‹ Lettres royaux et lettres missives inédites: nottament de Louis XI, Louis XII, François IerChapitre 23 sur 34 · CATHERINE DE MÉDICIS · texte numérisé non relu

CATHERINE DE MÉDICIS

Les archives générales de Toscane possèdent un trèsgrand nombre de lettres de Catherine dont plusieurs en partie de sa main , j'en compte jusqu'à 539 dans la même filza.

La première que je publie fait allusion à un fait trèsimportant pour elle et qui changea complètement sa situation à la cour de France , la naissance d'un premier fils qu'elle avait vainement attendu dix années :

Mon cousin jay receu présentement vos lettres du XVII e de décembre par lesquelles madvertissez du decedz de feue ma cousine votre mère et de lamertume et douleur quelle vous a layssee. Cest raison que nous le sentyons aultrement seroit nous publier nestre de chair ni naturelz. Mais aussi comme vertueulx se conformant a la voulonte de notre Seigneur sans prendre le reconffort que nous a donne et que puys quelle a faict tout le debvoir de bonne chrestienne soit partecipante de la gloyre de paradis comme prudent et saige vous laurez sceu bien faire. Et ne reste aultre pour le présent sinon vous advertir que ja vous pourrez avoir entendu par Mess re Jehan Baptiste mon maistre dostel comment après avoir ete dellivree de mon enffantement le filz et la mère se portent très bien grâces a notre Seigneur que tous ceulx de notre maison debvons louer regratier et magnifier pour la seurete que ung chacun doibt prendre au grant support que de ce leur est survenu. Estant asseuree que cest lun des plus grans plaisirs que ayez eu de longtemps que de lavoir sceu correspondant a celluy que jay toujours eu de votre exaltation et grandeur et de tous ceulx de notre maison. Et se jen pouvoys faire quelque plus grande démonstration je le feroys de bien

bon cueur duquel je prie Dieu mon cousin après mestre recommandée a vous quil vous donne ce que desirez.

Escript a Fontainebleault ce jor de febvrier MGXLIII.

Votre bonne cousine

CATBRINE.

A mon coutin mont, le duc de Toscane.

Mon cousin vous entendrez par ce que le roi monsieur mon filz vous escript présentement comme pour les causes contenues en sa lettre je désire que vous ne permettez que aucun des trésoriers et recepveurs ayant cy devant manye les finances par deçà et qui pour se sentir avoir malverse den leurs charges se vouldroyent absenter de ce royaulme affin de se saulver et retirer es terres de notre obéissance y soient seurement recuz. A quoy pour lasseurance que jai que vous vouldrez bien gratiffier led. S r roy mon filz en ceste sienne requeste que jaccompaigne de la myenne je ne vous dyrai riens davantaige me remettant sur la lettre dud. S r roy mon filz auquel et a moy semblablement vous ferez en cella bien agréable plaisir. Priant Dieu vous donner mon cousin ce que desirez. Escript a St Germain en Laye le XVI e jour de juillet

Votre bonne cousine

CATBRINE.

NOBLRT.

Mon cousin je masseure que vous vouliez tant de bien au roy monsieur mon fils que vous serez tousiours bien ayse dentendre ce qui luy apportera honneur proffit et faveur et luy est cause que je nay poinct voullu faillir envoyant le S r de Cerizolles en Itallie de le fere passer

par chez vous po^t vous faire part de lheureuse victoire quil a pieu -a Dieu luy donner en luy faisant recouvrer la place du Havre que la royne dangleterre luy vouloit maigre luy garder, et ce pour avoir este lentreprinse si haulte et périlleuse comme elle a este sans perte dun seul cappitaine signalle et peu de blesses et tant de desavantaige et telle mortalité pour eulz quilz ne repasseront jamais la mer quilz naient perdu plus de cinq mil hommes et une infinité de noblesse. En quoy il se peult dire quilz ont esprouve la justice de Dieu qui nabandonne jamais la vesve et pupilles lesquelz il deffend de toute injure violence et opression. Le surplus de nos nouvelles vous entendrez par led. S r de Gerizolles qui me gardera de vous fer la présente plus longue sinest pour vous prier le croire comme moy mesmes et je prieray Dieu mon cousin vous avoir en sa sainte et digne garde. Du camp du Havre ce dernier jour de juillet 1563.

V 1 ™ bonne cousine

CATERINE

Une lettre du XXIII e jour de septembre 1553 a propos du mariage d'une des filles du duc de Toscane avec le

S r Paule Jordan Ursin ( de la main de Catherine ) (l) :

Je veodres mon cousin que vous creussiez veos bon parans et amis qui vous ayme mieulx que ne panses corne le conestres quant vous veodres.

Votre bonne cousine

CATERINE

(0 II s'agit d'Isabelle de Medicis qui devait être , en 1576 , étranglée par son mari, Giordano Oraini , due de Braeeiano.

Lettre relative à Jean Bologne.

Mon cousin pour ce que je désire singulièrement que la statue que je faiz fer a Rome soit achevée et mise en telle perfection quelle puisse correspondre a lexcellence dung cheval qui est ja fait pour servir a cest œuvre je vous prye vouloir pour quelque temps licentier et bailler congié a ung nommé Jehan Boullogne sculpteur, qui est a votre service, pour sen aller a Rome, besongner et mectre la main a ce que dessus suivant ce que luy dira et fera entendre de ma part le S r Hannibal Rucelay, auquel jescriptz bien particulièrement pour cest effet et masseurant que en ce vous serez contant de me grattifier. Je ne vous feray la présente plus longue , si n'est pour prier Dieu mon cousin quil vous aict en sa très saine te et digne garde.

Escript a Fontainebleau le XXV e jour de mars 1567.

(De la main de Catherine). (*)

Je vous prie mon cousin ne me refeuser de comender au dist Jean Bolognese de aler a Rome pour fayre la stateue du roy mon signeur et ce vous me faystes cetplesir ie mètre pouine de le reconestre corne eun de plus grand que pour cest heur ie puise resevoyr, etc.

CATERINE

Lettre relative à la Saint- Barthélémy.

Mon cousin ie vous ay de tout temps congneu si affectionné au service et a la gloire de Dieu, et particulièrement au bien de ceste couronne, que ie me suys tousiours asseuree que vous recevrez singulier plaisir dentendre lheureux succès de lexecution de lamyral et ses

(0 L'écriture de Catherine est encore plus irrégulière que son orthographe et souvent très-difficile à déchiffrer.

adherans , comme nos lettres du 1111 e de ce moys lont suffisamment tesmoigne , en quoy le roy' monsieur mon filz receoit très grand contentement , se voiant loue et conforte des bons vertueulx en une si saincte et recommandable resolution, de laquelle il espère que Dieu lui fera la grâce de tirer le fruict nécessaire a la restauration de son église et repos universel de la chrétienté, et comme je scay que vous luy estes voue dune parfaicte affection vous fer aussy congnoistre lamytie et faveur que vous vous pouvez promectre de ceste couronne , priant sur ce le Créateur mon cousin vous avoir en sa saincte et digne garde. Escript à Paris le XV e jour de septembre 1572.

(Do la main même de Catherine).

Mon cousin je ne doubte jeames de votre bonne volente en notre endroyt et que ne vous reiousies de tout ce qui retourne a la gloyre de Dieu et conservation de nos vies et surete de ceste couronne, car ausi vous pouves vous asseurer que notre conservation sera tousiours pour vous ayder et favoriser plus que de aultre prinse que vous puisie aseurer. Je seres bien ayse de voir une fin du fest pour lequel ie vous ay envoyé le conseiller Braci.

Votre bonne cousine ,

CATERINE

Mon cousin. Jay entendu par votre lettre et parce que ma dict le S r Troylo Ursino laise et contantement que vous avez receu de lelection de mon filz au royaulme de Polongne en quoy jay congneu comme en toutes choses qui appartiennent au bien et prospérité de mes affaires la bonne volonté du grand duc notre père et la votre envers nous, laquelle nous a tousiours este comme elle est

encore a présent si agréable que vous pouvez estre asseure tant plus nous aurons de moyen de la recongnoistre detre dautant plus ayme et favorise de vous comme jay plus au long dict aud. S r Troylo qui en vous fera entendre de ma part. Priant Dieu mon cousin nous tenir en sa s te garde. Kscript au château de Boullongne le VIII e jour daoust 1573.

V Ue bonne cousine ,

CATERINE

A mon cousin le prince de Toscane.

Mon cousin par la lettre que vous mavez escripte du vingt-huitiesme du passe jay eutendu le déplaisir et la peine ou vous avez este de la maladie de mon filz le duc d'Allençon et du désir que vous avez dentendre des nouvelles de sa convalescence et de sa santé en laquelle il est a présent entièrement remictz grâces a Dieu. Dont je vous ay bien voullu advertir affin que ainsi que vous avez receu desplaisir de son mal , vous aiez aussi plaisir dentendre les nouvelles de sa guerison. Je serois bien aise dentendre le semblable de celle de mon cousin le grand duc votre père {1) la disposition duquel ainsi que jay veu par vosd. lettres nest pas telle que vous et moy desirons, mais je veulx croire et espérer que avec laide de Dieu et les bons remèdes quil aura bien sceu prendre et recepvoir et la grande diligence que vous y aurez mise il luy sera a présent entièrement amende ; et pour ce que je ne scaurois recepvoir nouvelles de ce cote la qui me soient plus agréables, je vous prye mon cousin me mander le plus souvent que vous pourrez de lestât et disposition de

(i) Il s'agit de Cosme I er , grand duc , à la mort duquel fiait allusion une lettre ensuivante.

Page 1