TO

la persoune vous asseurant que vous mavez faict grant plaisir de men avoir escript si au long et des remèdes dont il a use jusques au temps de vosd. 1 * lettres. Et si vous congnoissiez quil y aict en ma puissance chose qui puisse servir a sa sancte ; je seray bien aise den estre advertie pour len secourir^ priant Dieu mon cousin vous tenir en sa saincte garde. Escript a Paris le XXII e jour de septembre 1573.

V lre bonne cousine ,

CATERINE

Mon cousin, vous avez entendu la malladie du feu roy monsieur mon filz lequel cognoissant enfin que Dieu vouloit lappeller a soy a ordonne de sa dernière volunte pour ladministration des afferes de ce royaume et voulu men remectre la charge, attendant le retour en icelle du roy de Polongne monsieur mon filz , quelque temps après il a rendu lesprit et quicte les misères de ceste vie. Mayant laissée oultree de la douleur que naturellement peult avoir une mère , après la perte de la chose quelle avoit la plus chère et précieuse qui me fait désirer de quicter et remectre tous afferes pour quelque tranquillité de vie. Neantmoins vaincue de linstante prière quil ma faicte par ses derniers propos dembrasser cest office au bien de ceste couronne a laquelle je recongnais estre tenue de tout ce que Dieu ma departy, jay este contraincte daccepter lad. charge , espérant que Dieu me fera la paix assistée de la bonne volunte de mon filz le duc d'Alençon, du roy de Navarre mon beau filz et autres princes et bons serviteurs de ceste couronne de conduire toutes choses avec telle moderacion et par si bon conseil et advis en ce desastre ancores quil soit le plus grand qui en peust advenir n altérera riens du repos et tranquillité de cest estât dont je vous ay bieu voulu

advertir masseurant que vous participperez a cest ennuy tant pour la perte dud. seigneur qui vous estoit très affectionne que pour lamitie que vous portez a ceste couronne envers laquelle je vous prye de la continuer, me voulant bien promettre que le roy de Polongne mond. S r et filz ambrassera tousiours de sa part la mesme affection que le deffunct avoit envers vous ne se vouldra de 3>on cueur disposer a toute la correspondance daniitie et lonne intelligence que vous en pouvez désirer comme je feray aussy de ma part, priant sur ce le Créateur mon cousin vous avoir en sa s te garde. Escript au ch eau du boys de Vincennes le XV e jour de may 1574.

V Ue bonne cousine ,

CATBRINB.

Mon cousin jay entendu tant par votre lettre du XXV e du passe que par ce que le m 1 * Horation dal Monte madict la mort de feu mon cousin le grand duc de Toscane v 1 ™ père qui ma apporte un infiny regret et desplaisir tant pour la singulliere affection que je luy ay tousiours portée a vous et a toute v 1 " maison que pour la perte que a faicte toute la chrestiente dun si vertueux, prudent et saige prince que luy duquel la mémoire sera tousiours vive auprès de moy. Ensemble ma bonne volonté et affection envers vous et tout ce qui luy appartient comme je prie led. S r M u vous dire de ma part lequel jusse bien désire faire voir ou roy M r mon filz pour sacquitter envers luy de la charge quil avoit de vous. Mais craignant que la nouvelle de la mort de \ rlre père ne luy apportast -i grand déplaisir qui luy donnast matière daugmenter son mal jai prie led. S r Horation sen depporter.

Mon cousin , puisque les heureux evenemens apportent plaisir et contentement non seulement aux personnes qui les reçoivent mais aussi a tous leurs amys , je ne doubte point que deux actes si prospères que sont les couronnement et mariage du roy mon très hounore seigneur et frère ne vous ayent donne grand argument de resiouissance , ainsi mesmes que vous me lavez escript , et la m'a témoigné le commandeur Petouci.

Le X e jour de may 1575.

Mon cousin jay entendu par votre lettre avec un extresme déplaisir et regret linconvenient de mort advenu a feue ma cousine la grande duchesse de Toscane votre bonne espouze (l) , et la grande perte que vous avez faicte de la mère et de lenfant tout a une fois, tant pourlaffection et bonne volonté que je vous porte et à toute votre maison que pour le désir que jay de la veoir acroîstre et prospérer et vous satisfaict et contant par le moyen de quelque postérité , qui est cause que ienvoye par devers vous mons. lévesque de Beziers p nl porteur pour vous dire a bouche et porter temoignaige de la douleur et du desplaisir que jay de tel accident advenu et vous offrir tout ce que je puis en telle occasion pour le soullaigement de votre juste douleur dont ie vous prie le croire comme vous feriez moy mesmes et me remettant surluy je feray fin à la p to priant Dieu mon cousin vous tenir en sa sainte garde. Escript a Paris le 1111 e jour de juing 1578.

