CK QTJE LES ANCIENS ONT ESCRIPT DE LA NATURE DU CERF

Encores quej’aye descriptde la nature du Cerf tout ce que j’en ay peu apprendre par expérience, si est ce qu’estant jalous de ne laisser rien sortir de mes mains, qui ne soict si parfaict qu’il contante tous ceulx qui le liront, et y puissent apprendre tout ce qu’ilz désirent sçauoir, j’ay regardé et faict chercher par aulcuns des plus doctes personnages de mon Royaume ce que les anciens Philosophes en ont escript, que j’ay voulu rédiger en ce chappitre à part, et sur chascune de leurs opinions je passeray ce que je congnois estre véritable, sans y rien respondre : mais sur ce que je congnoistray ne l’estre, je dirai sommairement mon opinion et ce que l’expe-

i Curée , repas des chiens composé de tout ou partie de l’animal qu’ils ont pris.

rience m’en a apprins et tiens pour véritable, et si j’ay obmis aux chappitres preceddens quelque chose que vous pourrez voir icy, croyez qu’elle est de si peu de consecquence qu’elle n’importe au faict que je veulx escriré, car vous auez peu voir par ci deuant, comme par ordre j’ay séparé toutes les saisons du Cerf, et ses conditions durant chascune d’icelles, qui est tout ce que j’estime qui s’en peult et est necessaire d’escrire à la vérité, si est ce que je n’ay voulu faillir pour cela d’en mettre icy ce que plusieurs desdicts anciens en ont escript. Aristote dict que les Cerfz montent les Bisches presque tousiours auec impétuosité et fureur, d’aultant que la Bische ne veult attendre le Cerf pour la roideur et dureté du vit, neantmoings qu’elle attend quelquesfois, et est saillie delà mesme façon que la Brebis. Oppian escript que les Bisches n’attendent, jamais les Cerfz, mais que fuyantes, lesdicts Cerfz les retiennent auec les piedz de deuant et les suiuans de ceulx de derrière sans les habandonner, malgré elles les couurent. Véritablement Aristote a eu quelque raison de dire ce que dessus, car jamais les Cerfz ne montent comme dict Oppian qu’en courant : mais de dire que ce soit pour la roideur et dureté de leur membre, il h’y a poinct d’apparence, car ils ne l’ont plus dur que les aultres. Ledict Aristote dict aussy chose qui est véritable, qu’en peu de temps vn Cerf couure plusieurs Bisches, que le rut vient près du leuer de l’Arcture entre Aoust et Septembre, le cinquiesme ou quinzeusme selon Seruius, et est ce que j’ay dict par cv-deuant,

DU CERF. 21

que le rut se commance au mois de Septembre. Les Gerfz reent plus gros que les Bisches quand la saison du rut est venue, et les Bisches, quand elles ont peur : le réement de la Bische est plus court, et celuy du Cerf plus long. Aristote escript que Ton compte fabuleusement que les Gerfz viuent longues années, mais que cela n’apparoist certain, par ce que le terme que les fans demeurent au ventre de la Bische, et leur maniéré de croistre ne sont comme d’animaux qui viuent fort longtemps; toutesfois Oppian dict qu’ilz viuent quatre fois plus que la Corneille, qui peult estre quatre cens ans, et Pline donnant vn exemple de leur longue vie escript que cent ans apres Alexandre le Grand on a prins des Cerfz auec des colliers au col qu’on leur auoit attachez du temps dudict Alexandre, estans lesdictz colliers cachez de leur peau tant ils auoient de venaison : Aristote dict aussy qu’il y a une montagne nommée Elaphoys en Asie près Arginuse où Alcibiades mourut, en laquelle tous les Cerfz et Bisches ont l’aureille fendue : tellement qu’en cores qu’ils changent de pais on les recongnoist par là, et que ceste marque vient au fan estant au ventre de la mere. « Quant à moy il me semble que l’aduis « d’Aristote qui dict que les Cerfz ne sont de si longue « vie, comme l’escriuent Oppian et Pline, est le plus « certain et véritable, car oultre toutes ces raisons,

