IP

Comment Julius César fu premier empereur.

Endementres Cesar porchaca tant amont et aval, après ce quilavoit eues tantes victoires et mainz païs sousmis au commun de Romme^ qu'il actray à soy les courages des gens des pays qu'il avoit conquis, et assembla grant ost, et commença à venir sur ceulx de Romme et leur faire guerre, tant que en lin iJ desconfist Pompée, qui pour lors estoit sénateur de Romme, lequel avoit conquis grant partie des régions devers soleil levant jusques en Ynde et subniis à la communité de Romme. Avec lequel Pompée le bon Cathon de Romme et plusieurs autres sages bommes et vaillans, qui pour le bien publique et pour garder la franchise de Romme se combatirent contre Cesar en une contrée de Grèce que l'on appelé Thessale. Là furent desconfîs Pompée, Cathon et ceulx de leur compaignie , et la plus grant partie mors ; a iaquele bataille ot grande et merveilleuse occision, car Pompée avoit de son costé la plus grant partie de ceulx de Romme et grant partie de la puissance du peuple d'Orient. Et Cesar avoit de son costé ceulx de France et de la Grant Rretaigne qui à présent est nommée Angleterre , lesquelz il avoit conquis et submiz à ceulx de Romme : et avecques ce avoit de son costé grant partie de la force du peuple d'Occident. Aprez Iaquele desconfiture Cesar vint à Romme et mist en sa main toute la seigneurie de Romme; et pour ce qu'il ne povoient avoir roy à Romme, selon l'establissement qui avoit esté fait au temps Tarquinius l'Orgueilleux, de qui le compte a parlé cy devant , les Rommains l'apelerent empereur. Et ainsv Julius Cesar fut le premier empereur de Romme, et ne tint son empire que environ trois ans et demi, car les sénateurs, ou Capitole du Palais qui estoit à Romme, en ung conseil qui estoit là assemblé le tuèrent en trayson de grefes longs et agus qu'ilz avoient boutez en leurs chausses, pour ce qu'il estoit deffendu que nul ne portast coustel ne nul autre harnois ou conseil. Icelui Julius Cesar estoit homme très sage, bon philozophe, preux et vaillant en armes et de grant

' Ce morceau, tiré du manuscrit de la ville de Genève. n° 160, est une variante du Livre du Trésor, liv. I, part. I, chap. xxxviii.

Les fragments n°' m et vi. que nous donnons ci-après, sont également des empnmfs faits au même manuscrit.

conduite. Qui de lui et de ses fais vouldra plus avant savoir, quiere Lucan, et là le trouvera. Après la mort Julius César, Octovien, son neveu, fut empereur, lequel fut par excelence nommé Augustus César, qui valoit autant à dire comme empereur croissant; car il tint en son temps toute la monarchie du monde. En son temps nasqui Nostre Sauveur Jhesu Crist, et avoit jà régné •xlij. ans et six mois, et depuis la Nativité régna .xiij. ans. Cestui Augustus César fut moult sage, preux et vaillant, et plain de bonnes condicions et vertus, sinon que il estoit merveilleusement luxurieux. Il fist mourir ceulx qui son oncle Julius César avoient tué.

