KM

« Que plus amei- ue la povoieiit.

« Or vous dirai que j'ai visé,

« Selonc ce que m'avez conté,

if Que vers le roi Meniadus

« Soit tout droit nos chemins tenus,

(■ Droit vers la terre de Salerne.

12370 « Sachiez que droite honneur gouverne « Li rois Meniadus tous jours.

« Là sarez nouveles plusours ; '. Car marcheânt et autre gent, « Qui par iluec passent souvent, « Sont quite de tolnieu ' payer 0 Pour, sans plus, nouveles noncier '( 'A lui des estranges pays.

« Ainsi l'a maintenu tous dis « Cis rois, qui est courtois et frans.

12380 n Nouveles veut oyr tous tans.

<i Nus hom n'i paie autre paiage.

« Quite sont par cestui usage « Tout, cil qui là sont trespassant, « Et chevalier et marcheânt.

" Pour ceste raison loeroie « Que nous là, la plus droite voie « Alissiens que porriens aler, « Pour savoir se porriens trouver « Lui ne autrui qui nous deïst

12390 « Chose qui nous esjoiesist ; 0 Car de joie, ce m'est avis, « Estes vous povrement garnis.

(I Li cuers me dist, se là alons, « Aucunes nouveles orrons « De ce que vous aies querant. »

Et Cléomadès maintenant

' Sic. Tonliev (felonmni), «'onime dans le ver? 12574.

— iOo —

Li dist que mais n'arrestera Dusqu'à tant que il venra là ; Car maint pays ot trespassé, 12400 Mais en celui n'ot pas esté.

La voie pour ce li plaisoit Qu el pays aine esté n'avoit Dont il li faisoit mention, Et si avoit auques raison En ce que Pinchonnès disoit, Si com Cléomadès sambloit.

Vers Salerne sont esmeii.

Tant ont le droit chemin tenu, K'à Salerne vinrent, pour voir, 12410 Tout droit, un samedi au soir.

En la vile sont descendu.

Mais, ains qu'il y fussent venu, Lor avoit on dit grant pieça Que Meniadus estoit là ; Car il l'avoient demandé • 'A cens qu'il orent encontre.

Cléomadès, cui moult touchoit Ce pour quoi là venus estoit, A son hoste par la main pris.

12420 Demandé li a et enquis

De ce que au cuer plus li point.

Moult sagement et moult à point F" 18 v. Enquist tant, que nouveles sot Teles k'ainc si grant joie n'ot De chose qu'il li avenist, Que des nouveles que li dist Ses ostes, quant il li conta Comment Meniadus trouva

' Lftçon du Ms. 7.5.39. Le Ms. 175 porte : « Encontre. »

La bêle pucele ens ou val, 12430 Et le lait home, et le cheval Qui estoit de fust contrefais ; Et li dist que tant par ert lais Li hom qui l'avoit amenée, K'ainc plus laide riens ne tu née.

— « Tant ert de diverse façon « K'ainc si lait home ne vit on ; « Et celé ert la plus bêle riens « Et la plus plaine de tous biens « Que nus peiist onques veoir.

12440 « Souvent a fait le cuer doloir « Ce que ele est ainsi perdue ; « Car ele est de son sens issue.

« Près a jà d'un an et demi « Que ele de son sens issi.

« Ce li fu dure destinée ; « Car Meniadus enamée, « L'avoit, si que prise Teiist « 'A fenme, se en son sens fust. <i Garder la fait moult gentement

12450 " Rois Meniadus à sa gent.

« Une chambre li a fait faire n Li rois, qui est de bon afaire, « En costé la chambre sa mère, « Qui n'est pas envers li amere, 1 Âins li est douce et debonaire ; 0 Car si la garde de contraire, « Que cuer et cors met et pensée « En ce qu'ele soit bien gardée • « Se sa fille fust proprement ;

12460 « Si enpense ele telement

(1 Que nus n'i saroit amender.

« 'A X femmes la font garder a Qui ne servent d'autre labour

« Nule fois, par nuit ne par jour, « Que de li garder et servir ; « Car li rois a moult grant désir « De ce que ele fust garie.

« Sa garison moult li detrie ; " Car jamais fenme ne prendra,

12470 " Ce dist, jusqu'à tant qu'il verra « Se Diex donroit cesti santé ; « Car cesti a son cuer donné.

« Par le conseil conmunaument « De trestoute sa meilleur gent « Li rois espousée l'eiist " Se ainsi mescheii ne fust « La pucele de maladie.

« Tous jours a puis esté loiie ; « Car, s'ele desloiie estoit,

12480 « Tout kan qu'ele tenir porroit « Seroit desciré et rompu, « Tant a dou tout le sens perdu ; « Dont c'est grans dolours et pitiez, '^ K'ainc nus hom ne vit, ce sachiez, « Plus bêle de li ne meilleur, « Ne je ne croi que mais nul jour « Puist nus sa pareille veôir. »

Çléomadès entent, pour voir, 'A ce que cil li a conté, 12490 Que Diex l'a iluec amené ; Car celi a là retrouvée Pour cui tante voie ot alée.

Ne demandez pas s'il fu liez.

Car, s'onques cuers fu aaisiez D'entendre nouveles plaisans.

Dont fu li siens cuers si joians, K'en la joie k'en lui manoit

Point de comparison n'avoit ; Car li cuers li dist tout errant

12500 Qu'ele avoit tout à esciant

Fait le hors don sens, de paour K'avoir ne deiist à seignour Cel roi qui prendre la vouloit :

Ses cuers pour voir li tesmoignoit.

Pour ce l'amast et chieresist Plus que devant, se il pouist :

Mais, sans ce, si la peramoit, Que plus amer ne la povoit.

N'est nus cuers qui pelist penser

12510 Comment la pelist plus amer.

Joie et duel bien couvrir savoit En tous lieus, quant poins en estoit.

De la joie ne fist samblant De quoi en son cuer avoit tant.

— « Biaus ostes, y fait il, « dites moi, « Quant porrai je parler au roi ?

« 'A lui vorroie moult parler ; « Car n'ai talent de demorer « En cestui pays longuement, 12520 « Et on me dist certainement <i Que devant lui m'estuet aler « Ains que de ci puisse torner, c Ainsi c'om entendre me fait ; « Et, se il n'i avoit mesfait, « Sans parler à lui m'en iroie. »

Dist li ostes : — « Se Diex me voie. « S'en allez sans parler à lui, « Avoir en porriiez anui ; « Car c'est la coustume et li us 12530 « Que maintient rois Meniadus, « Et l'ont de lonc tans maintenu

« C'il qui ce roiaume ont tenu, * Que cil qui ci trespassant sont « \^oisent en ce chastel amont « Et doivent, par lor serement, u Au roi dire certainement 0 Nouveles de celui pays « Dont chascuns est nés et norris.

