DE LA RETRAITTE DES CERFZ

Apres que les Gerfz ont tenu leur rut, comme j’ay dict cy-deuant , et qu’ilz ont perdu ceste grande chaleur qui les y mene, commancent à se recongnoistre , ayans perdu ceste furie qui les transporte , chasque Cerf se retire d’auec les bestes. Hz demeurent volontiers en ceste saison, deux , trois ou quatre ensemble , et cherchent le profond des forestz , sentans l’Hyuer approcher, et la nécessité où ilz vont entrer, car véritablement ilz souffrent plus en ceste dicte saison qu’en tout le reste de l’année , à cause qu’ilz ne trouuent de quoy viander » , d’aultant que

1 Viander, paître, se nourrir.

DK LA CHASSE

la terre est couuerte de neiges , ou si fort endurcye de la gelée , que les herbes qui ont accoustumé les alimenter n’ont force ny vigueur, aussy qu’il n’y a nul bourgeon au bois : de sorte qu’ilz vont chercher pour viander si peu d’herbes qui demeurent sur la terre , où il y a quelque vertu , et les brandes 1 s’il y en a aux forestz où ilz demeurent, aussy le gland ce peu qui en reste. Et ce qui est cause qu’ilz se tiennent tout l’Hyuer, ainsy que j’ay dict , deux, trois ou quatre ensemble , c’est à mon aduis pour se garantir du froid, car quand on les voit à la reposée2, ilz se tiennent le plus près l’vn de l’aultre qu’ilz peuuent. Ceste fantaisie de demeurer ensemble , et nécessité de viure, leur dure depuis la fin d’octobre jusques au commancement de Mars.

CHAPPITRE IVe.