« je n’ay oüy dire ny veu de nostre temps que l’on « ay t prins Cerf si vieil qu’il peust auoir attainct l’aage « qu’ilz allèguent, et quant aux Cerfz qui ont les « aureilles fendues, c’est chose qui s’est peu trouuer

« en Asie, mais par deçà elle ne se voit poinct. » Le mesme Aristote dict que les Cerfz se retirent à part aussy tost que les Bisches sont plaines, et par ardeur et violance de paillardise estans séparez fouillent des fosses où ilz se rangent à l’escart, et leur face demeure noire comme celle des beufz, à raison d’vne sueur et rosée qui coule de leurs testes, et qu’ilz viuent ainsy jusques à ce qu’il vienne vne pluye , et apres retournent au viandis, estant leur naturel de faire telles choses, pour ce qu’ilz sont luxurieux et abondans en semence, et qu’en telle saison ilz sont fort chargez de graisse. « Il est bien vray, comme « j’ay escript cy-deuant parlant de la retraitte des « Gerfz, sans nul doubte ilz se retirent hors d’auec « les Bisches lors que le rut est acheué, mais de dire « qu’ilz facent des trous en terre pour se mettre à la <« reposée, c’est chose faulse, car au contraire en ce « temps là pour estre plus chauldement et se garantir « de la froidure de la terre qui est gelée, ilz font des « licts de feuilles esquelz ilz se mettent à la reposée. « Quant à ce qu’il dict que le mufle leur deuient, « noir, c’est chose qui ne leur dure seulement que « tant qu’ilz sont en rut, mais quand ilz entrent en •< rut, le col leur enfle, le poil leur hérissé, et la peau « leur vient beaucoup plus dure qu’en vne aultre « saison. Quand ilz fuyent ilz font des reposées, et « demeurent arrestez jusques à ce que ceulx qui les « poursuiuent soient près d'eulx, et lors ilz se re- « mettent à fuir, ilz font ces reposées parce que « leur intestin t.rauaille en courant , lequel ilz ont si

DU CERF. 23

« foible, que si quelqu’vn lez frappe tant soict peu, « il se rompt sans que la peau soit offensée, et ont « ledict intestin si amer que les Chiens mesmes n’en « veulent poinct manger, si le Cerf n’est extrêmement « gras. » Ledict Aristote escript que leur chair est mauuaise et puante au temps du rut, ainsy que celle des boucz , qu’en Hyuer ilz sont maigres , sans force et vigueur, et au Printemps et Esté ilz sont gras et en leur force, lor^ ilz ne se monstrent aucunement, ains se cachent en lieux fortz, à cause que l’on les peult prendre facillement pour leur pesanteur. Parlant des mues des Cerfz,il dict qu’ilz font leurs testes en lieux difficiles et malaysez à retrouuer, de là vient le prouerbe où les Cerfz perdent leurs cornes , que lors ilz se donnent bien garde d’estre veuz, parce qu’ilz se sentent et congnoissent desarmez, et sont ainsy que dict Oppian comme vergongneux et honteux de se monstrer aux aultres bestes ayans leurs testes desarmées. Ledict Aristote escript que jamais homme ne veit leur branchure senestre, d’aultant qu’ilz la cachent sçachans qu’elle est proffictable à quelque médecine, et mesme Oppian escript qu’ilz fouillent en terre vne fosse en laquelle ilz la cachent, mais Pline ne s’accorde auec Aristote, car il dict que c’est la corne droicte qu’ilz cachent , et qu’elle a plus de vertu que l’aultre. « Nous voyons tous les jours par expérience « tout 1q contraire de ce que dessus : car il se trouue « fort communément et facillement des testes de Cerf, « aultant, la droicte comme la gauche, et la mesme « vertu qui est en l’vne se trouue aussy en l’aultre