« Bien sai, se li dites nouveles

1254U II Qui li soient plaisans ne bêles, « Dou sien au départir arez ; « Car moult est courtois et senez, « Et larges et de bon afaii^e, H Plus que ne saroie retraire.

« Se au matin venus fussiez, 4 "A lui bien parlé eussiez ; « Mais or ni porrez vous parler « Dusqu'à demain à son lever.

<i En nuit vous convient ou chastel

12550 « Gésir, soit vous lait ou vous bel ; « Et le matin à vous venra « Li rois, et vous demandera « Nouveles, et vous li dires « Si faites que vous les savés.

F° 49 r^. "■ Dedens la tour gerrés en nuit. « Et, pour ce qu'il ne vous anuit, * Vous di que vraiement sachiez « Que bien i serez aaisiez ; « Car sachiez bien que celé tour

12560 « Est faite de si noble atour,

» Pour estranges gens honnorer, « Que nus n'i saroit amender.

n Tout kan k'afiert à estre à aise « I trouverez, ne vous desplaise, « Si com de boire et de mengier « Et de aisiement oouchier.

8 La raison pour quoi là irez

« Vous dirai je, se vous voulez,

<! Ne pour quoi ce fu establi

12570 a De gésir en la tour ainsi :

ti Pour ce que aler n'en puissiez,

« Ne vous ne autres, tant k'ayés

(• Paie la droiture dou lieu,

« Car nus n'i paie autre tolnieu ,

4 Ce sachiez, ne autre paiage. r

— a Certes ci a courtois usage, »

Dist Cléomadès, « ce me samble.

« Biaus ostes, vous et je ensamble a Irons ou chastel, ce vous pri, 12580 1 Puiscedi que il est ainsi « K'aler i doi. Et je irai a Maintenant ; plus n'en atendrai.

8 Or me dites que devenra « Mes vallés, ne s'o moi ira, a Ou je ici le laisserai? »

Dist li ostes : — « 0 vous irai, « Et il puet bien ci demorer ; « Vous et lui povez àquiter * « Puisque il est en vo service.

12590 '1 Sachiez ne vous tieng pas à nice, u Quant ce que vous pas ne savez « Si courtoisement demandez ; 0 Car bon fait savoir et enquerre a Les usages de mainte terre.

« On n'en puet se non miex valoir.

« Or faites ici remanoir « Vostre vallet, et s'en alons, * Car poins en est. » — « Nous le ferons, »

Vous séparer, vous qtiitter.

Dist Cléomadès, « maintenant. »

12600 Pinchonnet apela avant.

En l'oreille li conseilla > Que il tel nouvele oy a Dont de cuer est liez et joians.

Pinchonnès n'en fu pas dolans ; Car sa joie tant desiroit , Que il tant riens ne convoitoit Que ce qu'il peiist trouver voie Qu'il son seigneur meïst en joie.

Cléomadès de là parti.

12610 La chose moult 11 abeli.

Commandé ot sa volenté.

Et ses ostes l'en a mené Ou chastel, vers la tour amont.

Cléomadès demandé ont Cil dou chastel dont il estoit Et de quel partie venoit.

Et Cléomadès sagement Et à point et courtoisement Leur dist k'en Gascoigne manoit

12620 Et k'en Sezile aler vouloit, Et estoit de Portingal nés.

De chascun fu moult regardés ; Car aine n'orent nului veii Si gracieus com cil lor fu, Ne si bel, ne si avenant.

De lui s'aloient merveillant ; Car marcheans pas ne sambloit 'A la manière qu'il avoit.

Moult plaist chascun ce k'en lui voient. 12630 Jusques en la tour le convoient, Tant que el maistre estage fu.

Jà estoieut léeus veuu

Doi marcheâns qui trespassoient

Pour paier ce k'au roi dévoient ;

Car la ooustume qui ert là

Savoient de moult grant pieça.

Passé i orent autre fois.

Dist l'uns à l'autre : — « Or sommes trois

a 'A ce conpaignon qui ci vient. »

12640 Clcomadès par la main tient

Son oste ; car moult li plaisoit

Li lieus là où il le menoit.

Tout li estoit plaisant et bel

Kan qu'il véoit par le chastel,

K'esperance li tesmoignoit

Que en ce chastel trouveroit

€e c'onques en chastel ne vit

Puis que de Chastel Noble issit

Le jour qu'il enporta celi 12650 Que son cuer avoit avoec li.

Puis ot en maint chastel esté

Et en mainte noble cité ;

Mais onques ni pot trouver voie

Qui en espérance de joie

Le mesist si qu'il ert adont.

Li marcheant levé se sont Contre lui moult courtoisement.

Ne vous ferai lonc parlement De ce que entre aus devisèrent, 12660 Ne com faite vie menèrent.

De tout kan que mestier lor fu Furent bien et bel pourveii.

Mais ains la nuit mengier ne pot Cléomadès ; car si plaiu ot Cuer et cors de joieus espoir,

Qu'il n'avoit de mengier povoir ; Car espérance et desirriers Li ert et boivres et mengiers.

Sachiez moult li estoit plaisans 12670 Celé viande, et soufisans,

Plus que riens c'on seiist penser Ne souhaidier, ne deviser.

Ses ostes * li tint conpaignie Tant que la nuit fu anuitie.

Cléomadès là demora,

Et ses ostes s'en retorna

Quant assez ot là demoré.

Lors a moult priié et rouvé

'A ceaus de léenz qu'il pensassent 12680 De son oste, et qu'il enseignassent

Se il de nule l'iens l'amoient.

Et cil dient qu'il le feroient.

Li ostes à Dieu commanda

Cléomadès, lors s'en ala

Et li dist k'à lui revenroit

Lendemain ains que levez soit F" 49 \°. Li solaus ; or ne li anuit,

Car tost iert passée la nuit,

Et li dist que, se conpaignie 12690 N'eiist, il ne le laissast mie.

Cléomadès de son confort

Li sot bon gré, dont n'ot pas tort ;

Car vis li est que grant essoigne

Metoit à faire sa besoigne.

Quant poins en fu, couchier les firent Cil dou chastel. Lors s'en partirent De la tour, quant cil couchié furent.

* Le Ms. donne évidemment par erreur : « Ostel. »

Bien lor firent ce que il durent.

Quant Cléomadès fu couchiés, 12700 Uns pensers moult pesans et griés Li vint devant, qui moult li grieve K'à pou que li cuers ne li crieve, Tant fu dou penser en esmai.

Le penser vous deviserai :

Li pensers fu de fine amour Comfis en sausse de paour.