V lre h M cousine.

CATERINE

(1) L'archiduchesse Jeanne d'Autriche dont la mort permit au grand-duc François d'épousor Bianca Capello.

Mon cousin je serais bien fort ayze de vous veoir, connue je congnois par votre lettre que vous estes au mèsme désir et de prendre pour ceste occasion la peine de venir jusques icy , si ny voyez trop de danger , maifc comme vous dictes par votre lettre je craindrois que sur ces garbouges qui sont advenus ces jours icy ausquelles j espère neantmoins bientost avoir pourveu , il ne feyst pas a présent trop seur pour sur les chemins dentre cy et Bordeaulx , et quil vous adveint inconvénient, par quoy je vous conseille mon cousin de prendre votre chemin dud. Bordeaulx comme jay entendu quaviez advisé sans vous détourner parmy ce danger , vous saichant très bon gré de votre bonne volonté et priant Dieu mon cousin vous avoir en sa s 10 et digne garde. Escript a Auch le VII e jour de décembre 1578.

• Votre bonne cousine ,

CATERINE

Mon cousin je ne puis que je ne me ressouvienne du temps que jay en mon plus jeune eage passe au monastère des emmurées ,} deFleurance lesquelles jay tousiours congneu remplies dun sy grand zelle a lhonneur de Dieu tellement devostieuses que tout cella ensemble me semond a les faire ressentir de ma libéralité affin de les porter de plus en plus a continuer en leurs bonnes et dévotes prières pour ma conservacion et pour lame du roy monseigneur a qui Dieu face paix : Et affin mon cousin de leur pouvoir donner quelque chose qui soit en lear bienséance et dont elles puissent bien et commodément jouyr jay advisé d'achepter dans létendue des terres de votre obéissance jusques a sept ou huit mille escuz de biens que je desirerois infiniment leur pouvoir donner francs et quictes de touz droictz et debvoirs a

(*) DeLe Muratte, couvent aujourd'hui transformé en maison d'arrêt.

vous deubz au moien de quoy je vous faiz la présente pour vous prier quil vous plaise pour lamour de moy et en ma considéracion les dispenser de tout le droit quelles vous debvront a cause de lacquisition que je feray en leur faveur desd. biens , comme aussy les descharger a tousiours mais de tous droite de deymes et charges a vous deues sur lesd. biens affin quelles puissent entièrement joiyr du revenu desd. biens pour leur ayder et subvenir a leur nécessité. Je vous demande ceste grâce sur l'asseurance que jay de votre piété et de laffection que vous portez aux dévotes prières de ces paouvres relligieuses avec lesquelles je me joinct pour vous asseurer que vous me ferez ung bien grand plaisir de leur accorder ce que je vous demande suivant ce quelles vous diront plus au long de ma part. Et nestant la présente a autre fin etc. VI juillet 1583.

Deux autres lettres pour les mêmes relligieuses des murrattes de Fieurance :

Escrit a Paris le XIIII 6 jour d'aoust 1584.

Désirant mettre a exécution ceste mienne intention , jay achepté du s r Barthélémy Delbenne les titres qui sont speciffies au contrat lequel jenvoie présentement ausd. relligieuses affin quil vous plaise en vertu diceluy et de la donation que je leur en ay faicte , les faire mettre en possession libre et plaine dicelles terres et possession sans leur demander ny aud. Deblenne et les siens aulcun droit de gabelle , affin que ces paouvres relligieuses puissent tant plus tost garnir lesd. possessions que je leur donne de tout ce qui est nécessaire, jay fait remectre en la banque de Martelly mil escuz dor ditalie desquelz je désire quil en soit prins cinq cens

pour cest effect et du surplus quil [soit mis au paiement dune statue de marbre qui me représentera laquelle sera mise a genoulx avec son ornement en leglise desd. emmurées a main gauche allant vers lautel en lespesseur du mur affin quelle n'occupe riens de la place de lad e église suivant le pourtraict que je vous en envoiray. Tous priant mon cousin commander a quelquun des "vôtres de voulloir convenir de marche de lad e statue a quelque bon et excellant ouvrier et quil prenne garde que tout soit bien faict et suivy ; et que la similitude du •visaige aveques les mains soit de marbre blanc et tout le surplus de lad. statue de marbre noir, etc, etc.

Autre lettre du 1111 e jour de janvier 1588 où elle ajoute de sa propre main : Mon cousin je vous prye pour lamour de moy leur donner le droyt de gabelle pour ce qae leurs ay donné et ie lestimerœ comme a moi mesme est faisl.

Votre bonne cousine

GATBRINB.