GONTIER

Arch. nat. jj i 3o, no 273, fol. 1 54 vo.

i38j, 25 septetnh'e. Gisors. — Lettre de Charles VI réglant la solde des hommes d'armes de Guillaume de La Trémoille.

Charles, par la grâce de Dieu, roy de France, à noz amez et féaulx les généraulx conseillers sur le faict des aides ordennées pour la guerre, salut et dilection. Comme nous avons nouvellement retenu nostre amé et féal chevalier et chambellain Guillaumede LaTrémoillCj au nombrede ik hommes d'armes pour nous servir ou pais d'Alemaigne, à Taide de nostre très chierre et très amée tante la duchesse de Braban, qui à présent fait guerre contre le duc de Guelhes, ouquel pais lesdictes gens ne pourroient bonnement vivre ne demeurer pour leurs gaiges acoustumez pour la grant chierté de vivres qui y est, et mesmement que nous leur avons ordené que tout ce qu'ilz prendront ilz paient tout content, afïin de demourer plus paisiblement en icellui pais : Savoir vous faisons que nous, pourleur aidier à supporter leurs frais, avons ordené et ordenons, par ces présentes, que nostre dit chambellain et les dix ii<: hommes d'armes aient et prennent, pour chascun mois qu'ilz vacqueront en nostredit service, oultre et pardessus leurs gaiges ordinaires, c'est assavoir, chascun chevalier banneret vint frans, chascun chevalier bachelier dix frans, et chascun escuier cinq frans. Si vous mandons que, par nostre amé et féal trésorier de noz guerres, Guillaume Denfernet, vous à nostredit chambellain et à ses dites gens faites faire prest et paiement en la manière dessusdite, à commancer du jour de leur première monstre Jusques à nostre cassement, et par rapportant ces présentes et quittances des chiefs de chambre sur ce, nous voulons et nous plaist que tout ce que nostredit trésorier aura paie à cause de ce soit alloué en ses comptes et rabattu de sa recepte, par noz amez et féaulx gens de noz 'comptes à Paris, non obstant quelconques ordenances, mandemens ou deffences à ce contraires.

Donné à Gisors, le xxv» jour de septembre, Tan de grâce mil trois cens quatre vins et sept, et de nostre règne le huitième.

Par le roy, présens monsieur le connestable et les chambellans :

J. de MONTEACUTO.

Bibliothèque nationale. Cabinet des titres; pièces originales, t. 2,878, v» Trémoille. 63,898, cote i3.

i38j, janvier. Paris. \ — Charles VI concède à Guy de La Trémoille une prise d'eau pour son hôtel de la rue aux Bourdonnais.

Charles, etc. Savoir faisons à touz présens et avenir que nous, considérans les grans, notables et agréables services que nostre amé et féal chevalier et chambellan, Guy de La Trémoille et de Sully, nous a longuement et loyaulment faiz en maintes manières ou temps passé et espérons que doie faire ou temps avenir, et pour certaines et bonnes considéracions qui nous ont meu et meuvent à ce, à ycellui, de nostre grâce espécial, plaine puissance et auttorité royal, avons donné et ottroié, donnons et ottroions qu'il ait doresenavant, à tousjours mais, pour l'aisance et usage de sa maison assise à Paris, en la rue aux Bourdonnols, de l'eaue des fontaines qui viennent en nostre bonne ville de Paris, le gros du ront d'un pois, à ycelle eaue prenre et faire venir des conduiz plus prouchains de sa dicte maison ou lieu mains préjudiciable de celle qui va es hostelz de nous et de noz très chiers et très amez oncles les ducs de Berry et de

Bourgoingne, et plus aisié et proufitable pour lui que faire se pourra. Et d'abondant grâce, nous plaist et voulons que ceulx qui ont la garde et administration des dittes fontaines facent faire venir la dite eaue par de bons tuyaux et conduiz convenables en Tostel de nostre dit chambellan, aux fraiz, missions et despens de nosire ville de Paris.

Si donnons en mandement à nostre prévost de Paris et à touz autres commis et ordenez sur le fait et gouvernement de nostre dite ville de Paris et les dites fontaines et à chacun d'eulz, si comme à lui appartendra, que la dite eauCj en la quantité dessuz dite, ilz facent venir en l'ostel de nostre dit chambellan ans fraiz, missions et despens dessus diz, sans ce que nosire dit chambellan, ou autre pour lui, en soit tenu de paier ores ou pour le temps avenir aucune chose, et nous voulons que tout ce que la dite besoingne coustera soit allouée es comptes de cellui ou ceulz qui paiée l'aura, sanz contredit ou difficulté aucune, par nos amez et féaulz gens de nos comptes à Paris et par tout ailleurs où il appartendra, par rapportant vidimus de ces présentes, avec quittances souffisant. Mandons aussi à tous noz justiciers, officiers et subgiez ou à leurs lieuxtenanset à chacun d'eulz, si comme à lui appartendra, que de nostre présente grâce, don et ottroy, facent et sueffrent et laissent doresenavant joir et user paisiblement et perpetuelment nostre dit chambellan, ses hoirs ou autres aians cause, en la dite maison, sanz les empeschier en aucune manière au contraire. Et que ce soit ferme et estable chose à tousjours mais, nous avons fait mettre nostre seel à ces présentes lettres, sauf en autres choses nostre droit et l'autrui en toutes.

Ce fu fait et donné à Paris, ou mois de janvier, l'an de grâce mil ccc un" et sept, et de nostre règne le viii^.

Parle roy, à la relation de messeigneurs les ducs de Berryet de Bourgongne: