Ou mieux l'ouiel (l'œil

3. « Die dominica nona jumi (1527), in festo Penthecostes, supremus

35 1. Le xxne juing, Barbiton, mauvais garçon, fust pendu et estranglé à la place Maubert.

352. Le .. jour de juillet, à ung..., jour de S. Severin, fust fiencé maistre Charles Helin à Geneviefve Versoris, ma nyepce, et furent espousez le mardi xxme dud. moys.

353. Le vendredy xne dud. moys de juillet, alla de vie à trèspas maistre Francoys Cousinot, advocat, et le landemain fust enterré à S. Severin.

354. Mon frère, maistre Guillaume Versoris, le jeudy xvine jour juillet, fust marié à Denete Longejoue, sa cinquiesme femme.

355. Environ le xxxe dud. moys juillet, mons. le cardinal d'Iort, légat en Englettere, pour quelquelz gros affaires et accordz que l'on esperoit faire entre les Francoys et Anglois, que l'on tenoit fort secretz, passa la mer en mervileux et triunfant arroy, car le bruit estoit et est vray que pour Tacompaigner estoit de unze à douze cens Anglois fort en bon ordre, adevant duquel furent envoyez plusieurs evesques et archevêques, mesmement ceulx de Picardie et plusieurs aultres grans seigneurs, pour led. cardinal acompaigner jusques à Amyens, où le Roy et tous les princes de France universellement le receurent en fort grant honneur, et après avoir esté quelquelz jours le Roy et led. cardinal en mecttant afin les articles pour lesquelz estoit fait lad. samblée, finablement se mist led. cardinal à rettour, où il fut conduit par le mandemant du Roy à grosse compaignée.

356. Le jeudy vine aoust, maistre Pierre Jullien, advocat ou Chastellet de Paris, fort estimé en grant sçavoir, alla de vie à trespas. Ce fust grant doumaige, car il estoit homme sçavant et moût vertueux. Dieu en aist Tarne !

357. Le vendredy ixc aoust, veuille S. Laurens, alla de vie à trespas maistre Claude Vanyer, cyrurgien, homme bien expert en son art. Dieu luy face pardon !