Cy parle de Judith. •

Judith fut une vefve dame du pueple d'Israël; elle fut fille de Merary de la lignie Simeon; elle fut de grant et fort courage, très sage femme fut, chaste et dévote en la loy: puis le trespas de Manassès son mari, elle se tint toute sa vie sans soy remarier. Elle estoit la plus riche dame de la cité de Bethulie et bien renommée, très bêle dame estoit, et en especial avoit excelentement plaisant regarda Elle jeunoit tous les jours excepté les sabbas et les festes qui estoient commandées en la loy. En son temps Arphaxat, le roi de Mede, qui, en latin, est appelé rex Medeorum, conquist et soubmist à sa seigneurie plusieurs nacions es parties de devers orient, et fonda une cité très puissante nommée Ebatanys, et la fist clorre de murs de .Ixx. coûtes de hault et .xxx. de large, grosses tours en tour, et portes de cent coûtes de haut. Quant il vist sa cité ainsi forte et qu'il se trouva ainsi puissant de terres, de gent et de chevance, advis lui estoit que nul ne lui povoit nuire. Nabugodonosor, qui lors estoit roi des Assiriens, et moult puissant estoit de gent et de terres, dont NynvTe, la grant cité , estoit chief de son royaume , meust guerre contre Arphaxat tant qu'ils assemblèrent en bataille les ungs contre les autres, et enfin furent, Arphaxat et les siens, vaincus, et toute sa seigneurie et ses trésors mis en la main de Nabugodonosor, roy des Assiriens. Quant Nabugodonosor se vist si puissant de terres, de gent et d'avoir, car il tenoit prezque toute la seigneurie de Orient , il monta en si grant orgueil qu'il proposa en soy qu'il conquerroit tout le monde, et partout se feroit adourer come Dieu. Adonc assembla à conseil les plus grans princes, ducs, satrapes, satelites, tribuns et centurions de son peuple, et leur dit qu'il vouloit mectre en sa subjection tout le monde. Ceulx lui loerent moult ceste chose. Les messages furent envoiez par toutes les provinces et régions devers Ethioppe et jusques en Judée et toutes ces marches là environ , en faisant savoir que tous venissent faire hommage au roy Nabugodo-

' Cler ot le vis et la char blance Comme la noif desor la brance.

{Portrait de Judith : ms. de l'Arsenal , a83 in-foi. B. L. Fr. fol. a-iô, v" c. a.)

nosor. Et eulx retournez, rapportèrent qu'ilz n'avoient nulle part trouvé qui à son mandement voulsist obéir. Adonc, de ce moût indigne, appela Olofernes, ung de ses princes, le principal de toute sa chevalerie, et lui chargea qu'il print de son peuple gens d'armes tant qu'il pourroit suffire, et de ses trésors pour ,ffes souldées, vivres, ordonnances, charretes et autres choses nécessaires pour son ost, et lui chargea qu'il fist abatre les temples et tous les dieux que les gens de lors aouroient, et que lui seul fust adouré. Ainsi le fist, et vint conquérant pays, les ungs par force, les autres rendoient les villes et citez, et lui portoient les clefs au devant, eulx mectans en sa merci et obéissance, et conquist tout le pays de Silice, Libie, Tharse et maint autre pays; et de chacune contrée qu'il conquerroit contraingnoit les fors et jeunes hommes à venir à son aide , tant qu'il vint sur les marches de Judée et sur le pays des enfans d'Israël, et destruisi et pillia une partie de leurs pays qui marchissoit vers les desers, tant qu'il vint aux destrois des montaignes. Adonc les enfans d'Israël furent en grant doubte qu'il ne fist détruire le temple de Iherusalem ainsi qu'il avoit fait les temples des contrées qu'il avoit jà conquises, et qu'il ne abolist la loy de Dieu: et eurent conseil qu'ilz garniroient les montaignes et les estrois passages et les villes et les citez des frontières, et se defTendroient à l'aide de Dieu. Le grant prestre de la loy, nommé Joachim , ala parmi le pays et sur les frontières admonnestant le peuple de estre fermes en la loy et de continuer en jeunes et oroisons afin que Dieu les voulsist préserver. Olofernes, ainsi conquérant pays, vint jusques dedens les terres des enfans d'Israël auprez des destrois qu'ilz avoient fortifiez et garniz. Et avoit en la compaignie Olofernes .vj". mil combatans à pié et .xxij. mil à cheval, sans le innombrable peuple des provinces qu'il avoit jà conquises, qui venoient en son aide de charrois et charretes chargées de vivres et de ordonnances pour l'ost, chevaux et chameaux chargez d'or et d'argent, de draps de soye, et de toutes autres choses nécessaires pour ost: beufs, brebis et autre bestail pour leurs provisions : ces choses y estoient comme sans nombre. Et quant Olofernes fut jusques là venu et il vist que ceulx de celle contrée de Judée se preparoient à deffence, il actendi sur celle marche que tout son ost et ses ordonnances et le peuple qui lui venoit des provinces qu'il avoit jà conquises feust ensemble. Quant il vist sa puissance comme peuple innombrable, il assembla à conseil les princes de Moab et les deux enfans Auraon, desquelz les terres et seigneuries marchissoient aux enfans de Israël, pour enquérir et savoir par eulx quel peuple c'estoit qui contre lui se tenoit,

