GO
Le fera, puisqu'il est mestiers.
Et k'à I chastel le menroit
Qui assez près de là séoit
Et avoit à non Verde Coste.
iOP-lO — « Là trouverons,» fait il, « bon oste :
Car c'est li pères Lyadès. »
Ce plot moult à Cléomadès.
Dist Durbans : — « Je et vous irons « El chastel. Au roi mousterrons » Pourquoi nous sommes venu ci. >
Dist Cléomadès : — « Je vous pri, f S'il vous plaist, qui ailliez sans moi, « Et je dou tout à ce m'otroi « Que vous i vorrez arréer. »
10950 — « Je ne vous puis plus demander, » ' Dist Durbans, « et je le ferai, « Et reposer vous laisserai. »
Durbans sa gent commande et prie Que il li tiengnent conpaignie Et que seul ne le laissent pas.
Tjors s'en parti isnel le pas.
De sa gent avoec lui mena Tant com li plot, et vint droit là Où est oit li bons rois Carmans, 10960 Qui aine puis ne fu fors dolans Qu'il ot perdue Clarmondine.
Adès en son cuer enracine Li anuis que pour li avoit.
Quant li rois Carmans venir voit Durbant, contre lui s'est levés, Pour ce que Durbans ostoit tés Et de prouece et de valeur, C'on li devoit bien faire honnour.
Durbans a le roi salué 10970 Et, après ce *, li a moustré Pour quoi il estoit esmeiis De son pays, et là venus.
Dist li que loial essoigne a Sartans, ne venir ne porra Fol. 43 r". Au jour que combatre se doit; Et, pour ce, là venus estoit Que pour lui feroit la bataille :
N'est drois k'amis au besoing faille.
— « Loial essoigne a vraiement, K >980 « Près sui k'en face serement « Si avant que faire le doi. »
Et dist li rois : — «Bien vous en croi » Sans serement, et bien le vueill.
* Mais dou mal Sartan moult me dueill « De son mal et de son meschief » Sachiez me seroit mal et grief. »
'A ce tans, se essoigne avoit Cil qui combatre se devoit, Qui fust de loial ochoison, 10990 De maladie ou de prison.
Mais que Tessoigne fust seûe
Par gent dont par droit fust creiie,
Mètre i povoit en lieu de lui
Par droit, en toutes cours, autrui,
Mais k'au seignour dou lieu pleiist :
K'autrement faire nel pelist.
Tele ert la coustume à ce tans.
— t Sire rois, » ce a dit Durbans, * Le Mb. donne : « Se. »
<iti
« La nostre aversaire pai'tie 11000 '( Faites mander, je vous en prie : '( Car venus est, si corn j'entent, « Bleopatris, il et sa gent.
« Un chevaliej' ai amené 4 Qui dist que il a volenté ,- ' Des III puceles aaidier •t L'une ; veut s'onnour desr-ainier « Et deffendre, ou il i morra.
« De ce ne sai k'en avenra. »
Et li rois tantost i envoie, 1 1010 Et cil vinrent, qui moult grant joie Orent, quant il la nouvele oient Pour quoi à court mandé estoient :
Car des trois tous li mains euidans Cuidoit bien estre si poissans Que nus hom ne peiist durer Vers lui, ne ses coups endurer.
Devant le roi Carmant s'en vinrent.
Salué l'ont, et lors se tinrent Tout quoi, pour' savoir qu'il diroit.
1 1020 Bleopatris avoec estoit
K'ainc puis ne parti dou pays Que il ot cel afaire empris.
Et si troi chevalier avoient Tous troi voué k'arses seroient Les puceles, ou enfouies, Ou il i lairoient les vies.
Lors parla li rois pour Durbant.
— « Gadot, ï fait il, s venez avant.
« Sartans combatre se devoit 11030 « 'A vous, mais no puet oi^endioit.
« De loial essoigne li rauet 4 Par quoi relaissier l'en estuet ; « Et je l'en vueill bien déporter, t Puisqu'il ne le puet amender, -i Vez ci Durban, qui prouvera, « Pour Sartan, qu'en Ljadès n'a u Coupes en ce c'on li met seure ; * Et de ce là veut il reskeurre a Encontre vous, se vous voulez. »
1 1040 Dist Gados : — • « Ce est bien mes grei. « J'aim autant la bataille à lui « K'à Sartan, je n'ai cure à cui.
d Mais que je fusse ou champ entrés, 1 Livrez me cui que vous vorrés, « Sachiez que je nul n'en refus, 'i Se il n'a II testes ou plus. »
Et li rois dist que bien li plaist :
Et Gados, à ce mot, se taist.
Dist Durbans : — « Sire, or m'entendez. 1 1050 <( Encor ne s'est nus présentez '< Pour les autres II damoiseles ; « Or, puet chascuns veoir que eles
< Ont pou d'amis, k'anc au besoing
« N'en truevent nul, ne près ne loing. « Un chevalier amené ai « 'A cui l'autre jour m'acointai.
* De ce ot la nouvele oie ■i Que mestier avoient d'aye « Les II puceles que je di, 11060 * Et pour ce est venus ici.
« S'en a tel pitié à son cuer t Que il dit bien que à nul fuer
< Ne lairoit ([u'il ne les aidasi
t 'A son povoir, et coutbrtast, « Et que il l'une deffendroit f Et que pour li se combatroit.
« Mon gage pour lui vous présent. > Et, quant Bleopatris Tentent, 'A Rodruart Qui-ainc-ne-rist 11070 Le rouva prendre, et cil le fist.
Fait fu ce qu'il i apartint Tant com adout. Et lors revint Durbans à son ostel errant.
Cléomadès trouva pensant.
Or vous dirai en quel pensé Cléomadès avoit esté.
Bien vit que, se Durbans estoit Conquis, que Lyadès seroit, Arse : ce ne porroit faillir ; 11080 Et s'on ne li devoit tenir Et à outrage et à bobant, La bataille en lieu de Durbant Durement à avoir amast, N'il ne revoit c'on n'en blamast Durbant, se à ce s'otrioit ; Et lui, qui ce requis aroit, On li atorroit à folage Et à orgueill et à outrage.
Ainsi seroit chascuns blasmez.
11090 Pour ce s'est d'un point avisez, Que entre aus II, à une fois.
Pour les puceles toutes trois Combatront as trois chevaliers, N'il ne reveoit où li tiers Fust pris pour la tierce à deffendre ; C'est le miex qu'il i puet entendre
— bo —
Pour les damoiseles aidier Qui bien ont d'aïde mestier.
Ne set se s'i assentira 11100 Durbans; mais il l'en requerra.
Venir le voit moult liement, Contre lui se liève erranment.
Dist Durbans : — « La bataille avez ;
» De ce soiez asseiirez.
« Or ni a mais que dou bien faire ;
« Car ce sont gent de grant afaire
F" 43 v. « 'A cui combatre nous devons,
« Biau sire, et nous i penserons,
« Se Dieu plaist, en lieu et en tans,
11110 >' Qui nous soit, vous et moi, aidans. •
Lors Fa mené à une part Cléomadès. Moult li est tart Que dit li eust et conté Ce que il avoit enpensé.