Vous avez bien devant oj Comment le cuer ot esjoy De ce k'en ce chastel cuidoit

12710 La riens ou mont que plus amoit, Et voirement i estoit celé Qu'il amoit ; et cuidoit que ele Le hors dou sens con[tre]feïst De paour que ne la prei'st Meniadus, qui Tôt trouvée.

Or ert sa pensée muée En cuidier que fors dou sens soit Des meschiez qu'ele eus avoit Au cuer, de ce k'ainsi l'embla

12720 Rois Crompars, qui là l'amena, Et de la laidour k'ert en lui, Ot, espoir, au cuer tel anui Et tel paour et tel torment Qu'ele en ot perdu l'escient.

En tel penser cheûs estoit Cléomadès : moult li touchoit.

Joie qui en lui ert venue Fu dou penser si esperdue, Que plus que la moitié de li 12730 De Cléomadès se parti ;

— llo —

La moitié pas de joie n'ot Que il devant ce eii ot Que celé pensée li vint, Grans meschiez de cuer li avint Quant ele onques li vint devant ; Car aine la nuit, ne tant ne quant, Ne dormi ne ne reposa.

Maint grant souzpir la nuit geta, De paour que dou tout perdu 12740 N'ait ce que tant a pourseii.

Paours s'estoit en lui logie Ou lieu dont joie s'ert partie.

'A grant paine en lui remanoit Ce de joie qu'il i avoit.

Que paours ne la getoit fors ; Car plus i ert grans li effors De paour que de joie assés.

Or vous dirai, se vous voulés, Quel joie en lui remese estoit.

12750 Sachiez que plus n'en i avoit

Fors tant sans plus que lendemain Cuidoit bien savoir le certain De s'amie k'ot retrouvée, S'ele ert en son sens ou dervée, Et ce que retrouvée l'a C'est ce de joie k'en lui a.

Mais bien avoit enporposé Que, s'il trouvoit en vérité Que ele fust fors de son sens, 12760 'A ce ot torné son assens

Que mais de là ne mouveroit Tant que ele vivre porroit, Se il devoit au sac porter Ou d'uis en huis son pain rouver ;

Et, se il plus de li vivoit, Après li vivre ne vourroit, Mais en celui meïsme jour S'ocirroit pour la soue amour * Qu'ele seroit à fin alée.

12770 Cert ses avis et sa pensée.

Celé nuit ainsi trespassa Cléomadès, k'aine ne pensa Fors k'à ce que je vous devis.

Si tost com jours fu esclarcis, Se leva ; car moult desiroit Que Meniadus levez soit.

Et li autre aussi se levèrent, Et cil dou chastel deffermerent La tour, et sont léenz entré.

12780 Après ce, n'a pas demoré Granment li rois Meniadus Que il ne soit là droit venus ; Car tous jours matin se levoit Quant gens trespassans là savoit.

Pour ce, estoit matin levez, Dedenz celé tour est entrez.

Li marcheant contre lui vont.

Courtoisement salué l'ont.

Et aussi fist Cléomadès.

12790 Li rois, qui fu courtois et nés , A à chascun des trois rendu Moult courtoisement son salu .

Li marcheant se délivrèrent Dou roi ; 'car premier venu erent.

Car cil qui premerain vendent Au roi premièrement monstroient

« Pour la sene anioitr. » Ms. 75.39.

Ce qu'il li dévoient moustrer Tout kan qu il i sorent viser ; Que dire li durent par droit 12800 Li recorderent là endroit.

Et, quant chascuns lu délivrés.

Lors est Meniadus tornés Vers Cléomadès erranment.

Et Cléomadès sagement Dist au roi, se il li plaisoit, K'à lui seul à seul parleroit Moult volentiers, se c'ert ses grès.

Et li rois, qui moult fu sénés, Li dist que il bien le vouloit 12810 Et que moult volentiers l'orroit.

Lors le maine à une fenestre Meniadus, droit à senestre, Au lez par de devers la mer.

Lors li commença à moustrer Cléomadès de son afaire.

Moult sagement le sot atraire 'A ce que proposé avoit.

— « Sire, » fait il, « à vous tout droit Fol. 50 r°. <i Sui venus de lointain pays. 12820 « Sachiez que longuement ai quis « Ce que j'ai ci endroit trouvé ; (1 Car on m'a bien dit et conté « Que céens a une pucele, « Ce dist on, moult gente et moult bêle, « Qui a une tel maladie « Que de son sens est marvoiie ; « Et je quier mon gaaing adès « En tous pays et loing et près.

' Pour ce, di je que trouvé ai 12830 « Mon gaaing ; car je garira[ij

« La pucele, se vous voulez ; « Mais que li guerredons donnez « M'en soit quant je l'aurai garie.

« Car jusquadont ne vueilje mie ; « Et, se je bien ne la gari, « Ne me soit jade riens meri.

« Ne paine, ne cous que j'en aie, « De li garir pas ne m'esmaie ; « Ains la garirai moult briement. »

12840 Et, quant Meniadus l'entent.

Aine en sa vie n'ot tel joie.

— « Amis, » fait il, « k'en mentiroie ? •( Sachiez, se la povez garir,

« Que je le vous vorrai merir

<i 'A [vo] voloir entirement ;

« Ce vous ai je bien en couvent.

« Et comment estes vous nommez ? >>

— <i J'ai à non maistres Desievez ' « En mon pays, ce vous créant. «

X2850 — « Ce soit à vostre joie grant, » Dist li rois. « Or soiez hastiex « De garir la pucele au miex « Et au plus tost que vous porrez., « La desserte sor moi metez.

« Dou merir ne vous esmaiez.

« Car, se vous garir la poviez, « Riche home à tous jours vous feroie; (I Ne jamais jour ne vous faurroie « Nient plus que feroie mon cors. «

1 2860 Et Cléomadès li dist lors

Que la pucele entreprendra

' '( Desivés. » Ms. 7539.

'A garir, aov ce que dit a, N'autre marcliié faire n'eu vuet.

— « Mais maintenant aler m'estuet, b Fait il, « la pucele veôir ; « Car je vorroie moult savoir 'I La manière de son malage « Et son maintien et son usage, « Selonc ce, si m'aviseroie 12870 'i Comment tost garir la porroie. «

Et Meniadus l'otria.

Et dist que à li le menra Si tost que levées seroient Sa mère et sa suer, qui auroient Grant joie se garie estoit ; Car chascune de cuer Tamoit Pour les biens et pour la biauté Dont en li avoit tel plenté, Ainçois qu'ele malade fust, 12880 Que ne croi que plus en eiist Nule femme qui aine fu née Ne mais soit en nule contrée.

Dist Cléomadès : — « Bien le croi.