quele loy ilz tenoient et queles citez et quele puissance ilz povoienl avoir. Adonc se leva le duc des enfans Aumon, nommé Achior, lequel commença à dire que «ce estoit ung peuple qui anciennement estoit issu de Caldée, lequel aouroit « ung seul Dieu créateur du ciel et de la terre. Lequel peuple, pour une famine «qui sourdi en leur pays, alerent habiter et demourer ou pays de Egipte. Aprez «qu'ilz furent fort multipliez, le roi Pharaon qui pour lors estoit, par envie et tt mauvais conseil, leur fist plusieurs persecucions et fist commandement par r.tout son royaume que tous les enfans masles qui nasquiroient des enfans d'Is- «rael fussent mis à mort ou nyez. Adonc commencèrent les enfans de Israël à «plourer et gémir, et faire prière à leur Dieu qu'il les vousist secourir, tant î^ qu'il sourdi entr'eulx ung saint homme de leur loy nommé Moyse, qui par le K commandement de Dieu, aprez plusieurs signes et merveilles qu'il oit fais en «la terre d'Egipte, les emmena hors du pays eulx et toutes leurs familles char- Tvgez des biens aux Egipciens, et passèrent parmi la Rouge mer sans batel, tout «à pié sec. Le roy Pharaon assembla incontinent grant puissance de son peuple -armez, et les poursuirent pour les destrousser et les mectre à mort, tant qu'ilz «vindrent jusques à la mer et trouvèrent les enfans d'Israël jà passez, et encore -estoit la mer séparée come deux murs des deux costez, par la grâce de leur -. Dieu , et ung grant chemin parmy. Adonc se frapa le roy Pharaon et toute sa wcompaignie, pour les cuider actaindre et aconsuir, dedens ce grant chemin en «celle mer. Et quant ilz furent tous dedens la mer, elle se recloy, et furent tous «les Egipciens nyez, et leurs corps et tous leurs baguages furent jectez des vagues «hors sur les rives du costé des desers où les enfans d'Israël estoient, lesquelz «ourent toutes les despouilles. En ces desers furent .xl. ans sans menger sinon «la manne que leur Dieu leur envoioit du ciel. Aprez vindrent en ceste contrée «qui est dicte Judée, et conquirent le pays sur ceulx qui lors y habitoient. Et «sachez que, quant ilz gardent bien leur loy, tout le monde ne leur pourroit «pas nuire, mais quant ilz trespassent les commandemens de leur lov, leur «Dieu les laisse et seuffre estre vaincus et estre mis en chetivoison et servage, et «incontinent qu'ilz retournent à penitance et se repentent, et crient merci à leur «Dieu, ilz retournent en prospérité et sont victorieux sur leurs ennemis, -n Quant Olofernes ot ainsy oy parler Achior, il ot moult grant despit et fut moult indigné contre lui, tant que aucuns le jugèrent à mort. Adonc Olofernes dist que afin que tous sceussent que Achior avoit menti, et qu'il n'estoit nul dieu que Nabugodonosor, il seroit envoie en une cité des enfans d'Israël qui prez de là