Moult courtoisement, mot à mot, Li dist ce que il pensé ot Entrues k'à la court ot esté.
Et, quant Durbans Tôt escouté, En son cuer forment l'en prisa.
11120 Mais la bataille ressoigna,
Et ce n'estoit pas grant merveille ; Car ce n'est pas chose pareille De II à trois, mais moult hideuse 'A enprendre, et moult périlleuse.
Nepourquant, se morir cuidoit.
Pensa que il ne l'en faurroit Que conpaignie ne l'en tiengne.
— « Sire, » fait il, « koi qu'en aviengne, « Ne vous faurrai de conpaignie,
TOU. u. S
11130 « Se mètre i dévoie la vie.
« Mais sachiez bien certainement, « Et ne m'en mescréez nient, « Que, se je ne vous connelisse, « Et que je esprouvé n'eusse « Le grant povoir que vous avez, « Pour riens ne m'i fusse acordez.
« J'el ferai, soit sens ou folour, « Tant me fi en vostre valour. s
El quant Cléomadès entent 11140 K'en luise fie si forment,
Bien pense qu'il l'en souvenroit,
Se mestiers fust et il povoit.
Moult durement le mercia
De ce que il li otria
Ce dont il li avoit priié.
Lors n'aDurbans plus detriié.
Au roi s'en veut errant aler
Pour celé besoigne arréer.
Et Cléomadès au partir 11150 Li pria de tost revenir.
Et il dist k'errant revenra.
En la court vint et retrouva
Toute la gent Bleopatris
Iv encor ne s'en ert nus partis.
Devant le roi s'en vint ester.
Moult très bel li prist à moustrer :
— « Sire, » fait il, « pitiez seroit H Qui ces puceles destruiroit.
X Pour Lyadès combatre doi, 11160 « Et li chevaliers k'ai o moi
(' Veut enprcndre, co dist, tous seus ' Bataille pour les autres 11, * En manière que vous dirons.
« Tout V enz ou champ entrerons, « Puis s'en ait qui avoir en puet.
M La bataille ainsi avoir vuet « Mes conpains, et j'el vueill aussi. ♦ Lors dist li rois : — « Et je l'otri, « Se il plaist à l'autre partie. ■> 11170 — « Sire, ce ne refus je mie, » Dist Bleopatris, « ains le gré. »
D'ambes pars se sont acordé.
— « Sire, n'el tenez à outrage, »
Dist Durbans , « se cest avantage « Lor faisons ; car droite pitiez
« L'a fait enprendre, ce sachiez.
>( Au chevalier k'ai amené, « Si me doinst Diex joie et santé, <i Pour ce qu'il ne véoit enprendre 11180 « Nului aaidier à deifendre Il La tierce pucele s'onnour ; « Au cuer l'en prist si grant tenrour, 1 Que pour ce a fait celé emprise. »
Et li rois dist que moult l'en prise.
— « Et vous n'en doit on pas blasmer , i Fait li rois, « mais tous jours amer
« Et honnorer vous et vostre hoir, « Ch'ose * je bien dire pour voir, « 'A tous jours mais, jusqu'à M. ans *. » 1 1190 Lors se leva li rois Carmans ; Et chascuns de là se départ, Et la nouvele tost s'espart En quel manière ert arréée Celé bataille, et créantée.
' Le Ms. porte : <i Chose, p
* « 'A tani que le siècle iertdurans. » Ms. 7539,
Li un le tienent à folage, Et li autre à grant vasselage, Et li tiers à grant hardement :
Chascuns en disoit son talent.
Durbans à son ostel revint.
11200 Sachiez que très bien li souvint
K'à Cléomadès desplaisoit
La demorée là endroit.
'A Cléomadès tout conta,
Comment la chose arréé a ;
Et, quant Cléomadès Toy, . Lors le tesmoigne à fin hardi
Ses cuers qui bien s'i oonnoissoit.
Durbans jà envoie avoit
'A Verde Coste grant pieça.
11210 Lors se parti Durbans de là.
Regardé furent durement
De toutes pars de mainte gent.
De Chastel Noble sont parti Entre vespres et miedi.
'A Verde Coste sont venu.
Liement furent receii, Et aaisié et honnoré.
Là endroit ont tant demoré Que li jours vint qu estre devoit 11220 La bataille k'emprise estoit.
'A son lignage ot fait savoir Durbans que il devoit avoir La bataille en lieu de Sartant, Et que cil qui Famoient tant Fussent là droit à celui jour S'il amoient lui et s'onnour.
Li rois Carmans fist faire I parc
Qui duroit près le trait d'un arc De lonc, mais n'estoit pas si lés. 11230 Moult fu li pars bien atornés
De grans mairiens fors et tenans,
Cléomadès, il et Durbans, 'A Verde Coste s'arréerent Dedenz le chastel, et armèrent.
Quant armé furent, monté sont.
De là se partent. Lors s'en vont Au lieu où combatre dévoient.
Quant il i vindrent, jà estoient Fol. 44 r"- Lor aversaire ou parc entré
11240 Et de la bataille apresté.
Et les III puceles venues.
Qui estoient jà desvestues.
En leur cotes erent sans plus :
Tout le sorplus orentmis jus.
Leur II champions venir voient.
'A jointes mains à Dieu prioient.
'A genous, moult piteusement.
Qu'il les ayt si vraiement Que enz ou mesfait coupes n'ont
11250 De quoi ochoisonnées sont,
N'ainc vers Clarmondine nul jour Ne pourchacierent fors honnour.
Ne à li ne au roi son père.
N'a Clarmonde, sa bonne mère, Et lor avantage vousissent Autant comme le lor feïssent.
En un anglet dou parc estoient Les puceles, où les gardoient Cil qui les dévoient garder.
11260 N'i avoit que d'el alumer
Le feu ; car trestout prest estoit
Kan que pour le feu couvenoit.
Estrain et espines et fu , Tout prest et apareillié fu.
Li doi conpaignon sont entré Ou parc, et à Dieu commandé Se sont ambedoi sagement.
Moult les esgardoient la gent De toutes pars, et si disoient 11270 Que onques mais veii n'avoient Nul chevalier si bien séant En armes, ne si avenant Corn li conpains Durbans estoit.
Li rois meïsmes tesmoignoit Conques mais chevalier armé Ne vit miex séant à son gré, Ne miex samblast d'armes maniers.
Moult fu regardez li destriers Et prisiez sor quoi il séoit.
11280 Devant le roi s'en vinrent droit. Eu tel point pour oflfert se sont Com il estoit coustume adont.
Lors fist on les seremens faire Et toute gent arrière traire.
Quant fait furent li serement, Li bans fu criés erranment Que il nus si hardis ne fust Qu'il parlast ne qu'il se meiist De chose k'avenir veïst ,
11290 Ne qui main ne pié i meïst
Pour grever l'un, ne l'autre aidier.
'A ce mot se trairent arrier De tous lez et de toutes pars.
