item, s'ilz ont ouy deppuis que ledit Coppon, etc., dit qu'il n'en scet rien au contenu dudit article.

Noble homme Pierres Ancelme, borgoys de la ville de Ucaucaire, de l'aige de cinquante ans ou environ, memoyre dexxxv, interrogué meant son juramenl par lui surs les sains euvangiles preste, surs les premier, segond, tiers, quart et quint, VIIe et VIIIe articles, il dist qu'il n'en scet rien du contenu ausdiz articles.

A esté interrogué subre le VIe article, qui dit : Item, s'ilz ontjamès oy dire, etc., dit que plussieurs foiz, a ung an ou environ, aoy dire audit Hugues de Goppons qu'il voloit aller en Gathalueigne vers le conte de Pallias pour les affaires du Roy, et qu'il parlet en manière qu'il semblct qu'il tenoit le Roy à la manche.

Au IXe article, qui dit : Item, s'ilz ont oy deppuis que ledit Goppon, etc., dit le que parle qu'il aoy dire par deux foiz à Henri Bourdic que ledit Goppons avoit heu grand débat à Montpelier avecques Bcnedicto de Labat, et l'avoit appelle publiquament filh de moyne, et que si ne eust aucunes gans, il le eust despeché ou bien batu, faisant grans menaces contre lui.

Noble et egrege home messire Raynaud Allemant, bachelier en loix de la ville de Beaucaire, aient d'aige trente sinq ans, de memoyre xxv, interrogué sur tous les IX articles, dit que n'en scet rien, excepté au VIe article, que dit qu'il a dix moys environ, c'est assavoir du mois de novembre damier passé, que lui estant à Montpelier en la compaignie dudit de Goppons, pour poursuivre une cause par ledit de Goppons en la court de Messrs les generaulx, oit dire audit de Goppons par plussieurs foiz, que il estet marri de tant demourrer audit Montpelier, parce qu'il avoit, par mandament du Roy nostre sire, à s'en aller dehors, et lui sembla qu'il disoit que ce estoit devers le conte de Palhas.

Ita deposui ego :

Alakàndi.

Affin que nulli ne puesce prandre à ignorance que les actes précédentes contenens cinq fulhetz de papier, cecy inclus et pour ung compté, son extraictes de leurs propres origineles par moy, Sicard Bergondi, notaire royal de la ville de Beaucaire.., et avecques lesdiz originaux corrigées, je, notaire desusdit, me

suis icy subscript et mon signet auctentic hé icy mis en tesmoing de vérité Tan et le jour que desus.

Bergundi.

(Bibl. nat., Ms. fr. 2908, fol. 34-38).

Toulouse, 1er septembre 1481.

Lettre du parlement de Toulouse au Grand Conseil du roi au sujet des empiétements des ofbciers de la princesse de Viane. — (Orig. Bibl. nat., Ms. fr. 2893, fol. 127.)

Noz très honnorez seigneurs, nous nous recommandons à vous tant que plus povons. Et vous plaise savoir, noz très honnorez seigneurs, que nous envoions présentement au Roy nostre sire et à vous certaine enqueste faicte à la requeste du procureur gênerai dudit seigneur en ceste court de parlement, ensemble certaines autres pièces baillées par ledit procureur pour la justification et soustenue des droiz d'icellui seigneur contre Madame la princesse de Vienne, comme luteresse du conte de Foix et autres ses enfants, et sur ce escrivons au Roy nostredit seigneur, ainsi que s'ensuit : « Nostre souverain seigneur, nous nous recommendons à vostre bonne grâce tant et si très humblement que plus povons. El vous plaise savoir, nostre souverain seigneur, que de la partie de Madame la princesse de Vienne, comme tuleresse de messire François Phebus, son filz, conte de Foix et de Bigorre, et autres ses enfants, et de feu Monsr le prince de Vienne, son mari, ont esté présentées à ceste vostre court de parlement certaines voz lettres patentes octroiées à icelle dame, par lesqueles nous mandiez enquérir ou faire enquérir ou nous informer de voz droiz et aussi des droiz de madictedameet sesdiz enfans, et autres choses, dont mention est faicte esdictes lettres et en certains articles à elles atachiez, et les informations et inquisitions que sur ce seraient faictes avecques nostre advis envoier par devers vous, Sire, et Messrsde vostre Grand Conseil. En ensuivant la teneur desqueles lettres, vostre dicte court a décerné et octroie à ladicte dame, et aussi à vostre procureur gênerai en icelle court, commission

LETTRES DE LOUIS XI. H:>(.t

pour des droiz et autres choses dcssusdicles enquérir, adressant au premier de voz presidens ou conseillers en ladicle court sur ce requis; par vertu de laquele commission vostre dit procureur a fait faire de son costé par deux desdiz presidens successivement de et sur vosdiz droiz son enqueste, et icelle mis, ensemble certaines autres informations, lettres et procès devers vostre dicte court; mais madicte dame la princesse, combien que semblablement eust levé commission de ladicte court pour faire son enqueste, et que à ce ait requis et lui aient esté donnez par ladicte court plusieurs delaiz, n'a fait faire par aucun d'icelle court aucune enqueste, ains l'a fait faire, ainsi que vostredit procureur nous a informez, par vertu d'une autre commission, par maislre Jehan de Chassaignes, président en vostre parlement à Bourdeaux, lequel, de ce requis par vostredit procureur, n'a voulu envoier icelle enqueste à vostre dicte court, jaçoit ce que pour ce faire ladicte court l'ait attendue jusques à ce premier jour de septembre; auquel jour, Sire, avez mandé à ladicte court vous envoier lesdictes enquestes ou informations avec nostre advis, lequel, à cause de ce que n'avons riens du costé de ladicte dame, comme dit est, n'y avons peu, ne povons faire ne asseoir. Et par ce, nostre souverain seigneur, vous envoions présentement et à vostre Grant Conseil, par maistre Jehan de Calmo, vostre advocat en la court du seneschal de Thoulouse et substitué de vostre dit procureur gênerai, ladicte enqueste faicle de la part d'icelui vostre procureur et autres pièces par lui mises et baillées pour la justification et soustenue de vosdiz droiz. pour en estre fait et ordonné à vostre bon plaisir, vous supliant, nostre souverain seigneur, etc. Si vous prions, noz très honnorez seigneurs, tant que povons, que ladicte court et les suppostz et afaires d'icelle vueillez tousjours avoir en cspecial recommendation, en nous faisant savoir voz bons plaisirs, pour les accomplir de très bon cuer, à l'aide Nostre Seigneur, qui, noz très honnorez seigneurs, vous doint bonne vie et longue. Escript à Thoulouse, en parlement, le premier jour de septembre.

Les gens tenans le parlement du Roy nostre sire à Thoulouse, tous vostres.