estoit, nommée Bethulie, et quant il auroit conquise la cité, il le feroil mourir de vilains tourmens et tous ceulx qui contre lui seroient rebelles. Adonc fut mené auprez de la cité et lié à ung arbre, et là le laissèrent et s'en retournèrent en l'ost. Ceulx de la cité issirent qui le vindrent deslier et l'emmenèrent; et là devant tout le peuple leur dist pourquoy ilz l'avoient là lié, et les menaces que les Assiriens leur faisoient. Tantost aprez se vint loger tout celui ost devant celle cité de Bethulie, qui sur une montaigne estoit assise et comme imprenable se n'estoit par famine. Les Assiriens ourent conseil qu'ilz leur osteroient leurs eaues, car nulles n'en avoient dedens sinon par conduis ou en cisternes; et ainsi, sans nul dommage, de brief seroient contraints de euh mectre en leur merci. Les conduis ostez et rompus, ilz meirent centeniers et gens d'armes à garder de nuit et de jour aucunes fontaines qui estoient auprez des murs afin que ceulz de la cité n'y peussent venir. Dedens brief temps les cisternes et les eaues qu'ilz avoient amassées dedens la cité furent consumées, tant que l'en en bailloit à chascun par porcion qui pas ne povoit durer longuement. Adonc commença le peuple fort à murmurer contre Ozias leur prince et contre les prestres de la loy, en disant qu'ilz amassent mieux avoir rendue la cité leurs vies sauves dès le commencement que mourir ainsi de soif. Lors Ozias, qui ne savoit quel conseil leur donner, car il n'y savoit nul remède, en plourant et en grant amertume de cuer dist oyant le peuple, qu'ilz actendissent encores cinq jours et ce temps pendant, ilz feussent en veilles, jeunes et oroisons, et il esperoit que Dieu leur envoieroit sa grâce.

En celle cité de Bethulie demouroit celle bêle vefve et bonne dame nommée Judith, qui tous les jours estoit en jeunes et oroisons vers Dieu, qu'il les voulsist secourir. Quant elle entendi que temps estoit donné de Ozias de .v. jours, et que le peuple estoit tout hors d'espoir de plus tenir la cité; car c'estoit de neccessité, et contrainte à ce les menoit, ou qu'ilz rendissent de brief la cité, ou qu'ilz mourussent de soif; pourquoy Judith estoit en grant douleur, et pour ce se mist à prier Dieu dévotement en pleurs et en larmes et en grant contriction de cueur. Ses oroisons faisans lui vint en voulenté et proposa en son cueur qu'elle mectroit sa vie en avanture pour la loy deffendre et le peuple sauver. Et pour ce manda les prestres de la loy nommez Ghambry et Charmyn, et leur dist que c'estoit mal fait que Ozias avoit assis terme sur la miséricorde de Dieu, et que ce povoit plus estre à provoquer ire que grâce. Et de moult bêles raisons leur dist comme celle qui sage, dévote et de grande constance

estoit. Aprez leur dist qu'ilz feussent la nuit à la porte, et elle et Arabe sa chamberiere istroient dehors, et qu'ilz les actendissent jusques au v" jour, et feussent en oroisons envers Dieu qu'il lui donnast grâce de faire chose qui feust à l'onneur de la loy et au salut du peuple. Ces choses dictes, les près très s'en retournèrent en leurs domiciles, et Judith osta ses habillemens de viduité, et se lava son visage et tout son corps, et se oingni de moult précieux et odorans ongnemens ainsi que lors estoit acoustumé aux haultes dames. Aprez se vesti des plus riches robes que elle avoit, et laissa aler ses cheveux sur ses espaules, qui moult estoient beaux, et son chief aourna de moult riches atours; ses mains para des aneaux d'or et de pierres précieuses, et ses pies chaussa d'uns sandalles; en ses mains portoil un lis et autres branches, par manière de contenance; fist prendre par sa chamberiere du vin et de la viande tant qu'il lui sembla que bon feust et les fist porter avecques elle; car contre les constitucions de la loy estoit boire et menger les viandes de ceulx qui n'estoient point de leur loy. Aprez la mynuit vint à la porte , et là trouva Ozias et les prestres de la loy qui l'actendoient, et la commandèrent à Dieu sans la interroguer plus avant. Ce fut comme au point du jour que elle et sa chamberiere commencèrent à avaler de la cité sur l'ost. Incontinent que les explorateurs , c'est à dire les guetes, la virent venir, ilz la coururent prendre et lui demandèrent pourquoy elle estoit issue de la cité, et moult se merveillierent de sa grande beauté; si leur respondi qu'elle savoit bien que la cité ne povoit durer contre le prince Olofernes , et pour, ce requeroit à parler à lui et qu'elle se mectroit en sa grâce, et lui donneroit conseil dont il seroit joyeux. Adonc la menèrent en la tente Olofernes ; et là le trouvèrent assis en son siège impérial aourné de pourpre, d'or et de pierres précieuses, et avironné de grans satrappes et satelites. Quant elle vint devant lui , elle s'enclina tout à terre en lui faisant révérence ; si la fist tantost lever, et lui demanda d'où elle venoit et où elle aloit. Et elle lui respondi en beau langage et d'une bêle contenance, qu'elle estoit issue de la cité, et que son Dieu lui avoit révélé qu'il mectroit la cité, le temple de Iherusalem et tout le peuple d'Israël en sa subjection , par leurs péchez. Et jà estoient en la cité en tele nécessité que ilz avoient ordonné qu'ilz tueroient leurs bestes pour boire le sang; et pour ce estoit elle venue soy mectre en sa merci; et bien lui sauroit dedens brief temps à dire quant ce seroit. Quant Olofernes l'ot ainsi oye parler, il se merveilla moult, et lui et tous ceulx qui estoient presens, de la grant beauté et sapience qui estoit en elle. Pour quoy Olofernes