Vuis et descombrez fu li pars, Fors de ceus qui s'entremetoient
Dou champ garder : cil i estoient.
Cléomadès et Durbans furent Au lez là où il estre durent, Ainsi com il ert establi ; 11300 Et li autre estoient aussi Au lez là où estre dévoient.
Les armes que li troi portoient Ne vous ai encor pas nommées.
Tost vous les arai devisées.
Rodruars ' portoit Tescu d'or Et ot en milieu I butor Plus vert que n'est herbe de pré, 'A nature fait et ouvré.
Bruns li Hardis I escu porte 11310 Vermeill, à une blanche porte.
Gados portoit l'escu d'ermine 'A une vermeille geline, 'A un ourle de witecos *.
Teles armes portoit Gados, Et li witecoc erent noir.
Or sachiez bien trestout de voir Que noblement erent monté
' Rodoars.Ms.lb39.
- Dans un glossaire roman-latin du xv^ siècle , qui se conserve à la bibliothèque de Lille et qui a été publié récemment par J\L Auguste Scheler (Annales de l'Académie d'archéologie de Belgique, 2^ série, t. I, pp. 81-133), le mot videcocq se trouve classé dans la série des noms des oiseaux; mais l'auteur le traduit par le terme latin alex, lequel cependant n'a pas, dans la bonne latinité, la valeur qu'on lui attribue ici. Videcoq est le nom vulgaire d'un gallinacé sylvestre, et, dans les notes savantes ajoutées par M. Scheler au texte du glossaire lillois, il est judicieusement rapproché de l'anglais 'woodcock , littéralement coq des lois.
Li troi chevalier, et armé.
Brachieres avoient sambl^ns 11320 Tout troi, riches et bien séans, Et hiaumes d'un samblant aussi Paint des armes Bleopatri, Qui erent d'or à trois corneilles Noires ; s'orent testes vermeilles Les corneilles, ç ai entendu. Et s'estoient lor hiaume agu.
Lors fu à chascun commandé, Si tost c'om lor ot demandé Se il lor droitures avoient 11330 Et quan que il avoir dévoient, Que il fei'ssent lor devoir.
Lors veïssiez chascun mouvoir Le pas sor frain, si noblement Et si très apenséement.
Que c'ert bêle chose à veôir.
Ce puet on bien dire pour voir.
Hiaumes laciez, lances sor fautre, Venoient li uns contre l'autre, Com gont duite de tel mestier ; 11340 Et, quant ce vint à l'aprochier.
Lors fe rirent des espérons.
Fiers et aigres comme lions Estoit d'aus tous li mains hardis, Et plus que je ne vous devis, S'avint ainsi k'à l'assambler Convint à la terre verser Durban ; car li doi s'adrecierent Vers lui, en l'escu Taderchierent ' Si qu'il li ont frait et troé.
• " Vffs lui, et l'escu apoierent. » Ms. 7539.
Mais le haiiberc qu ot endossé 11350 N'ont ne desmaillié ne rompu.
Et Durbans a si referu L'un d'aus, qu'il le porta aval Parmi la crupe dou cheval ; 'A la terre tout estendu Moult roidement l'a abatu.
De ces trois li doi encheïrent.
Quant les trois damoiseles virent Durbant cheii, tel duel en ont 11360 Que les II pasmées s'en sont; Car en Durban plus se fioient K'en l'autre, car n'el connoissoient.
Et la tierce n'avoit pas mains De duel ; souvent joignoit ses mains Vers Dieu, et merci li prioit.
Cléomadès, en cel point droit, Il et Gados s'entr'encontrerent Si dur, que leur lances froerent p-o 44 yo Et volèrent en mains tronçons. 1 1370 Outre plus joins que nus faucons S'enpasserent ; plus ne forfirent, Li uns sor l'autre ne conquirent, 'A cel coup atant s'enpasserent.
Gados et Rodruars tornerent Les chevaus vers Cléomadès ; Jà le verront veoir de près.
Chascuns d'aus a traite l'espée Qui ert trenchans et acérée.
Et Cléomadès a sachie 11380 Sa bonne espée Ressoignie
Dont maint grant coup avoit donné.
Son cheval avoit recouvré
Br-uns li Hardis, montez estoit.
Durbans aussi li sien r avoit.
Ambedoi remonté estoient.
Lor chevaus recouvrez avoient.
Comme vassal amanevit, Quant Cléomadès venir vit Vers lui Gadot et Rodruart,
11390 Au plus droit qu'il pot celé part S'adreça, l'espée en poignie, Rodruart fiert si lés l'oïe Que son hiaume li descercla Et desrompi et dépeça.
Tout enportakan qu'il ataint.
'A celui coup pas ne se faint.
Seur l'escu li coups descendi , Tout le découpa et fendi.
El braz telement le navra,
11400 Que onques puis ne s'en aidn.
Tout li défroissa et rompi Le bras, et l'escu li cheï; Car la guige coupée estoit 'A quoi l'escu pendre de voit.
Cil coups forment abaubir fist Rodruart Qui-onques-ne-rist.
On puet bien par vérité dire K'adont n'ot il talent de rire *,
* Variante du Ms. 7539 :
« Et autressi n' avoit Cados; « Car bien cuidoit et pris et los « Avoir le jour de la bataille, « Mais il y a failli sans faille .
« Si tost que Cléomadès vit, « Son cheval celé part guenrliit, « Tel cop sus Vescu l'a féru « Qu'il li a coupé et fendvî. »
Puisque il n'avoit onques ris.
11410 Gados sor l'escu avernis A Cléomadès si féru Qu'il li a coupé et fendu, Et le haubert li desmailla ; Mais l'espée au poing li torna, Par quoi il ne l'a pas navré.
Et Cléomadès a levé Le brant, s'en feri Gadot si Que jusques es dens le fendi.
Lors chei' en la place errant.
1 1420 Bruns li Hardis avoit Durbant Son cheval desouz lui ocis Et l'avoit navré et mal mis ; Moult de sanc jà perdu avoit.
Et, quant Cléomadès perçoit Que Durbans estoit en tel point, Des espérons le cheval point.
Bruns li Hardis le voit venir; Bien voit qu'il li convient guerpir Durbant, et torner à celui.
11430 Sachiez k'au euer ot grant anui Quant vit Gadot el champ gésir Et Rodruart tout quoi tenir.
Bien voit que en tel point estoient Que il aidier ne so povoient.
Et Cléomadès lors li vint.
Le brant haucié en .son poing tint.
Et Bruns li Hardis retorna Vers lui, et le cheval brocha.
Fièrement se sont encontre.
11440 Des brans se sont tés coups donné, Que de lor hiaumes feu sailli.
S'avint en celé encontre ainsi.
Que si radement s'encontrerent Des chevaus, k'à terre volèrent Cheval et chevalier ensamble ; Mais navrez fu, si com moi samble, Bruns li Hardis si en l'espaule Que la chiere l'en devint pale.
Et à ce avoit bien raison ; 1 1450 Car sans li issoit à foison
Par la plaie, qui moult fu grans,
Car moult estoit li brans trenchans
Dont le coup avoit reçeii.