« Mes hostes le dist ier à moi « Si tost que je fui descendus, « K'ainc plus bêle riens ne vit nus ; « Et se li oj tesmoignier « C'on ne porroit pas souhaidier « Nule meilleur de li trouver.

12890 « Sachiez moult me verrai pener « De li garir hastéement.

« Et me dist mes hostes conment « Vous la * trouvastes premerains, a Et me dist c'uns trop lais vilains

' Le Ms. porte : n Le. )>

« Ert avoec ii quant la trouvastes.

€ Li et le vilain amenastes

t Et le cheval qui ert o lui.

« Sachiez bien que trestout Tanui

« Qu'ele a eiie, et tout le mal

12900 « Li est venus par le cheval « Que li vilains o lui avoit.

« Li chevalès de fust estoit, « Ce m'a bien mes hostes conté.

€ Or, sachiez bien par vérité « Que pas son sens perdu n'eiist « La pucele, se ce ne fust f Par le cheval ; mais la raison « Vous en dirai, et Tochoison « Comment ce puet estre avenu

12910 « Quele a ainsi son sens perdu. « Sachiez que li vilains estoit t Jalous, et celé femme amoit, « Et il la devoit moult amer c Selonc ce que j'oi recorder.

« Pour ce qu'il ert bochus et lais « Et hideusement contrefais, « Doutoit que on ne li tolsist « Sa femme, ou c'en ne l'oceïst « Pour la biauté qui ert en li.

12920 « Un tel cheval une fois vi,

« Qui estoit fais si soutilment « Que, quant on faisoit nul torment « Celui qui le cheval avoit, « Dedenz l'an de son sens issoit t Cil qui li avoit torment fait, t Tex fu li chevaus entresait.

€ Espoir que courroucié eûst t Le vilain au cheval de fust i La damoisele qu'il menoit ;

12930 c Car, espoir, pas bien ne Tamoit

t Pour ce k'ert lais et desguisez.

« Et pour ce me sui avisez

<( De son cheval que il tex soit

« Que cil autres chevaus estoit

« Dont vous m'oez ici parler.

« Ne sai se avez fait garder

« Le cheval ; mais, se je l'avoie,

« La damoisele gariroie

« Plus tost que en autre manière. »

12940 Lors dist li rois à lie chiere Que il encor le cheval a, N'onques puis nus au lieu n'ala lia où l'avoit fait estiver.

Pour lui garder de debrisier, L'avoit fait si bien enfermer Que nus ni povoit adeser.

Car la pucele li loa Qu'il le gardast ; pour ce, fait l'a ; Et li dist qu'il li bailleroit

12950 Le cheval tantost qu'il vorroit.

Fol. 50 vo, Sachiés que cis mos abeli

Cléomadès, quant l'entendi.

S'il seûst or la vérité

Que Clarmondine eiist santé

Et que ele fust en tel point

Qu'ele ert, dont fust ses cuers apoint.

Hé ! las ! mais il n'el savoit mie ;

C'est li poins qui plus le guerrie

Et qui plus près dou cuer li va.

12960 Rois Meniadus envoia

'A sa mère, qu'ele se lieve Et qu'il ne li anuit ne grieve

S'il la fait si matin lever ; Car tel chose li veut conter Qui moult durement li plaira Si test com il dit li aura.

Lors se leva apertement La rojne tout erranment.

Jà estoit sa fille levée 12970 Argenté, et si ertjàalée

Savoir comment dormi avoit Clarmondine, ne que faisoit; Car la mère et la fille aussi Erent moult dolentes pour li.

'A Meniadus sont venues;

Et, quant li rois les a velies,

Moult les salua liement ;

Et Cléomadès sagement

Vers la royne s'enclina, 12980 Li et sa fille salua

Comme cil qui à droit savoit

Ce c'on faire et laissier devoit.

En tous lieus estoit avisez.

Un petit s'est trais à liez.

Ma[is] là gaires ne demora ;

Car Meniadus Tapela.

Si tost com sa mère ot conté

Ce que en lui avoit trouvé ;

Fu tantost apelez avant, 12990 Et la royne maintenant

Li dist que bien soit il venus.

— .( De mon fill roi Meniadus

« Vueil que tous jours maistres soiez,

Fait elle, « se vous garissez « La bêle, la bien ensaignie, « Qui lonc tans a esté loiie

« Par defaute de sa santé.

' Moult m'aueroit servi à gré

I Qui en son sens la meteroit,

13000 « Et mes fiex me dist ci endroit

« Que vous li avez en couvent

I Que vous la garirez briement.

« Et, se garie la véoie,

* Sachiez si le vous meriroie

« Que bien vous deveroit soufire,

« Ce vous puis je bien pour voir dire.

— « Dame, la vostre grant merci, »

Fait Cléomadès. « Or vous pri

« K'à la pucele me menés ; 13010 « Car bien voi que vous désirés « Que hastéement fust garie. »

Et la royne li afie K'erramnent à li le menra. Argenté, sa fille, apela Et li dist qu'ele voist savoir Se il la porroient veoir.

— « Dame, » dist Argenté, « orendroit « I fui, mais esveillie estoit.

'( Ne sai pas s'endormie r'est ' . t> 13020 — « Or i alez tost, sans arrest, » Faitlaroyne, « fille gente. »

Et celé, qui n'estoit pas lente, S'enkeurt, com celé en cui bontez Manoit, et debonairetez.

Clarmondine en tel point trouva

' £st de nouveau. De l'ancien verbe restre, forme réduplicative de esire.

Que ele devant la laissa.

Tous jours art netement gardée Celé chambre, et bien arréée, Là où Clarmondine gisoit.

13030 En celé chambre vinrent droit Meniadus et la royne Par devant le lit Clarmondine.

Cléomadès après venoit ; Et, quant Clarmondine le voit, Erranmeht Ta reeonneii Si tost que ele Tôt veii.

Lors ot ele si grant paour De muer samblant et colour, Qu ele ne sot que devenir.

13040 De joie commence à frémir

Et de paour prist à trambler ; En son cuer prist Dieu à loer De ce qu'ele voit devant li Celui qu ele peramoit si. Que comparison ne sai mètre :

Pour ce ne m'en quier entremetre.

Lors vint Cléomadès avant ; Et Clarmondine maintenant Torna devers lui son viaire, 13050 Qu'ele ot moult douz et debonaire, Pour ce qu'il la reconneiist.

Mais si k'ainc veii ne l'elist 'A son povoir se maintenoit.

Et, quant Cléomadès perçoit Que c'ert Clarmondine la bêle, 'A son samblant vit bien que ele N'avoit pas perdu l'escient.