fut prins de concupiscence envers elle, et dirent aucuns satelites qui enlour lui estoient que l'en devoit bien mectre paine de conquérir le peuple d'Israël, où tant de bêles femmes estoient. Olofernes adonc lui dist qu'elle n'eust point de paour, et que de grans biens lui feroit, et que quant ce qu'elle disoit seroit advenu, il aoureroit pour l'amour d'elle son Dieu, et la feroit estre l'une des plus grandes et des plus honorées de la maison Nabugodonosor. Après commanda à ses chambellans que l'en la menast ou lieu où estoient ses trésors et que l'en lui donnast vin et viandes teles qu'elle vouldroit demander. Adonc elle dist qu'elle adouroit ung Dieu, et qu'il estoit deffendu en sa loy ne menger autres viandes que celles de leur labor. Et il lui dist : «Et se ce que tu as aprt porté est deffailli, de quoy vivras tu?» Elle lui respondi : «Devant que ce que «j'ay apporté défaille, au plaisir Dieu, ce que j'ay en pensé sera fait, v Avec ce elle lui recquist que elle eust licence de issir de nuit, et qu'elle peust aler hors les tentes adourer son Dieu, et soy mundifier et laver es fontaines. 11 commanda à ses serviteurs que ce qu'elle vouldroit feust fait. La nuit ensuivant elle et sa chamberiere issirent de leur tabernacle et passèrent parmi l'ost sans nul empeschement, car commandé leur estoit et deffendu; se lava es fontaines et fîst ses oroisons à Dieu pour la délivrance du peuple; et ainsi le fist chascune nuit jusques à la quarte nuit. Ce jour appela Olofernes ung de ses chambellans et familiers nommés Gabar, et estoit eunique (anciennement ceulx estoient nommez euniques à qui les roys et les princes bailloient la garde des dames, et estoient en leur jeunesce castrez, et leur faisoient les princes couper les membres genitaires). Et dist Olofernes à icelui Gabar : «Va à celle femme he- «breue, et la persuade et induy à ce que de son gré elle vienne habiter avec «moy. V Car il estoit de coustume lors entre les Assiriens, que ainsi comme chose infâme et vituperable à homme estoit, de quelque estât qu'il feust, prendre femmes sinon de leur bon gré et consentement. Icelui Gabar ala devers elle, et fist son message , et elle lui respondi humblement que elle estoit preste de obéir au prince Olofernes et faire ce qu'il lui plairoit commander. Olofernes commanda à faire ung grant souper pour festoier Judith. Elle fist très joyeuse chiere à ce souper, et but et mangea ce que sa chamberiere lui avoit appareillié. Elle efforça moult Olofernes de faire bonne chiere, lequel but plus de vin qu'il n'avoit onques en sa vie fait pour une fois. Aprez souper chascun se ala coucher, car tous estoient estourdis du vin. Holofernes mesmes et Judith se retrairent ou tabernacle où son lit estoit. Aprez qu'il fut couché, Gabar cloy