Et cil fors qui l'avoit féru ;
Car de cel coup meïsme là
Que Cléomadès li donna,
Couvint à terre trebuchier
Dou hiaume Brun plus d'un quartier.
Ï1460 Or ne vous ai pas devisé
Le coup que Bruns avoit donné
Cléomadès à celé fois.
Non pourquant Fatainst Bruns ainçois
Que Cléomadès lui ne fist,
Ainsi que l'estoire le dist.
Dou bran si grant coup li donna.
Que son hiaume li descercla,
Et enbarra et derrompi.
Seur l'escu li coups descendi.
L'escu durement empira, 11470 Car jusqu'en milieu le coupa.
Mais li haubers qu'il ot vesti
D'estre bleciez le garanti ;
Li haubers le coup arresta.
Si que en char ne le navra.
Ainsi avint que vous oez.
Cléomadès fu relevez ;
Car, si tost que il fu cheiis, Ses chevaus se releva sus "A tout lui trestout erranment, 11480 Moult tost et moult très asprement, Car moult ert li chevaus poissans.
Bruns li Hardis ert desirans De relever, mais ne povoit ; Car ses chevaus sor lui gisoit.
Sa jambe ne povoit r' avoir, Ne lui ne son cheval mouvoir.
Li chevaus ne il ne levast Jamais, se on ne leur aidast.
'A Cléomadès fu moult grief 11490 Quant il vit à si grant meschief Chevalier de tel poësté.
Et si hardi et si osé, Com il avoit trouvé celui.
Moult grant pitié avoit de lui.
Sachiez que aidié li eiist Moult volentiers, se il delist.
Mais nus ne doit son anemi Aidier, ne grever son ami ; Car li homs qui son ami grieve 1 1500 Et qui son anemi alieve F'' 45. Est fouis, ou il tel conseil croit
Qui l'engingne et qui le déçoit.
Pour ce, se doit chascuns garder De son anemi alever Et de son ami abaissier, Et c'on n'el puist forconseillier * ; Car, par fol conseil, a on fait, Par maintes fois, maint vilain trait.
' « Et c'on ne puet fors couseillier . r, Ms. 7539.
Rodruars, qui ert afolez 11510 Dou bras senestre, estoit alez
Vers Durbant, et Tôt abatu,
Car de sanc avoit moult perdu ;
Dou pis dou cheval Tôt hurté,
Si que à terre Tôt porté.
Durbans tant de sanc perdu ot,
Que de lui aidier povoir n'ot ;
Et Rodruars, qui le vouloit
Ocire, descendus estoit ;
'A Durban ot le pan levé 11520 Dou hauberc, et l'eûsttué,
Quant Cléomadès le choisi,
Qui tost ceie part se guenchi
Si tost que il ot perceii
Le meschief à quoi Durbans fu.
Vers Rodruart vint tost et droit Le brant entesé. Quant le voit, Rodruars moult grant paour ot.
Au plus tost que il onques pot Son cheval encontre lui mist.
11530 Dou cheval targe et escu fist ; Mais aine ne se sot si targier Que Cléomadès, sans targier, Ne li donnast II coups de route Tels que sa broigne en fu derroute Et ses hiaumes tous dépeciez, Et il si malement bleciez De ces II coups qu'il li donna, Conques puiscedi ne menja.
'A la terre chei errant, 11540 Et la cervele li espant
Seur la terre, quant cheiis fu, Assez tost après ce, moru.
Et Cléomadès retourna
Vers Durbant. Séant le trouva ;
Car tant de sanc perdu avoit
Que soustenir ne se povoit.
Acoutez s'ert sor son escu.
En sa main tenoit son brant nu.
Bien sambloit traveilliez et vains.
11550 — « Comment vous est, biaus dons conpains, »
Fait Cléomadès, « dites moi ? »
— « Sire, /' fait il, ^ bien, quant vous voi,
'< La merci Dieu, en si fait point.
« Maintes fois m'est venue à point
'I Au jour d'ui, et ci et aiUours,
■' ^'ostre prouecc et vo valours.
"■ S'a moi n'eussiez garde pris,
" Ne fusse pas eschapez vis.
« Par vous sui de mort respitez.
11560 « La bataille seuls faite avez.
« Par vous sonmes nous retenu
« Et nostre aversaire vaincu. »
Dist Cléomadès : — « Dieu l'a fait, « Ce .sachiez vous, tout entresait « Pour la raison que tort avoient « Cil qui à nous se combatoient ; « Et, pour ce, nous a Diex aidié « Que le droit avons desrainié. »
Les trois puceles moult looient 11570 Dieu de ce que eles véoient Leur aversaires au bas mis Et par samblance desconfls.
Cléomadès garde. Si voit Brun le Hardi qui se penoiî Moult durement de relever ;
Mais ne povoit nul tour trouver Que sa jambe peiist ravoir Ne son cheval faire mouvoir.
Cléomadès vers lui torna.
11580 De son meschief grant pitié a.
Lors li demanda s'entremetre Se vorroit que en merci mètre Se vousist vers le roi Carmant.
Et Bruns li Hardis dist errant Que, puis k'aidier ne se povoit, Ke en sa merci se metroit, Se il plaisoit au roi ainsi Qu'il le vousist prendre à merci.
Cléomadès lors acena 11590 Les gardes qui estoient là.
Qui mis pour garder i estoient Le champ. Et, quant les gardes oient Que Bruns li Hardis requeroit Merci, au roi en vinrent droit Et li dirent tout ensement.
Et li rois à merci le prent ; Car bien voit, c'est chose passée, Que celé bataille est outrée.
Loer oyssiez et prisier 1 1600 De toutes pars le chevalier Que Durbans avoit amené ; Car par lui estoient outré Li troi chevalier et conquis.
Aine chevalier de si grant pris N'orent ne près ne loing veû.
'A Cléomadès sont venu Les gardes, et li font savoir Que il a bien fait son devoir ; Aler s'en puet, quant lui plaira.
— 8! — 11610 Cléomadès Dieu en loa.
Là erent venu à Durbant De son lignage li plus grant.
Deseur son escu lont coucliié, Et il lor a pour Dieu piiié Que son conpaignon amenassent 'A lui, et que il se penassent De lui servir (car à meillour Ne porroient il faire honnour;, Et que cil qui tant rameroient 11620 De lui servir se peneroient.
— a Par lui sui de mort eschapez, Fait il, <i et bien veti l'avez. »
Cléomadès par le frain prirent.
De toutes pars la main i mirent.
"A Durbant l'amainent tout droit ; Car, sans lui, mouvoir ne vouloit.
Quant venus lu, lors s'en tornerent.
Sor son escu en reportèrent Durbant, et parent et ami 11630 J.iement sont dou champ parti.
Et quant les trois puceles voient Venir celui par cui estoient Fors de si grant periU ostées Que d'estre arses ou lapidées, 'A genoillons l'en mercierent, En larmiant à Dieu prièrent Que Diex de tous maus le detfende Et que le guerredon l'en rende De ce (^u'il les a délivrées 11640 Et de vilain blasme getées.