Lors revint joie habondanment En son cuer où pou en avoit. '

13060 Meniadus, qui là estoit,

Li a dit : — « Maistres Desievez, •i Venez avant ; si regardez « Comment nous porrez conseiUier « De ceste damoisele aidier. »

Et Cléomadès l'aprocha.

— «. Bêle, » fait il, o entendez çà ;

« Quels maus est ce que vous sentez ? »

— « Biaus amis, estes vous dervez?»

Fait ele. « Qu alez vous disant?

13070 « Faites moi raportermon gant « Que perdi, plus a de quinsaine ; « Car vos chevaus n'a point d'avaine ; -f Alez m'en poroec * à Sébile, « Car miex l'aim que d'une autre vile. »

— « Ha ! » fait il, « ma très douce amie, « Dame Diex vous soit en aje !

« Vous n'estes pas bien en vo sens. »

— « Or le demandez dont les gens, »

Fait ele. « se ne m'en créés,

13080 * K'à Chastel Noble trouvères. »

Et lors se dreça erranment Cléomadès ; car bien entent Fol. 51 i-o. Ce qu'ele dist, sans plus parler. Meniadus prist à moustrer Qu'ele n'a d'entendement point Et qu'ele est en perilleus point ; Ne respont à riens c'on li die Nient plus qu'ele ne l'oïst mie.

— « Sire rois, » fait il, « se j'avoie ' ' Pûuruec. i Ms. 7539.

13090 1 Le cheval, maintenant sauroie

» Se de riens l'en porroie aidier.

« Ne vous estuet pas esmaier

« Que je bien garir ne la doie.

4 Je querroie ainçois autre voie

« Que temprement ne soit garie,

« Ains tiers jour aurai acomplie

t La garison, or n'en doutez. »

Dist li rois : — « Le cheval aurez. >

Lors y a tantost envoiié,

13100 Et cil furent apareillié

Qui le cheval de fust gardèrent ; Droit en la chambre Taporterent Là où Meniadus estoit.

Et, quant Clarmondine perçoit Que venus ert li chevalès.

Lors pensa que Cléomadès Le cheval demandé avoit Pour ce que porter l'en vouloit Sor le cheval. Moult en fu lie ;

13110 Mais vis li est que trop detrie, Car jà en vorroit estre alée.

Cléomadès, sans demorée, Vers le cheval vient, si le prent ; Devant Clarmondine erranment L'amena droit devant son lit.

Lors a à Meniadus dit Que par le cheval gariroit La pucele, bien le savoit ; De ce estoit il tous certains.

13120 — « Desloiierli faites les mains;

« Car je croi que mal ne fera

« Celui qui la desloiera.

* Selonc ce k'en ce cheval voi, « C'est la chose que je miex croi. *

Dist li rois : — « Puisque vous savez « Comment vous garir la devez, X Vous meïsmes la desliiez.

« Drois est que premiers lessaiez ; d Car, sachiez bien, se Diex me voie, 13130 « 'A envis la deslieroie,

« Selonc le point où la laissai. »

— 8 Sire, et je la deslierai, « Pour vous moustrer apertement « Que tost iert en amendement « Et que sa chose bien ira. »

Cléomadès avant passa.

Sa main deseur son chief li mist ; Et celé nul samblant ne fist De rien nule que il li face.

13140 Sa main metoit entour sa face

Et sor son pis moult doucement.

Quant Clarmondine la main sent De celui qu'ele tant amoit, Vis li est que Diex la tenoit En paradis entre ses mains.

Cléomadès ne r ot » pas mains De leèce que ele a voit.

Chascuns moult sagement couvroit La très grant joie qu'il avoient,

13150 Car sage et avisé estoient.

Cléomadès li deslia Ses mains, dont moult se merveilla Li rois de ce que ne se mut Et qu'ele aussi coie se jut

' Le Ms. porte ; « ^ot. »

Qu'adont * que ele fust liie.

^ Moult en fu la royne lie, Et Argenté sa fille aussi, Et tout cil qui erent iki.

Le maistre partout en looient, 13160 Lui et son sens forment prisoient.

Cléomadès le cheval prist, Devers les pies dou lit le mist, La teste dou cheval torna Vers Clarmondine. Lors ala Tout entour le cheval III tours Pour amuser les museours, Le roi et ceaus qui là estoient, Qui tout certainement cuidoient Que il le feïst par maistire *.

13170 Cléomadès dist au roi : — « Sire, « Se il vous plaist, or en alons ; « 'A ceste fois plus n'en ferons.

« Sachiez que ne se mouvera < La pu ce le, ne ne fera <i Nul mal, ce vous ai en couvent.

u Mais commandez à vostre gent « Que tost soit vestue et levée ; <i Car droit à ceste matinée <( La convenra I pou mengier,

13180 rt Et puis sor le cheval liier

tt De touailles moult fortement. *

Et li rois trestout erranment Commanda que on le feïst, Et que on detri n'i meïst, Et que on la vestist errant.

' Le Ms. porte : « Que dont. »

' Pour : « Maistrie. »

De ce orent paour moult grant Les puceles qui la servoient, Qui si desliie la voient.

'A Cléomadès sont venues.

13190 — 1 Ha! maistre ! nous sommes perdues, »

Font eles, « se ne reliiés « Celé femme, bien le sachiés ; « Car kan k'ele tient, c'est passé, « Est tout rompu et desciré, v

Et Cléomadès leur respont Qu'eles par li nul mal n'auront Tant que li chevalès soit là ; 'A nului nul mal ne fera, Ce lor a en couvent, sans doute.

• 13200 Clarmondine de cuer escoute Ce que Cléomadès disoit. Savoir povez, moult li plaisoit.

Lors est li rois Meniadus Liement de léens issus.

Cléomadès tint par la main.

— « Maistre Desievé, moult vous ain, s Fait il ; « car moult amer vous doi.

« Jamais ne partirez de moi.

« Onques mais ne vi si bon maistre, 13210 I Ne je ne cuit que mais puist naistre « Maistre qui vous puisse valoir. »

— (I Sire, vous dites vo vouloir, »

Fait Cléomadès, « de ce dire.

« Ne sui li mieudres ne le pire.

F» 51 v». « Je m'en tieng apaié assez.

^ De ce que sai soit Diex loez, « Et que kanques envoie m'a. »

Lors dist au roi que il ira

En la vile ; c un pou à faire 13220 Y a, pour pourvir son afaire De ce que il entrepris a ; Maintenant, ce dist, revenra.

Dist 11 rois : — « Se vous tant m'amés, « De tost revenir vous hastés. «

— « De ce ne vous esmaiez point ; 'I Car je revenrai bien a point, »

Fait Cléomadès, « n'en doutez. »

Et lors s'en est tantost tornez.