« sans aulcune difficulté. » Sur ce qu’ilz disent qu’ilz se cachent dedans leurs fortz , pour ce qu’ilz ont honte que les aultres bestes les voyent desarmez de leurs testes, « ilz n’ont tant de considération, mais ilz « choisissent ainsy les buissons escartez, pour ce « qu’ilz sont communément plus fortz et peuplez de « bois que les aultres, et qu’il y a plus de gaignage1 « aux enuirons. » Lesdictz autheurs escrivent que les Gerfz d’vn an ne jectent des dagues2, mais seulement quelque commancement d’enfleure et bosse comme pour marque. Gela est court et gros. Quand ilz ont deux ans ilz poussent leurs dagues droictes comme aliénés, et pour ce alors on les appelle daguirs ou broccars, à trois ans ilz marquent deux dauantage comme en fourche, à quatre ans ilz marquent plus espois, et ainsy augmentent d’an en an jusques à six ans, et apres lesdicts six ans ilz jectent tousiours leurs testes semblables, si bien qu’on ne peult plus par icelles remarquer et recongnoistre leur aage ; mais il y a deux signes principaux par lesquelz on les peult remarquer et recongnoistre vieilz Gerfz, assauoir quand ilz n’ont plus de dentz ou qu’ilz en ont bien peu, et qu’ilz ne produisent plus de deffences, on appelle deffences les andouillers 3 qui leur viennent en auant au dessoulz des aultres près du front, desquelz ilz se deffendent. Les Gerfz ont quatre

1 Gaignage, terres ensemencées où le grand gibier va paître.

2 Dague , premier bois que portent les cerfs.

3 Les andouillers sont les chevilles qui sortent des bois du cerf, du daim et du chevreuil.

dentz de chascun costé et deux aultres grandes. C’est chose véritable ce que dict Aristote, que par année la ramure des Cerfz augmente jusques à six ans, mais que ce soit de deux andouillers tous les ans, j’ay esprouvé le contraire, car j’ay veu Cerf qui de sa seconde année à porté douze, et aultre de mesme aage qui n’a porté que les dagues. Quant à congnoistre l’aage du Cerf par les dentz, je m’en raporte à ce qui en est : « car les veneurs n’en jugent par là, mais les « congnoissent sans les voir, et en jugent par le pied, « et aultres congnoissances que je diray quand je « traicteray de la Chasse. » Selon Aristote les Cerfz muent leurs testes tous les ans au mois d’Auril et se tiennent en lieux ombrageux et espois pour euiter les mousches, ilz viandent lors la nuict, jusques à ce que leurs testes soient refaictes. Quand elles commancent à sortir, il se faict comme vne enfleure espoisse, qui est couuerte d’vne peau, puis quand elles sont grandes et haultes, ilz les monstrent au soleil afhn de les seicher du tout, et comme en frayans et grattans leurs testes contre les arbres ilz ne sentent plus de douleur, alors ilz abandonnent leurs fortz, estans plus asseurez ayans recouuert leurs armes pour se deffendre. Aultresfois a esté prins un Cerf qui portoit du lierre fortverd en ses andouillers, qui sembloit estre né dedans, comme en vn arbre verd : et cela estoit aduenu pour s’estre attaché par cas fortuit à la teste estant encore tendre. « Aristote s’abuse d’vn mois en- « tier pour le moings, car la pluspart des Cerfs muent « comme j’ay dict es chappitres preceddens sur la

26 DELACHASSE

« fin de Feurier ou au commancement de Mars : et « mesmes y en a de si aduancez qu’ilz se desfont de « leurs testes des la My-feurier, mais peu. Quant à ce « qu’il dict qu’ilz viandent lors la nuict, ce n’est seu- « lement en ceste saison , mais tout le long de l’année :

« et les voit on quelquesfois viander encores que le « soleil soit leué , toutesfois ilz ne demeurent gueres « hors du couuert, depuis qu’ilz sentent la chaleur « d’iceluy : au reste ce sont fahles de dire qu’ilz « monstrent leur ramure au soleil pour la seicher.