S'entour lui tel presse n'eust, N'i eiist nule qui ne fust
TOH. II.
Venue à lui pour embracier Sa jambe, pour son pié baisier :
Mais tant de gent entour lui voient Que vers lui aprochier n'osoient.
Des iex et dou cuer convoiié L'ont, et souvent pour lui priié.
Durbans devant portez estoit.
11650 Cléomadès après aloit.
Par le frain son cheval tenoient
Cil qui Durbant apartenoient.
Ainsi sont fors dou champ issu.
La gent le roi erent venu
A Brun li Hardi. Levé l'orent
Et aidié si tost que il porent.
Par de devers le roi l'ont mis,
Et des II chevaliers ocis
Fu fait ainsi eom ert usé llt)60 Au tans dont je vous ai parlé.
Moult fu dolans Bleopatris Et de cuer souples et pensis Que ainsi li lu avenu.
'A Verde Coste sont venu Cléomadès il et Durbans.
Faite lor fu joie si grans Que on puet dire ne penseï-.
'A Cléomadès desarmer Mist la main qui mètre l'i pot ; 1 1670 Car l'amour d'aus si conquis ot.
Que chascuns moult grant joie avoit Qui atouchier à lui povoit.
De lui servir moult se pcnoienl Pour la bonté k'en lui savoient.
Durbant aussi desarmé orent Au plus doucement que il porent.
Ses plaies adroit atornereni Et li lièrent et bendereni, Ainsi qu'il i apartenoit.
11680 Que vaurroit c'om plus vous diroit ?
Les trois damoiseles délivres Furent, ce tesmoigne li livres, Ainsi corn vous oj avez.
Aaisiez tu et honnorez Cléomadês. Raison i oi, Et on le fist au miex c'on pot.
Oayete et Florete enmenerent Lor ami, qui moult joiant erent Que de blasme getées sont 11690 Et que il devers aus les r ont.
Celé nuit vint à Verde Coste Lyadès. Lez li, coste à coste, Vint ses pères, qui liez estoit De ce que sa fille r'avoit.
De sa mère fu conjoïe.
Souvent acolée et baisie Fu de li, ce povez savoir ; Ca}' mais ne la cuidoit veoir.
'A sa mère prist à priier 1 1700 Lyadès, que au chevalier
La maint, qui l'avoit délivrée ; Et sa mère l'i a menée.
Et quant Lyadès veli Ta, 'A ses piez cheoirse laissa. De joie ne povoit parler.
Sachiez que de li relever
N'atendi gaires longuement Cléomadès ; car crranment L'en releva en es le pas ' ,
11710 Moult doucement entre ses bras; Car tant ert courtois que nus plus.
De li fu estrains et tenus, Vousist ou non, moult durement.
Cléomadès doutoit forment Qu'ele ne le reconneiist.
Ne vorroit pas qu ele seiist Que ce fust il, s'estre povoit.
De ce nule garde u'avoit ; Car li hiaumes et li haubers
1 1720 Orent tant fait qu'il en ot pers Le viaire, et tout kamoissié ; Et l'avoit I petit blecié Bruns li Hardis celé jornée, Si c'un pou ot la joe enflée.
D'estre reconneiis n'ot garde.
Sachiez que durement li tarde Que il n'est de là départis ; Car bien voit qu'en celui pays N'a riens de ce qu'il va querant.
1 1730 Quant Ljadès demoré tant Ot o lui que bon li sambla, Congié prist, et lors s'en torna ; Car ne le volt pas anuier.
Et Cléomadès sans targier Vint à Durbant là où - gisoit.
Quant Durbans Cléomadès voit Li euers de joie li hauça ; Et Cléomadès dit li a
' d Isnel le pas. » Ms, 7.539.
- Le Ms. porte : « //, i>
Que moult très volentiers verroit, 11740 Se on arréer le povoit,
C'on ne feïst Brun le Hardit Ne vilonnie ne despit ; Car chevaliers ert si vaiUaus, Que ce seroit meschiés trop grans 8'on faisoit nule deshonnour 'A chevalier de tel valeur.
Quant Durbans Tôt, moult l'en prisa Et à grant bien Ti atorna ; Quant de ce li est garde prise,
11750 Moult li vient de très grant franchise. Lors dist Durbans que maintenant Envoieroit au roi Carmant Pour savoir qu'il en porroit faire.
II chevaliers de bon afaire I fist Durbans tantost aler.
Qui au roi sorent bien moustrer Celé besoigue, et sagement, Et li moustrerent ensement Que Cléomadès Tavoit dit.
11760 Et quant li rois Carmans Toyt, Moult le tint à grant courtoisie ; Debonairement lor otrie, Et dist que, se gentis ne fust Li chevaliers, jà n'en eiist F" 46 r". Priié, et pour l'amour de lui Ne li fera il nul anui.
Et cil l'en mercient forment.
Arrier revinrent liement ; Et, quant Cléomadès l'oy,
11770 Sachiez que moult li abeli.
Le roi Carmant moult en prisa, Et dist k'en lui gentil roi a .
Ainsi refii Bruns li Hardis Rendus devers Bleopatris, Et le clama li rois tout quite Pour la raison que vous ai dite.
Bruns li Hardis moult grant droit ot Se Cléomadès gré en sot.
Moult en fu prisiez et loez 11780 Cléomadès de tous costez.
Meïsmes li fiex Balçabé, Bleopatris, l'en a loé, Et tout cil de sa conpaignie :
11 n'est nus qui grant bien n'en die.
La bataille tu achevée Si com la vous ai devisée.
Dit vous en ai la vérité ; N'i cuit riens avoir oublié.
Cléomadès à pluseur gent
11790 Demandoit moult couverteraent De la chose que il queroit ; Mais nouvele n'en aprendoit Nient plus là qu'il ot fait aillours.
Et s'en enqueroit il tous jours Partout. 'A en vis le laissast Aussi que riens ne li touchast.
En demandoit par tous pays ; Mais aussi en ert aprentis Que il fu au commencement.
11800 Nepourquant, et il et la gent Qui avoec lui orent esté, En orent partout demandé.
'A Verde Costa moult lié furent ; Car par raison estre le durent.
Savoir poez k'au miex qu'il sorent Li firent d'onnour kan qu'il porent .
De cuer lie et joiant le virent.
Après souper couchier le firent.
Celé nuit se jut en son lit.
11810 Là il ot moult pou de délit ;
Car en moult grant pensée estoit En quel manière miex porroit De celé nouvele savoir Qu'il amoit de euer sans mouvoir
Lors s'est en son cuer avisez Que plus n iroit ainsi armez, Ne com chevaliers plus n'iroit, Mais pour marcheânt se tenroit Une piecelete dou tans.
1 1820 Car il estoit moult redoutans D'estre retrouvez de sa gent Se ainsi aloit longuement ; Car bien sot qu'il seroit requis Partout de cens de son pays, Et, se en tel point le trouvoient, Tout tantost le reconnoistroient.
