A. FUMÉES EN PLATEAUX B EN TORCHES OUTROCKES C. FUMEES FORMÉES

THt

DF .iüt

DU CERF

gnoist par expérience estre fort exquise contre toutes sortes de venins, parce qu’elle est creée et composée du sang le plus subtil qui soit en tout le corps du Cerf : d’aultant qu’il fault qu’il passe comme par vn alambic par tous les conduictz et veines d’iceluy, premier que de venir au test. Aulcuns disent qu’il n’y a que la première teste qui soit bonne, mais je suis de contraire opinion. Car je tiens que les aultres ont la vertu mesme, mais non de telle efficace et force que les premières, et s’en peult on seruir en deffault d’aultres.

CHAPPITRE Ve.

Le Cerf ne jecte ses fumées qu’en trois diuerses sortes. Car l’on ne compte poinct celles qu’il faict durant le rut et l’Hyuer, à cause qu’elles sont desfaictes, la première est en plateau , c’est à dire que l’excrement qui sort de son corps est de la mesme forme d’une bouze de vache, mais non de la couleur: car elle est vn peu plus verte, et selon la peincture qui est icy représentée l. Trois semaines apres que le

1 Cette phrase annonce une figure qui n’existe pas dans le manuscrit ni dans l’édition originale, mais que j’ai pensé devoir faire exécuter.

Cerf est remply du viandis qu’il prend , et que son boyau est plus estressy à cause de la graisse, selon la forme du dict boyau il jecte ses fumées qui sont en torches 1 . Apres comme il a la chaleur plus grande dedans le corps, à cause de la venaison, elles se séparent d’ensemble, et sortent formées et en crottes, comme sont celles d’une Cheure, mais plus grosses, il fault notter qu’au temps qu’ilz fraient leurs testes, les fumées se desfont, mais tout aussy tost elles se reffont , et durent jusques à ce qu’ilz entrent au rut. Je diray par cy apres quelles sont les meilleures ou pires fumées que jecte le Cerf, et le jugement que l’on y a de jeune Cerf à vieulx Cerf. Or doncques il fault bien retenir, suiuant ce qui est escript au chappitre preceddent qu’vn peu deuant la fin de Juillet les Cerfz sont du tout frayez et brunis, et en leur plaine venaison. Ilz demeurent en ceste haulte graisse à se donner du bon temps dedans les buissons qu’ilz ont choisis pour faire leurs testes et leur dicte venaison , jusques à ce que l’amour commance à les resueiller, comme il a esté dict au deuxiesme chappitre. Voila tout ce que je puis escrire de la nature du Cerf, et me semble qu’il ne s’en peult apprendre dauantageen laVenerye. Toutesfois auant que de passer aux aultres parties que j’ay délibéré d’escrire, j’ay voulu discourir au premier chappitre suiuant tout ce que j’ay peu lire et oüy dire de la nature et condition du Cerf. Puis apres je'traicteray de la nature et condition des

1 Torches, troches fumées à demi formées.

DU CERF

Chiens, de la façon du Veneur, quelles mœurs il doibt auoir, comment il lault qu’il apprenne à l’estre, et pour le comble de mon œuure , la façon et maniéré de trouuer le Cerf, le destourner, le .laisser courre et pourchasser, quester et requester jusques à la mort, puis donner le droict à ses limiers, et faire la curée 1 à ses Chiens.

CH APPITRE VI*.