« Et pour homme docte et sçauant véritablement il « faict tort à nature, comme si elle n’auoit le moyen « d’aclieuer vne œuure qu’elle a commancée, et « qu’elle soit contraincte de s’ayder de ce dont elle « n’a hesoing. Mais pour vérité , la ramure du Cerf « ne se seiche qu’à mesure que nature congnoist qu’ü « n’est plus temps de la nourrir et qu’elle est du tout « allongée, il nettoye sa teâte de la peau qui est des- « sus, ainsy que j’ay descript au chappitre qui en <« parle. Et sur ce qu’il dict qu’il s’est veu du lierre « attaché à la teste d’vn Cerf, c’est chose de laquelle « je ne veulx rien dire, pour ce que je ne l’ay jamais « veu ny congnu, mais j’estime que cela est très dif- « ficile. » Ledict Aristote dict que si les Gerfz sont chastrez auant qu’ilz ayent des cornes, ilz n’en portent jamais, et s’ilz sont chastrez quand ilz ont les andouillers , leurs testes demeurent tousiours en mesme estât, sans se renouueler d’an en an : entre tous les animaux qui ont des cornes, qu’il n’y a que lesCerfz qui les portent solides et en ramure, et à qui

DU CERF

elles tombent tous les ans. « Toutesfois nous voyons « en France le Dain et le Cheureuil muer sa teste tous « les ans, aussy bien que les Cerfz. » Aristote a opinion que leurs testes tiennent plustost à la peau que au test , alléguant qu’il y a des Beufz en Frigie qui remuent les cornes comme les aureilles. Quand les Cerfz ont esté morduz de Phalangue ou d’aultres bestes venimeuses, ilz amassent des cancres de riuiere 1 et les mangent : ce qui faict estimer que le remede est pareillement bon pour l’homme , estant prins en breuuage, mais il est malplaisant. Le Poete Nicandre dict que les Cerfz se courroucent à l’encontre des Serpens , jusques à les suiure à la trace par les hayes et lieux pierreux , les tirans de leurs trous par la forte vapeur de leurs naseaux , escrivant Phisiologus qu’ilz emplissent leur bouche d’eau , puis la versent dedans le trou où sont les Serpens, affm de les faire plustost sortir, puis comme ilz sont dehors, les foulent aux piedz tant qu’ilz les font mourir. Si l’on enuelope quelqu’vn de la peau d’vn Cerf, les Serpens ne luy peuuent nuire. Et est la pressure d’un Fan, selon Solinus, prins et tué dedans le ventre de sa mere, vn singulier remede contre la morsure des Serpens. Aristote escript qu’entre les animaux qui n’ont poinct de fiel le Cerf est nommé , toutesfois qu’en Achaye les Cerfz semblent l’auoir à la queue : et ce qu’ilz appellent fiel , est de couleur semblable au fiel, non du tout si humide, mais ressemblant au dedans de la

• Écrevisses.

rate. « Véritablement les Cerfz n’ont poinct de fiel, mais il se voit par tout aussy bien qu’en Achaye , qu’ilz ont quelque chose à la queue qui ressemble et est ainsy comme fiel. » Aristote dict aussy que les Cerfz ont tous en la teste des vers viuans , qui s’engendrent en vne concauité qu’ilz ont soubz la racine de la langue auprès de la vertebre, en l’endroict où la teste tient au col, lesquelz vers ne sont de moindre grandeur que ceulx qui naissent es chairs pourries et relantes , ilz s’engendrent beaucoup ensemble , et se tiennent jusques à vingt l’vn auec l’aultre. « Ce qu’il « dict qu’ilz ont tousiours des vers dedans la teste, « cela est faulx. Il est bien vray que quelque temps « deuant qu’ilz veulent faire leurs testes, les vers « leur viennent non seulement à la teste , mais par « tout le corps entre cuir et chair, comme j’ay dict « plus particulièrement par cy deuant. Les Cerfz « n’ont poinct de fibres au sang, et pour ce, leur sang « ne s’espoissit comme les aultres animaux , mais « ainsy que celuy des Heures, d’vn caillement liquide « comme du laict qui se lie de soy mesme sans pres- « sure ny tournure. Aristote escript que les Cerfz cheualez se laissent prendre par le chant et flutement du chasseur, car comme ilz sont flatez de l’armonye de l’vn des chasseurs, qui chante ou flûte deuant luy , l’aultre les blesse par derrière ; s’ilz ont les aureilles dressées, ilz oyent fort aigu et clair, et est malaysé de les surprendre, mais s’ilz les ont baissées, on les surprend ay sement, et craignent fort le glatir du Regnard. « Ceste façon de prendre les Cerfz en du-