De ce est il certains et fis, Et ce vorroit il à envis ; Car il avoit enproposé
11830 Que jamais, yver ne esté,
N'arresteroit jour de sa vie, S'aroit retrouvée s'amie.
Ou oy nouveles au mains Dont d'aucune riens fust certains Ou de sa vie ou de sa mort.
En lui n'avoit aucun confort Fors que il tous jours la requière Ltne fois avant, l'autre arrière.
En espoir de li retrouver
11840 Vorroit ainsi sa vie user.
Ne jamais jour ne fineroit
Tant que nouveles en saroit.
Enpensé ot Cléomadès Que li menestrés Pinehonnès, Dont devant parlé vous avoie, Iroit o lui en celé voie, Et k'à Durbant en parleroit Si tost com il levez seroit.
En ce proposement se tint 11850 Cléomadès. Lendemain, vint "A Durbant là où se gisoit, Et li dist k'aler s'en vouloit ; ■ Car, selonc ce qu'il a à faire, Li sont moult li séjour contraire.
Lors commença à lermoiier Durbans, et li prist à priier Pour Dieu, que il tant atendist K'aler avoec lui s'en pouist ; Car li maistre le confortoient
11860 En ce que tost gari l'aroient, Et, si tost k'aidier se porra, Avoec lui partout s'en ira Là où il le vorra mener.
Cléomadès dist k'arrester Ne se puet plus, ce est passé :
Mais il l'en savoit autel gré Que ce k'avoec lui s'en alast.
Sa conpaignie moult amast ; Mais aler veut en son afaire.
11870 Car, selonc ce qu'il a à faire N'a pas povoir de ce atendre :
Ailleurs le couvenra entendre.
— « Une chose vous prieroie, « Fait Cléomadès, « se j'osoie,
« S'il 110 vous devoit anuier. "
— « Moi ne convient il pas priier, »
Fait Durbans, « mais commandez moi ; « Car, par la foi que à Dieu doi,
« N'est riens, se le me commandez, 11880 « Que n'en soit fais tous vos plains grez, « Se je don faire ai le povoir.
« Pour ametre cors et avoir, .« Ne riens dont je puisse iîner, « Il ne vous faut que commander ; «■ Mais commandez, et je ferai. »
— « Sire, moult grant gré vous en sai, » Ce li a dit Cléomadès.
« Je vous requier que Pinchonnès
|> S'en viengne, par le vostre otroi,
118P0 « Se il vous plaist, avoecques moi,
' Et je le vous renvoierai
« 'A plus tost que onques porrai.
« Se la chose achevée avoie
« Pour quoi me suis mis à la voie,
« Tout tantost vers vous revenroit,
" De moi nouveles vous diroit. »
Fol. 4H V". Dist Durbans : — « Sire, je l'otri : « Mais que ce sera par I si, (I Que avoeques vous s'en iront 11900 <i De ma gent ([ui vous serviront « Avoeques lui, ou trois ou deus. >■ Dist Cléomadès : — n Trestous sens « M'en irai, se Pinchonnet n'ai.
'i Nului fors que lui n'enmcni-ai; « Car là où je m'en vueil aler, « Ne vueil nului fors lui mener.
« De lui moult bien me passerai 1 Et moult bon gré vous en sarai. »
— fM) —
Dist Durbans ; — « Sire, vous Tarez.
11910 « Or est il moult de moi amez
" Plus que devant, sachiez de voir,
X Puisque vous le voulez avoir. »
Kr riéomadès l'en mercie
Et moult li prie qu'il ne die
"A nului que aler s'en doie :
Et Durbans trestout li otroic
Quan qu'il li plaist à commander.
Cléomadès dist k'arréer
Se veut, et lui mètre au chemin, 11920 En toutes fins, à ce matin.
— « Ha ! sire, » ce a dit Dui'bans,
« Ne sai où vous estes manans ;
" Car, certes, se je le savoie,
« Bien sai k'encor vous reverroie,
- Se Diex en santé me tenoit,
■i Jà si loing de ci ne seroit.
« Ne sai s'avez terres ne fiez,
« Ne sai pas que vous cliaciez,
« Ne je enquerre ne le quier ;
11930 '■ Mais, se me vueille Diex aidier:
« Se il vous plaist, je vous donrai
'< La moitié de tout kan que j'ai,
" "A tous jours, pour vous et vosti-e hoir
« Savoec moi voulez remanoir.
« Non pas que vous à moi soiez ;
0 Mais je à vous, bien le sachiez,
" Yueil estre tout entirement :
« Ainsi le vous ai on couvent. ■•
Cléomadès quant oy l'a, 11940 Lors dist que pas ne prendera Ce don jusques au revenir.
Dont l'en dira il son plaisir
Ou dou don laissier ou dou prendre.
Dusqu adont n'i porra entendre.
Le don ne refuse ne prent ; Mais moult l'en meroie forment.
Et lors; a Pinchonnet mandé Durbans, et li a commandé Ce que Cléomadès li ot 1 1950 Requis ; et, quant Pinchonnès Tôt, Onques de riens ne fu si liez.
Tout tantost s'est agenoilliez Devant Cléomadès, et dist Que onques nule riens ne fist Si liement com ce fera, Et k'avoeques lui s'en ira Partout où le vorra mener, Tant que cors li porra durer.
Dist Cléomadès ; — « Grans mercis, 11960 ii Pinchonnet, biaus très douz amis. '• Sachiez je le vous merirai, « Se je vif, et povoir en ai ; « De ce soiez asseiirez.
« Or faites, si vous arréez; « f'ar aler m'en vueil entresait. • — « Tout maintenant, sire, c'est fait , • Dist Pinchonnès. «■ Je vois monter :
' Ne tient fors, k'à vous d'el aler. *
Que vous iroie je contant, il! 17(1 Ne la besoigne pourloignant ?
Cléomadès tout devisa "A Durbant. Comment s'en ira Bel et à point moustrer li sot Au plus couvertement qu'il pot.
Dist li (lue, selonc son afaire,
N'a 01' d'armeiire que faire, K"en la voie où il veut aler N'a pas mestier de lui armer.
Et, pour ce, li vorra laissiei-
11980 Et armeûres et destrier
Dusqu à tant que il reveura ; Et ce sera quant il porra, Non pas si tost com il vorroit.
Durbans entent bien et perçoit Que il n'a talent d'arrester.
Pour ce ne len veut apresseï' ; Car volentiers, se il povoit, Tous jours avoeques lui seroit.
Tout son bon li grée et otroie,
1 1990 Et de demorer moult li proie
Cel jour ; mais il n'en pot finer.
Que, sans plus, dusqu'après disner.
Or, sachiez bien trestout de voir Que Durbans fist bien pourveoir Cléomadès, ains qu'il meust, De ce qu'il sot que mestiers fust, Et d'or et d'argent en monnoie.
Que vaurroit que plus vous diroie?
Durbans à Pinchonnet charcha 12000 Ce dont son seigneur chevira.
Cléoraadès bien percevoit Tout ce que Durbans'en faisoit.