Et li rois convoier le fist 13230 'A sa maisnie, si lor dist

Que il errant le ramenassent, Et que gaires ne detrias^ent ; Et cil dient qu'il le feroient.

Droit à son ostel le convoient.

Ses ostes fu matin levez ; Car il estoit pieça alez Ou chastel, et ert revenus, C'on li dist que Meniadus En avoit son oste mené.

13240 Cléomadès a salué

Son oste si tost que le vit, Et cil son salu li rendit.

Et lors vint Pinchonnès avant Qui moult ot le cuer désirant De savoir que trouvé avoit Ses sires là dont il venoit.

Ne s'il avoit oj nouveles Qui li fussent laides ou bêles.

Devant son seignor vint ester.

13250 'A ce que il i puet viser,

'A son samblant bien aperçoit Que en assez bon point estoit.

— « Sire, » fait il, « dont venez vous?

— (I Pinchonnet, je garira tous, »

Fait il, « dou mal que j'ai eii,

« Selonc ce que je ai veii. »

Pinchonnès entendi le mot Si tost que ses sires dit Tôt.

Bien perçoit que il a trouvée 13260 Chose qui li plaist et agrée • Selonc ce qu'il aloit querant.

En son cuer en a joie grant Assez plus que il ne moustra.

Et Cléomadès l'apela, Et puis l'a d'une part mené.

Lors li a dit et devisé En quel point la besoigne estoit K'en tant de pays quise avoit.

En Pinchonnet moult se fia,

13270 Et pour ce riens ne li cela.

Tout son afaire entirement Li dist tout descouvertement.

Et que il Clarmondine avoit Retrouvée, bien le savoit, Et que il ert Cléomadès.

Quant ce entendi Pinchonnès, Lors s'est tout tantost avisez Que bien puet estre veritez Que Cléomadès soit, sans faille,

13280 Qu'il li souvint de la bataille Que il avoit fait à Sartan Et à son bon seignor Durban.

Chascuns ert chevaliers de pris, Ne pourquant les ot tous conquis.

Et de Chastel Noble ensement

— io2 —

Li souvenoit com faitemeni Celé j ornée se maintint.

Pour ce en vérité retint Que il Cléomadès estoit :

13290 Sa prouece li tesmoignoit.

Basset a dit : — « Moult sui joians « Quant Cléomadès sui servans.

« Moult m'a Diex envoie d'onnour « Quant j'ai servi si bon seigneur.

* Plus longuement en viverai ; « Car tous jours mais liez en serai.

« Sire, » fait il, « or commandés « Qu'il vous plaist et que vous voulés 1- Que je face et que je deviengne ; 13300 « Car, sachiez, quoi qu'il m'en aviengne, « Vostre commandement ferai, « 'A mon povoir, tant que vivrai. »

— « Bien vous sera guerredonné, « Se je vif, or n'en soit douté, »

Dist Cléomadès, « ce sachiez.

« Au partir de ci vous traiez « Droit devers le bon roi Carmant « Et li dites mon couvenant « Si que vous savez que il va. »

13310 Et cil dist k'ainsi le fera ; Car il set toute la besoigne.

— d Ne soiez jà de ce en soigne, »

Fait il; « car maint lie[z] cueur ferai « Quant à Chastel Noble venrai.

« Sor moi ceste chose metez « Et d'autre besoigne pensez, « Ne jà de cesti ne soigniez.

« Seurement la me laissiez. »

Cléomades li devisa 1 3320 Tout ainsi que proposé a ;

Conment de là s'en euide aler, Par quoi miex sache recorder Au roi Carmant et à autrui Toute la vérité de lui.

Ne vous puis pas tout deviser Lor paroles, ne recorder.

Quant son point vit, de là se part Cléomades. Moult li fu tart Que de Salerne partis fust 13330 Et que Clarmondine r eiist

Vers lui, et k'en fust resaisis, C'ert ses désirs et ses avis.

Atant s'est départis de là ; Pinchonnet o lui enmena.

Tout en alant, li devisoit Conment au roi Carmant diroit Que Clarmondine a retrouvée Cléomades, et l'a menée En Espaigne, où il li fera 13340 Toute l'onnour que il porra, De ce ne soit point en esmai.

— « Tantost k'en Espaigne venrai « Envolerai au roi Carmant.

« Vous me saluerez Durbant, « Et Sartan son bon conpaignon, « Et les dames de lor maison, F» 52 1-^. « Et lor dites, s'il m'aiment tant,

f Que il viengnent vers moi errant t Si tost que veti vous aront.

13350 « En Espaigne me trouveront.

« Je vous pri que vous les hastés

« Et que tost me les * amenés ;

< Car, si tost com vous reverrai,

f Riche home à tous jours vous ferai,

« Et vous et eeaus que amerez,

« De ce soiez asseûrez. »

Et Pinchonnès l'en mercia.

Atant ens el chastel entra Cléomadès. Contre lui vinrent 13360 Cil qui à bien paie se tinrent D'el oevre k'a enconmencie :

Chascuns prise moult sa maistrie.

Li rois l'a avant apelé.

- — « Maistres, » fait il, « on m'a conté « Que la damoisele garist ; € N'onques puis nul samblant ne fist « Qui tornast fors k'à garison « Que venistes en la maison, « Où ele a jut moult longuement 13370 « En grant paine et en grant torment. « Or est vestue et atornée.

« Jà l'ont par la chambre menée « Les fenmes de léenz assez « De toutes pars et de tous lez. »

Dist Cléomadès : — « Moult m'est lait « Qu'ele a tant aie, c'est mal fait, « Jusqu'à tant qu'ele eiist mengié ; « Et, s'il estoit apareillié, « Maintenant mengier la feroie, 13380 « Se la viande preste avoie. »

Lors li ont dit que arréée

' Le Ms. porte : « Les Mes. »

Est ia viande et aprestée^ 'A ce ne tient ne tant ne quant.

Et Cléomadès maintenant Est dedenz la chambre rentrez ; Et lors fu li huis refermez Que nus en la chambre n'entra Fors Pinchonnct, ko lui mena Cléomadès, pour ce qu'il voie 13390 Comment se metra à la voie,

Par quoi il puist, pour voir conter Que Clarmondine en vit porter Par desus le cheval de fust, Par quoi il miex creûs en fusl Ens es lieus là où il venroit.

Lors s'en vint Cléomadès droit •Vers Clarmondine, et li a dit Que il li convient I petit Mengier à celé matinée.

13400 Lors fu la viande aportée.

Mengier la fist, et il aussi Menga et but avoeques li ; Car, le jour ne la nuit devant, ITavoit mengié ne tant ne quant, Car n'en avoit povoir eii Selonc le point où ad ont fu.

