CXXXIII. — DeCete

Cetes est ims^ grans peissons que îi plusor apelent balaine. Ce est uns peissons si granz comme une terre, qui maintes foiz remaint en sec, car il^ ne puet'* aler se non où la mer est haute ^. Ce est li peissons qui reçut Jonam*^ le prophète dedans son ventre, selonc ce que'' l'estoire dou VieP Testament nos raconte, qu'il cuidoit estre alez en enfer por la grandor dou leu où il estoit.

Cist peissons eslieve son dos en haute mer, et tant demore'^ en un leu que li vent aporte sablon et ajostent sor lui, et i naist herbes et petiz arbrissiaus, por quoi li marinier sont deceu par maintes foiz là, car il cuident que ce soit une isle, où il descendent, et fichent paliz et font feu ^°; mais quant li peissons sent la chalor, il ne la puet ^^ sofrir. si s'en fuit dedanz la mer, et fait affondrer ^^ quanque il a sor lui.