Nonpourquant moult couvertenient Le faisoit, et moult sagement Durbans; mais moult ert percevans Cléomadès, et clervéans, Mais il couvenir l'en laissoit ; Car bien à merir li baoit.
Cléomadès n'a detriié.
12i)l0 Après mengier a pris congié "A Durbant et non à autrui ; Car ne veut c'on sache de lui Le point que il se mouveroit, Car moult durement redoutoit Que prières ne Tarrestassent (^ontre son gré, et detriassent ; Car à envis escondissoit Riens, puisque dame l'en prioii.
Ne damoisele, ne pucele,
12020 Jà ne fust de si grant querele, Que il ne feïst son povoir ' D'acomplir trestout lor vouloii-.
Pour ce, de là partir vorroit Moult volentiers, se il povoit Que nus sa voie ne seiist Ne le point ([ue mouvoir deiist ; Pour ce s'en vorroit estre alez.
Quant il fu tous pararréés, F" 47 yo. Au départir Durbant pria 12030 Qu'il li salut, quant la verra, Sa femme, que pas ne l'oublie.
— « L'onnour et la grant courtoisie * Qu'ele me fist desserviroie, " Ce sache, s'en lieu en venoie.
« Et Sartan, et sa femme aussi, « Me saluez, je vous en pri. ■•
En lermoiant respondu a Durbans que ainsi le fera.
'A ce mot de là se départ, 12040 Et Durbans gete celé pari
' Le Ms. porte : n Voulu ir. »
Ses iex moult très piteusement .
Par pou que li cuers ne li fent Quant celui de lui partir voit Qu'il tant par droit amer devoit.
Durbans en lermiant liucha Pinchonnet, et li commanda Que il de cuer serve celui Que il doit amer plus que lui, Si qu'il se puist de lui loer.
12050 — « Sire, de ce n'estuet douter, » Fait Pinchonnès, « car j'en ferai • «< Mon povoir, au miex que porrai. )> Dist Durbans : — « Et je vous créant.
« Riche vous ferai et manant
« Si tost que serez revenus ;
M De ce ne me destourroit nus. »
Dist Pinchonnès : — « Biaus très douz sire,
" Diex par sa pitié le vous mire.
" 'A mon povoir vostre commant 12060 « Ferai, et à Dieu vous commant. >
A ce mot est de là sevrés Pinchonnès, et lors est montés. Il et Cléomadès s'en vont l!)nsamble, mais samblant ne font Qu'il voisent fors k'esbaniier Et aus déduire et soulacier.
Aucuns i ot qui deniandoient 'A Pinchonnet où il aloient Entre lui et le chevalier 12070 (Ton doit tant amer et prisier; Et Pinchonnès, qui moult savoit De ce c'on faire et laissier doit.
Leur dist que tous sens veut nier Avoeques lui as chans juer.
— • '• U lui ne veut menei- milui ■« Fors moi, qui ci avoec lui sui. >■
Tant dirent, que de toute gent Se partirent si soutilment Que nus ne sot le couvenant, 12080 Fors que entre aus II et Durbant.
Celé journée clievaucha Cléomadès, et moult pensa - En quel pays traire porroit .
Mais de nesun costé ne voit Chose qui le puist confortei .
Ne set quel part il puist torncr.
Pinchonnès souvent le getoit De pensée, quant trop pensoit ; Car moult cstoit li menestrés 12090 Très courtois et très avisés
Et plains de très bonne manière.
Tant vont, et avant et arrière,
K en I chemin grant et batn
Se sont assez tost embatu.
Cil chemins aloit droit vers Romme,
Mais, ains que vous die la sonme.
Que irior avint en la voie, Vous dirai je, se Diex me voie, Que Durbans fist ne qu'il devint, 12100 Ne comment en santé revint.
Ce vous ai-ai je dit errant.
Quant Cléomadès de Durbant Se parti, moult li anuia Ce que ne sot (^uel part ala, N'il ne l'en osa demander.
Ne se set en quoi conforter De lui, fors tant que il fist prendre Ses armelires, et estendre Ijes fist trestout entour son lit.
12110 Ce li tornoit à grant délit Que les armelires véoit De celui qui si li avoit S'onnouret sa vie sauvée.
"A ce point est léenz entrée Lyadès, et sa mère aussi.
II chevaliers vinrent o li.
De par le roi Carmant venoient.
Moult riches joiaus aportoient Que li rois Carmans envéoit
12120 Celui qui corabatus s'estoit En la conpagnie Durbant.
Car moult avoit ou roi Carmant Très large roi et honorable Et de son dit ferm et estable ; Car ce que de bouche disoit Chascuns de ce certains estoit Que ce qu'il avoit en couvent Seroit tenus certainement.
Seiirs, avisez, sans desroi
12130 Fu moult, et çafiert ])ien à roi.
Li rois grans joiaus envéoit Durbant meïsme. S'avoit droit; Car liez fu de la délivrance Des puceles, car ain*- ' cuidance
' Le Ms. .lonne : "Ains. » A la vérité, ce terme se rencontre quelquefois, au xni"" siècle, dans des constructions où il présente le sens de aine Mais il y a ici, croyons-nous , une erreur de copiste. Pour le même
N'ot kenvei'S lui eussent fait, Ne vers sa fille, vilain plait ; Onques ne les en mescreï.
Li chevalier dont je vous di En la chambre Durbant entrèrent ; 12140 De par le roi li présentèrent Lesjoiaus qu'il li envoioit, Et Durhans les joiaus reçoit.
Le roi Cannant moult en mereie ; Car dou refuser fust folie.
Et encore demain feroit Qui don de roi refuseroit, Car n'est pas chose à refuser.
Mais qui à I bon bacheler Le donne avant, il fait honnour 12150 Et à lui et au prendeour.
Et celui aussi de cui mains Li dons issi de premerains.
Ainsi d'onnour en honnour va Tex dons, ce set on bien pieça ; Car dons qui est à point donnez Doit estre prisiez et loez.
Si est il et tous jours sera.
L'uns des chevaliers demanda Durbant où ses conpains estoit.
12160 — « Seigneur, » dist Durbans , » orendroit po 47 v«, (( S'en ala à ces chans jouer. « Espoir revenra au souper. « Sachiez, moult m'anuie forment
motif, nous avons remplacé par aine le terme ains dans le vers 10465, et plus loin, comme dans les vers 12424, 12434 et 12436, chaque fois que ains s'est trouvé employé dans la signification de jamais.
« Qu'il demeure si longuement.
« N'a o lui sergant ne vallet,
« Fors seulement que Pinchonnet.
Et cil dient qu'il l'atendront, Et de là ne se partiront Tant qu'il aront à lui parlé,
12170 Ainsi c'om lor a commandé.
Car li rois le vorra avoir, Ce li mande et prie, pour voir.
En sa conpaignie, sans faille, Aineois que dou pays s'en aille ; Quar, se ce ne fust, là laissassent Les joiaus, et si s'en alassent.
Mais leur message parferont.
Ne de là ne se partiront Dusqu'à tant que il revenra.