Cil mengiers li fu de plaisance, Savorez de bone espérance ; Car, entrues que il là menjoit, 13410 En espoir de grant joie estoit Si que il ert aparissant.

Menja et but à son talant, Et ele aussi but et menja.

Cil mengiers moult lor agréa ; Car pieça que mengié n'avoient

En joie, mais lor'.s i mengoient.

En la chambre ne demora 'A ce mengier qui fais fu là Fors que li rois et la rojne, 13420 Et les femmes qui Clarmondine Orent servie • nuit et jour; Et Argenté aussi, la serour Au noble roi Meniadus, I estoit. De gent n'i ot plus, Fors Pinchonnès, oui moult plaisoit Que la chose en tel point véoit.

Clarmondine moult Ions sambla Cil mengiers ; car moult désira Qu'ele d'iluec soit eschapée, 1 3430 Que dou desirrier saoulée

Fu si, que mengier ne povoit.

Et, quant Cléomadès ce voit, Lors pense qu'ele a desirier D'eschaper plus que de mengier.

Au roi a dist : — « Sire, sachiez Il Et tout asseiir en soiez,

I Que mais, di cest jour en avant, « Vous ne verrez, de ce me vaut,

« Malade ceste damoisele 13440 « De tel maladie que ele

« A eii puis qu'ele vint ci. »

— « Maistres, la vostre grant merci, » Fait li rois ; « car moult me sont bêles « 'A oïr si faites nouveles.

II Que Feure beneôite soit

« Que vous venistes ci endroit !

Le Ms. porte : « Servies. »

« Bien croi i^ue mais ne fust garie < Se ne fust par vostre maistrie. »

Dist Cléomadès : — « Or alons 1 3450 « En cel praël ; là parferons ~ « Ce par quoi garie sera « La pucele. *

Et lors se leva Cléomadès. Le cheval prent, El praël le porte erranment, Lors dist au roi : — « Sire, venez « En cel praël ; car jà verrez « La pucele garie errant. »

Lors ot li rois joie moult grant.

Dedenz le praël sont entré.

13460 Li huis estoient si fermé

Que dedenz le praël n'entra Nus fors que cil qui erent là.

Sachiez bien que en cel praël Faisoit et moult noble et moult bel ; Arbres et flours i ot assez, Et estoit de haus murs fermés.

Tout droit enmi le praëlet Cléomadès le cheval met.

Lors dist au roi : — « Or m'amenez 13470 « La pucele, et puis vous séez.

« Car vous verrez jà tel merveille « K'ainc ne veïstes sa pareille ; « Car nus ne deveroit cuidier, « 'A paines nés parsouhaidier « Que on si tost garir peiist « Fenme qui si grief mal eiist t Que ceste a eii longuement, t Com je la garirai briement. »

Fol. 52 \°. Et lors tous asseoir les fist 13480 Entour le cheval, et les mist

Au plus loing dou cheval qu'il pot.

Son afaire pourveû ot

De tout kan que il couvenoit ;

Car tout kan que il commandoit

Estoit prest et apareillié,

Car par léenz erent si lié

De ce que il devoit garir

Clarmondine, que son plaisir

Et son commant partout faisoient.

13490 Kan qu'il demandoitli bailloient

'A son plaisir et à son gré.

Tout faisoient sa volenté.

TouaiUes ot fait pourveôir Et viandes à son vouloir.

Et tout, kan que mestier li fu, Fu tout prest et tout pourveii.

Et lors a Clarmondine prise Et l'a deseur le cheval mise.

Sor le cheval l'a bien loiie 13500 De touailles. Lors fu si lie Clarmondine, que ne povoit Estre plus lie qu'ele estoit ; Mais de sa joie tant ne quant Ne faisoit chiere ne samblant.

Lors dist à ceaus qui là estoient Cléomadès, pour riens qu'il voient Ne se lievent ; car ce seroit Grans perilz se nus s'en le voit.

Bien en porroient arriérer 13510 L'ouvrage dont il veut ouvrer.

Distli rois : — « Maistres, n'en doutez;

t Car, dusqu'à tant que vous donrez « Congié que de ci nous levons, « Sachiez que ne nous lèverons. »

Dist Cléomadès : — « Ce gardés. »

— < Tous en soiez asseùrés, »

Dist li rois ; « mais or soigniez d el. *

Lors prist et pain et vin et sel Et viande à sa volenté

13520 C'on li avoit là aporté.

Tout ert prest kan qu'il demandoit, Fors commander ne li failloit.

Li vins estoit en II bouteilles.

Tout regardoient à merveilles • Ces choses cil qui erent là.

Cléomadès bien arréa Son afaire, et tost et à point La viande ; et, quant vit son point, Deseur le cheval est montez.

13530 Et lors fu il bien remueblez De joie, k'en grant povreté En avoit longuement esté.

■ — « Sire rois, » fait il, « je vous pri « Que, quant g'iere partis de ci , « Que de rien k'avenu vous soit " Ne vous effréés , s'aurez droit ; « Car n'i porriiez gaaingnier.

« Pour ce, vous en vueil je priier.

« Non soloie avoir Desieuez, 13540 " Mais mes nons est ore muez.

« J'ai non Cléomadès li Liez ; « En tel forme est mes nons changiez.

« Fiex sui Marcadigas le roi, t Et ceste pucele lez moi « Est fille au riche roi Carmant.

(1 'A ce mot, à Dieu vous commant, <( Ettrestoute la conpaignie. »

Jà avoit sa main adrecie Au front dou cheval. Lors torna 13550 La cheville, et si s'en ala

Tout tantost, sans nul point d'arrest, Par desus une grant forest.

Tout bêlement, au commencier.

Se commença à adrecier

Vers Espaigne, au plus droit qu'il pot ;

Car tant de pays cerchiez ot,

Que bien devoit savoir par droit

Auquel lez Espaigne séoit.

De lui vous aparler lairai 13560 I petit, tant que vous arai

Dit en com fait point demorerent Cil qui dedenz le praël erent, Quant en virent aler ainsi Cléomadès que je vous di.

De toutes pars se sont levé.

Li uns a l'autre regardé' Aussi com s'il fussent muel, Regardoit l'uns l'autre ou praël.

Premiers parla Meniadus.

13570 Droit vers Pinchonnet est venus ;

— « Maistre, * fait il, « vous me dires, « Ains que vous de ci m'eschapés, « Qui cis est qui de ci s'en va, « Ne comment tel chose fait a. »

Dist Pinchonnès : — « Sire, sachiez « Et tous asseiirez soiez « Que par lui meïsme savez

— iM —

» Qui il est, s'entendu l'avez ; « Car au partir pas ne cela

13580 « Son non. Oïant tous, se nomma t Et vous dist bien qui celé estoit « Qui seur le chevalet séoit, « Si que bien oyr le pouistes « Se vous entendre le vousistes.