leshuvs et s'en ala et laissa en sa chambre Olofernes, Judith et sa chamberiere. Aussi tost que Olofernes fut couché il s'endormi; car tout transporté estoit de son entendement et estourdi du vin qu'il avoit beu. Quant Judith aperceust qu'il dormoit très fort et que tous estoient couchez, si envoya sa chamberiere garder devant l'uys de la tente, et se mist à genoulz au pié du lit en loant et en merciant Dieu en pleurs et en lermes de ce que sa grâce l'avoit jusques là amenée, et qu'il lui pieust de parfaire et acomplir ce pour quoy elle estoit là venue. Incontinent se leva et ala prendre une espée qui pendoit au pié du chevet, et vint prendre Olofernes par les cheveux, et en deux horions lui coupa la teste et la mist dedens l'escherpe en quoy ilz avoient apporté leur viande , et la bailla à porter à sa chamberiere ; et avec ce print et emporta le courpeon Olofernes qui estoit attaché et tendu aux coulompnes d'entour sa tente. ( Et est assavoir que courpeon qui lors estoit ainsi appelé estoit aussi comme seroit à présent ung ciel et ung dossier à tendre sur ung lit. Et les faisoient tendre les roys et les princes, quelque part qu'ilz alassent, sur leurs chaeres où ilz faisoient leurs parlemens, et les faisoient communément de pourpre enrichis d'or, d'esmeraudes et de pierres précieuses le plus richement que faire le povoient pour monstrer au peuple leur grande magnificence.) Ce fait, ilz issirent de la tente ainsi qu'ilz avoient acoustumé les autres nuits, et vindrent jusques prez du mur de la cité. Elle parla à ceulx qui faisoient le guet; et tantost qu'ilz entendirent que ce estoit elle, ilz alerent quérir les prestres et vindrent ouvrir les portes à grans lumières et à grans processions. Elle fist assembler tout le peuple et se mist en une place que tous la peussent veoir et oyT, et leur dist ce qui leur estoit avenu et si leur monstra la teste de Olofernes. Elle fist appeler Achior, lequel vint devant elle, auquel elle commença à dire : «Achior, vecy le chief de Olofernes, qui pour la confession de nostre loy te « avoit menacié de mort et tout le peuple de cette cité. Regarde comme par la «grâce de nostre Dieu, par la main de fraile sexe femenin il a esté occis et son ç^ grant orgueil abatu; et avec ce ay apporté avec moy son courpeon , -n lequel elle desploya et monstra devant tout le peuple. Quant Achior ot entendu ce que Judith volt dire, et il vist le chief de Olofernes, il fut si esbahi et ot si grant merveille et paour que il cheut tout pasmé et esvanouy. Quant il ot reprins ses espris, il commença à loer Dieu avec les autres, et se fist en celle heure circoncir et crust en Dieu selon la loy des Juifs , et dès lors sa generacion fut comptée ou peuple d'Israël. Aprez, Judith les amonnesta de loer et mercier