12180 Durbans à ce mot demanda Le vin, et on l'a aporté.
D'unes et d'autres ont parlé Là endroit, tant qu'il anuita.
As II chevaliers anuia Que nule nouvele n'ooient De celui k'atendu avoient.
Deus lieues en la nuit, ou plus, Fu ilueques d'aus atendus ; Et, quant li doi chevalier virent 12190 Que ne venroit pas, Durbant dirent Que il les joiaus retenist, Et que la besoigne en feïst Si com il i apartenoit.
Et Durbans dist qu'il le feroit, Mais que ce seroit par manière Qu'il reporteroient arrière Le don k'aporté li avoient,
Ne pas iluec ne le lairoient ;
Car ne set s'il voi^ra entendre 12200 'A ce qu'il vueille le don prendre.
— « De ce ne sai pas vérité, « Pour ce ne me vient pas en gré « Que li dons devers moi demeure ; « Mais je vous ferai savoir l'eure <! Qu'il sera revenus ici. »
Et cil l'otrierent ainsi.
Durbans moult courtoisement prie Chascun d'aus que le roi mercie De son bien fait et de s'onnour.
12210 Et cil se metent au retour Et dient k'ainsi le feront.
Au roi Carmant revenu sont Et li ont tout ainsi contée La besoigne qu'il l'ont trouvée.
Au roi Carmant en anuia.
Durbans là endroit demora Longuement, ains qu'il fust garis.
Quant garis fu, en son pays Revint, où moult fu chier tenus ;
12220 Car ne croi que li haïst nus.
Sa femme avoec lui revenoit, Lie qu'ele le ramenoit, K'après son seigneur ert alée.
Dès dont c'on li ot aportée Nouvele que navrés estoit, Tantost vint vers son seignor droit ; Car son seigneur aimoit de cuer.
Perdre n'el vousist à nul fuer, Et à ce avoit bien raison ;
12230 Car vaillans estoit et preudon.
'A Sartan est Durbans venus Si tost que il fu descendus.
De par celui l'a salué En oui manoit toute bonté , Lui et sa femme la courtoise.
N'i a celui cui moult ne poise De ce que Durbans ne savoit Quel part cil alez s'en estoit Dont tant de bien tout cil disoient 12240 Qui de celé part revenoient.
Durbans à Sartan devisa La besoigne com ele va.
D'orendroit où ' Cléomadès S'en ert aies, et Pinchonnès, Trestout ainsi que il s'emblerent De Verde Coste, et s'en alerent, Li a mot à mot recordé ; Car ne li avoit pas mandé Avoec le premier mandement, 12250 Car ne vouloit pas k'à la gent Ert feïst nouveles savoir ; Mais de la bataille le voir Li avoit mandé grant pieça.
Comment fu ne comment ala.
Sartans moult très grant merveille ot De la nouvele que il ot Que cil homs en tel point s'en va.
Ne ne set nus k'enpensé a.
Ne quel chose il veut arréer.
12260 Lors li prist grant talent d'aler Après lui, se garis estoit ; Et pense bien qu'il i iroit
Le Ma. port*^ : *' D'endroit oe.»
— lOJ —
Si tost que porroit chevauchier.
Ce ne lairoit pour nul denier ; Mais n'estoit pas en point dou faire.
De lui me vorrai ore taire Et de Durbant, et vous dirai, Au plus briement que je porrai, Que à Cléomadès avint.
12270 Le grant chemin de Romme tint Le jour qu'il parti de Durbant.
Que vous iroie je contant?
Maint pays, dou lonc et dou lé, Cerchierent, et mainte cité.
Son seigneur servoit sagement Pinchonnès, et soigneusement.
Mais durement s'esmerveilloit Quel chose ses sires chacoit.
Qui l'une fois le maine à destre 12280 Et à l'autre fois à senestre,
L'une heure arrière, l'autre avant.
Et va tout adès si pensant K'à paines le puet il geter Onques nule fois de penser.
Pour nul povoir qu'il peiist faire.
Ce li tornoit à grant contraire ; Car volentiers geté l'eust De trop penser, se il peiist.
Lors pensa qu'il demanderoit 12290 Son seignor pour quoi tant pensoit, Quoi que avenir l'en deust ; F" 48 r". Car moult très volentiers seiist Pour quoi estoit si enpénsez.
— « Sire, 0 fait il, « se c'ert vo grés, « Se courroucier ne vous cuidoie,
€ Volentiers vous demanderoie « Quel chose enproposée avez.
« Aussi com marvoiez alez.
t Onques ne tenez I chemin,
12300 « Ne au vespre ne au matin.
' Là où nuis vous prent demorez, « Quelque vile que vous trouvez.
« Moult samblez de cuer à meschief, « Et ce m'est moult pesant et grief «, Et moult me tome à grant contraire « Car, pour riens que je puisse faire, « Ne vous puis mètre en autre voie.
« Moult volentiers de vous sauroie « I tant sans plus de vostre afaire,
12310 « En quel pays vous voulez traire. i Se pieça dit le m'eussiez, « Je croi k'oren droit i fussiez, « Se ce n'est trop loing malement ; « Car je vous di certainement « Que moult de voie aie avonmes, • Et moult petit esloignié sonmes « Le lieu dont meûns ' premerains ; t De ce soiez vous bien certains. «
Gléomadès entent et ot 12320 Ce que Pinchonnès dit li ot.
Lors pensa que ménestrel sont
Une gent qui en maint lieu vont.
Mainte nouvele souvent oient ;
Car plusours gens en maint lieu voient.
Et, pour ce, li vint à talent
C'un petit de son convenant
Li diroit, pour savoir de lui
S'onques oj parler nului
' Nous nouS: mûmes, nous partîmes.
De la chose qu'il va querant. , 12330 Et lors li a dit tout errant Que devers Espaigne venoit Et à Cléomadès estoit, Et est en une enqueste entrés, Dont ne quiert estre retornés Dusqu'à tant que de celé emprise Ait aucune nouvele aprise ; Car il l'a ainsi en couvent.
Lors li a dit couvertement Grrant partie de son vouloir.
12340 Dist Pinchonnès : — « Sire, pour voir,
« Puisque je sai que vous querés
« Et que vous enpensé avés,
« De ce vous dirai erranment
« Le meillour, à mon escient.
« Se nouveles savoir voulés
« De tous pays, dont me créés
<i De ce dont avisez me sui.
« Mais j'ai au cuer ire et anui
« Conques au roi Carmant ne dis
12350 « Ce dont me sui or garde pris ;
« Sachiez que mauvais gré m'en sai
« Que pieça ne m'en avisai.
<• Bien sai gaaignié i eusse
« Se je à lui moustré l'eiisse ;
« Car Clarmondine a fait requerre
« En maint pays, en mainte terre,
(i Li rois Carmans, sachiez de voir,
« N'ainc ne pot nouveles avoir
« De li, qui nient li vausissent.
12360 « Cil de son pays la quéissent
« Si loing que nus porroit aler
« S'il la cuidoient retrouver ;
« Car cil dou pays tant i'amoient