» Sachiez que c'est Cléomadès, 4 Li bons, li biaus, li preus, li nés, « Li rubis de chevalerie, « Qui r a Claritiondine s'amie s Que requise a moult grant pieça.

13590 « Tant l'a requise qu'il la r'a, « Et ele lui ; tant a tendu « Que ensamble sont revenu ; « Ce sont il, sachiez vraiement. »

Et, quant Meniadus l'entent S'esbahis fu n'el demandez.

— « Amis, » fait il, « or me moustrez t De cel cheval que estre en puet. »

— « Sire, » fait il, « s'estre l'estuet t Que j'en die ce que j'en sai,

13600 c Moult volentiers le vous dirai.

« N'a gaires que je n'en sa voie

ï La vérité, se Diex me voie.

« Sachiez que je menestrex sui.

« Une pièce ai servi celui

t C'on tient au plus vaillant dou monde

f Tant com il dure à la reônde ;

« Mais, de tant com je l'ai servi,

« Si face Diex m'ame merci,

« Ne soi qui il fu. Mais hui main

13610 f Me dist il primes le certain

Fol. 53 r°. i Que il CIcomadès estoit.

» Clarmondine requise avoit.

« Ce me dist, en mainte contrée ■i Et Tavoit ici retrouvée, « Dont je croi que moult soit joians ; « Car requise Tavoit lonc tans.

« Ne convient pas que par la porte « S'en voist li chevaus qui l'enporte ; « Car bien puet autrement aler. »

13620 Lors li commence à deviser Que à Cléomadès avint Le jour k'à Chastel Noble vint Seur le cheval premièrement, Et li conte tout ensement . Que dou roi Carmant eschapa Et tout ainsi qu'il revint là Dont il ne fist pas lonc séjour ; Car tout droit au septime jour Revint à Chastel Noble arrière.

13630 — « Ne sai se fu force ou prière, » Fait il, « ne conment il ala ; « Mais en son r'aler enporta « Clarmondine, les iex voiant 1 Clarmonde, sa mère, et Carmant « Le roi son père, qui n'el pot « Amender, dont moult grant duel ot.

« Mais Cléomadès ains leur dist « Que de là se departesist « Que il Clarmondine enportoit

13640 « Et k'à femme la prenderoit, « De ce ne fussent en paour, « Car bien li garderoit s'onnour ; a Et que il ert Cléomadès « Leur dist en haut et de si près, « Que tout cil tout à plain l'oyrent K Qui là erent, et bien le virent, t Aussi com vous avez seii

« Son partir de ci, et veu.

« Cléomadès, bien le sachiez, 13650 " Se fu tost de là esloigniez, « Quant il dite ot sa volenté.

« Moult furent dolant et iré « Li rois et cil qui là estoient ; Il Mais conseil mètre n'i povoient.

<( Lors envoia li rois Carmans « En Espaigne gens soufisans (i 'A Marcadigas, pour savoir « De celé besoigne le voir.

« Ce trouvèrent en vérité 13660 K Que Cléomadès ot moustré " Que il Cléomadès estoit, « Et que de ce voir dit avoit.

" Mais trop grant meschéance avint « Cléomadès, le jour qu'il vint « 'A Sébile ; car il laissa « Clarmondine seule, et ala « Ou chastel pour querre son père « Et ses trois serours et sa mère, « Pour faire venir contre li.

13670 « Mais le cheval, ne li aussi,

« Ne porent aine puis retrouver, « Pour querre ne pour demander i Que nule part seiissent faire.

Il Cléomadès ire et contraire * En ot, teles qu'il se coucha « Malades, n'ainc puis n'en leva » Jusqu'à tant c'en li ot conté « Que li rois Crompars n'ot esté u Puis ce di el pajs veiis 13680 i Que cil meschiés fa avenus.

« Cléomadès puis ne fina « De li requerre et çà et là « C'on li ot de Çrompart parlé.

'I En maint pays a puis esté.

« Li messagier le roi Carmant « Revinrent irié et dolant (( Au roi Carmant, et li contèrent a Les nouveles, riens n'en celèrent, '( Comment Clarmondine ert perdue.

13690 1 Dolente en tu et esperdue it Clarmonde, la bone rojne ; -t C/estoit la mère Clarmondine.

■i Sachiez si en ot irascu s Le cuer, que de duel en moru, ti Dont ce fu damages moult grans ; <' Car bone ert et bêle et sachans. »

Pinchonnès apenséement Li a moustré, et sagement, La chose ainsi qu'il la savoit

13700 D'ainsi k'oj dire l'avoit ; Et de ce qu'il en ot veii Li a moult bel amenteii.

Kan que de Clarmondine sot Li a recordé mot à mot ; Car moult fu de bon escient.

Et li a dit com faitement Estoit à Mont Estrait venus , Et comment s'i ert combatus Tous seuls contre II chevaliers,

13710 Dont chascuns ert hardis et fiers Et de très grant vaillance plains.

— « Durbans et Sartans ses conpains « Sont cil, V fait il, « qui contre lui « Se combatirent ambedui « Cors à cors ; mais k'en mentiroie, « Moult tost les ot mis à la voie. »

Pinchonnès moult bel et à point

Li devisa de point en point Que il de là endroit devint, 13720 Et corn à Chastel Noble vint, Et comment il se combati, Et comment de là se parti.

Et com à Durban Tenprunta Cléomadès, quant s'en ala :

— « Vers moi et vers tous se celoit.

« Ne Savoie qui il estoit 8 Quant nous venimes ci er soir ; « Aussi me doinst Diex joie avoir.

« Mais hui, puis qu'il fu ajorné, 13730 « M'a dit de lui la vérité,

(i Et m'a commandé et priié « Que par moi soit dit et noncié t Qui il est, et qu'il m'en souviengne « Partout en quel lieu que je viengne, « Et comment bien li est cheii « Dou très grant meschief où il fu.

t Vous meïsme me rouva dire « Que vous n'aiez corrous ne ire « S'il a s'amie retrouvée.

13740 t De ce k'ainsi l'avez gardée

« Vous mande k'il vous set grant gré, « Et vous seroit guerredonné Fol . 53 v». a S'il povoit jamais chose faire

« Qui vous ne les vos peûst plaire.

« Sachiez que par cel cheval là « Seur quoi Cléomadès s'en va « Est toute la chose avenue « Qui ci vous est rameute iie.

« Ce que je sai vous en ai dit 13750 « Que je n'en ai de riens mentit. »

Meniadus a regardée

Sa mère, qui ert tormentée