COMME LES CERFZ MUENT ET RENOUVELLENT LEURS TESTES
Quand les Cerfz sentent le renouueau venir, ilz se séparent d’ensemble, et chasque Cerf va choisir et eslire vn buisson pour y faire sa teste : mesmement les grandz vieulx Cerfz cherchent plus leurs commoditez que ne font les jeunes. Comme doncques ilz
1 Brandes, bruyères où le cerf va viander.
! Reposée, lieu où se couche le cerf.
DU CERF
cherchent à se donner du bon temps, pour se refaire du mauuais qu’ilz ont eu durant l’Hyuer, la première chose qu’ilz font , c’est de muer leur teste : et nature a si bien pourueu à cela , tant pour muer que pour se purger des mauuaises humeurs qu’ilz ont peu accueillir durant l’Hyuer pour le mauuais traitement qu’ilz ont receu , qu’il s’assemble entre cuir et chair vne quantité de petites bestes comme vers , qui ne sont pas plus longs que la moictié du doigt , blancs et la peau fort lisse et coulante : ces bestes vont courant par tout le corps du Cerf, jusques à ce qu’ilz treuuent yssue. N’en trouuans poinct , estans enfermez dans la peau, font tant qu’ilz viennent à trouuer les joinctures où les meulles sont attachées au test du Cerf, et à ceste heure là commancent à ronger la racine de la teste dudict Cerf qui tient au test. Cela luy donne vn prorys 1 et démangeaison, qui le contrainct de frotter la teste contre des arbres, la quelle n’ayant poinct de racine se séparé du test et tombe en terre. Les vers trouuans yssue ne faillent de sortir par ces deux trous , et tout aussy tost qu’ilz sont sortis et que le sang est purifié, il se commance à faire comme vne petite tave , qui couure tout le tour des meulles , et est de couleur grise , velue et doulce , ainsy que la peau d’vne souris : le Cerf se sent alors fort allégé , tant pour n’auoir plus ceste charge sur la teste , qu’à cause du bon viandis 2. Et tout ainsy que par ceste bonne nourriture il se re-
1 Prurit.
2 Viande, viandis, nourriture.
nouuelle le corps , aussy faict il la teste. Car à mesure qu’il croist de venaison1, sa rameure augmente, toutesfois elle aduance vn petit plus que ne faict sa venaison. Parainsy fault sçauoir que depuis le commancement de Mars jusques à la My-iuillet et vn peu apres , ilz demeurent à faire leur teste et leur venaison. Et comme ilz ont mis leur teste à bout et la sentent seiche : pour oster la peau qui est dessus ilz vont chercher des bailliueaux selon la force du Cerf, contre lesquelz ilz se frottent la teste , jusques à ce qu’ilz se la soient toute pelée et nettoyée de la peau qui estoit dessus : et demeurent quatre ou cinq jours jusques à ce qu’elle soit toute nette , et cela est ce que l’on appelle frayer. Apres qu’elle est toute frayée, elle demeure blanche, et pour la rendre du tout nette et la brunir, ilz la frottent contre terre , de mode 2 qu’ilz la colorent selon le terroir où ilz se trouvent , comme si c’est en pais de charbonnière, ilz la noircissent, si c’est en terre glaise, elle deuient ou rouge, ou j aulne, de la couleur de la terre. Voila la façon que les Cerfz muent et renouuellent leurs testes. Les jeunes qui ne portent que les fuseaux et dagues, au lieu que les aultres cherchent les arbres pour muer, les fourrent en terre jusques aux meulles , et s’en desfont ainsy. C’est pourquoy l’on recouure bien malaysément leur première teste, laquelle on con-
1 Venaison, on appelle venaison la chair du cerf, du daim et du chevreuil, et par extension on dit aussi venaison pour graisse ; c’est dans cette acception que le mot doit être pris ici. ' 2 Latinisme, pour de modo, de manière.
