XVII. — Comment loi fu premièrement establie

Puis que li mauvais angles^ ot trové le mal et deceu le premier home, enracina son pechié^ sor l'umain lignage en tel manière, que les gens qui après nasquirent ^ estoient assez plus corrant au mal que au bien; et por restreindre les maus que il faisoient contre la révérence de Dieu en destruction de l'umanité, convint il que loi fust faite en terre, et ce fu en .ij. manières : ce est loi divine, et loi humaine.

Moyses fu li premiers qui bailla la loi as Hebreus ; et li rois Foroneus* fu li premiers qui la bailla as Grezois; Mercures as Egypciens, et Solon^à cels de Athènes; Ligurgus*^ as Troyens'^; Numa Pompilius^ qui régna après Romulus en Rome, et puis ses filz^ bailla et fist lois as Romains premièrement; mais .x. sage home translatèrent puis dou livre Solon^° la loi de .xij. tables; mais celé loi envieilli, si que ele n'estoit pas en cors ^^ ; mais li empereres Costantins ^^ recommença à faire ^^ novele loi, et autressi refirent^* li autre empereor, jusques au tens l'empereor Justinien, qui toutes ^^ les adreca et ordena miels et plus entérinement^'^, si comme il est encore.