Dieu , et si leur dist que incontinent que le soleil commenceroit à luyre qu'ilz pendissent la teste Olofernes sur le mur, en lieu que on la peust veoir, et qu'ilz prenissent leurs armes et ississent hors, faisans grant tumulte et grant noise d'instrumens et d'autres choses. Et se ilz veoient ceulx de l'ost esbahis ou desvoiez, ferissent hardiement sur eulx. Et ainsi le firent. Quant les explorateurs les veirent issir faisans tel bruit, ilz coururent aux tentes des princes, et comme par manière de moquerie leur dirent : ç^Les souris de celle cité sont «osez issir de leurs cavernes, et nous provoquer à bataille. » Adonc les princes et les cappitaines de l'ost acoururent incontinent aux tentes Olofernes, afin qu'il ordonnast qu'ilz feroient. Hz firent entrer Gabar son chambellan dedens le tabernacle où son lit estoit, pour l'esveillier. Quant il trova qu'il avoit la teste copée, il descira ses vestemens et fist un deul merveilleux. Les princes et les plus grans seigneurs de l'ost qui là actendoient, quant ilz oyrent les noises et les plaintes que Gabar faisoit, ilz entrèrent dedens; et quant ilz apperceurent que Olofernes avoit la teste coupée, ilz descirerent leurs vestemens; car tele estoit lors la coustume pour mort de princes et de grans seigneurs que leurs amis et familiers desciroient leurs vestemens en signe de grant douleur. Aprez menèrent merveilleux deul. Et ainsi come gens sans advis ne savoient quel conseil prendre et ne metoient nulle ordonnance en leur fait. Incontinent la nouvele couru parmi l'ost que Olofernes avoit la teste coupée; et de toutes pars povoient veoir la teste sur le mur de la cité. Une freeur leur entra es courages et furent grandement espouentez partout l'ost, à ce que leurs princes et leurs cappitaines ne mectoient point d'ordre sur eulx. Et ceulx de la cité issoient tous armez en bêle ordonnance ainsi subitement et impétueusement qu'ilz commencèrent à fuir les ungs çà, les autres là; ilz jectoient leurs harnois et leurs habillemens avant les chemins pour mieux courir. Ceulx de la cité les poursuirent jusques à soleil couchant, et sans nombre en occirent et meirent à mort, tant que les chemins estoient couvers de mors et mehaingnez, et esleurent des plus fors et jeunes hommes de toute la compaignie et du pays d'environ lesquelz les poursuirent jusques oultre les marches de leur contrée, et sans nombre en occirent. Ceulx de Bethulie gaengnerent leurs tentes et innombrables /ichesses , chevaux , harnois , bestiaux , vivres et autres choses. Et furent l'espace de trente journées à cueillir par le pays les baguages et les despouilles de leurs ennemis tant que tous ceulx de la cité en furent riches. Tous les vaisseaux d'or et d'argent et autres joyaux qui peurent estre trouvez qui

avoient esté à Holofernes, furent bailliez à Judith du consentement de tout le peuple. Ce temps pendant Joachim, le grant prestre du temple de Jherusalem, vint en la cité de Bethulie , et avec lui les plus grans et anciens du peuple , pour veoir Judith et la conjoïr et honorer ainsi que bien lui appartenoit. Eulx là venus, elle issi contre eulx, et ilz lui firent tous les honneurs qu'ilz pourent. Et Joachim lui donna la benedicion de la loi. Tout le peuple estoit en joye; les ungs chantoient loenges à Dieu et à Judith, les autres jouoient d'instrumens, et généralement tout le peuple s'esjoïssoit en loant et merciant Dieu. Aprez alerent Judith, ceulx de Bethulie et de tout le pays de Judée au saint temple de Jherusalem rendre grâces et loenges à Dieu de celle noble victore et faire oblacions et sacrifices selon le povoir et faculté de chascun. Judith oflPri à Dieu au saint temple de Jherusalem tous les vaisseaux belliques, tant d'or comme d'argent, qu'elle avoit euz de celle victore; et si offri le courpeon cv devant dit, pour le tout estre converti aux choses neccessaires dudit temple. Longtemps furent en Jherusalem à rendre grâces à Dieu et faire festes et esbatemens. Ce fait, chascun s'en retourna en son lieu. Depuis ce temps les Juifs ont gardé les jours de celle victore par chascun an comme feste solennele. Judith, puis ce temps, fut tenue en grant honneur et révérence de tout le peuple d'Israël tout le temps de sa vie, et aprez sa mort fut comme saincte réputée. Tant comme elle vesqui aprez celle desconfîture ne long temps aprez son trespas, ne furent nulz si hardis de envahir les enfans d'Israël. Elle vesqui en l'ostel de son mari Manassès cent et cinq ans, et fut ensevelie avec lui en son sépulcre en Bethulie. — (a 2.)