DU CERF

« tant peult avoir esté veue du temps d’Aristote en « ce pais là , mais pour le présent c’est chose non « vsitée, et à laquelle il n’y a aulcune apparence, « non plus qu’à dire qu’ilz n’oyent aussy clair en « vne scituation qu’en vne aultre. Quant est du glatir « du Regnard , il est vraysemblable qu’ilz le crai- « gnent comme celuy des Chiens et des Loups. » Oppian escript que les Cerfz ne courent seulement sur la terre, mais aussy passent la mer d’un long ordre comme une flotte de nauires : le premier qui va déliant guide la troupe comme vn pilote de nauire qui conduict le gouuernail , ilz appuyent leurs testes sur le dos l’vn de l’aultre , les tenans haultes sur l’eau comme les voiles d’vn vaisseau, et des deux piedz fendent la mer comme d’vn auiron ; quand le premier est lassé ilz changent de place, et celuy qui le suiuoit prend son lieu et conduict le nauigage , puis vn aultre apres, et ainsy se rafraichissans l’vn l’aultre se conduisent par la mer, ce qui se voit et obserue comme dict Solinus au bras de mer qui est entre la terre ferme de Cilicie et l’isle de Chipre , adioustant qu’ilz ne voyent les terres esquelles ilz vont, mais nagent au sentiment d’icelles. Quand les Cerfz se sentent malades , Ambrosius dict qu’ilz mangent de petitz regetons d’oliuier, et se guérissent ainsy : mais Pline escript qu’ilz n’ont jamais fievre, qui plus est remédient à pareille maladie, et qu’il y a des Princesses qui ayans accoustumé de manger tous les matins vn peu de chair de Cerf, ont vescu fort longuement sans auoir jamais eu aulcune fievre, pourueu

que les Cerfz ayent esté tuez d’vn seul coup. « Non seulement les Cerfz cherchent les bourgeons d’oliuier pour se guérir du mal qu’ilz ont, mais aussy par vn instinct naturel ont bien le jugement de congnoistre plusieurs aultres herbes et arbres , desquelz ilz vsent pour se garantir desdictes maladies. « Aussy fault il bien « en ces pais Septentrionaux qu’ilz s’aydent d’aultres « que d’oliuiers, car il ne s’y en trtfuue poinct. » Quant à ce que dict Pline de la chair du Cerf qui garantit des fievres, je l’en veulx laisser discourir, mais l’on croira ce que l’on vouldra. Phisiologus dict que les larmes du Cerf recueillies, comme aussy l’os trouué dedans son cœur, sont très propres pour donner à boire à ceulx qui ont battement de cœur, cest os se crée d’une certaine superfluité, qui sortd’Vne concavité, qui est selon Platearius dedans le cœur du Cerf au costé gauche , laquelle est le soupirail de sa rate , estant amsy faict du sang du cœur, il est un peu roux, et est très singulier contre la pasmoison et les hémorroïdes, il a aussy propriété de purifier les femmes mélancoliques. Haly escript que la pressure du fan est bonne contre le jus de la ciguë, et contre les potirons quand on en a trop mangé, aussy prise auec du vinaigre on dict qu’elle arreste le sang. L’vrine d’vn Cerf est bonne contre les douleurs de la rate , elle sert aussy contre les coliques venteuses , de l’estomac et des boyaux : quand on en verse dans les aureilles , elle guérit les vlceres d’icelles. Selon Pline le poulmon du Cerf seiché à la fumée, puis puluerisé et prins auec du miel , guérit de la toux , la corne de

U U CERF

Cerf bruslée descouure ceulx qui sont subiectz au mal caduc, et la cendre d’icelle applicquée en du vinaigre simple ou rozat appaise la douleur de teste , guérit les petitz rumes, chasse les vers du corps qui la boit, et sert à l’encontre de la jaulnisse, la prenant avec du vin ; elle affermit aussy les dentz qui tremblent en les frottant ou lauant d’icelle , et en allégé les douleurs : le semblable faict la pouldre de ladicte corne non bruslée. Selon Auicenne le bout de la queue d’vn Cerf est vn venin, qui en prend , tombe en angoisse vehemente, s’esuanouit et finallement meurt ; le remede est de le faire vomir auec du beurre et de l’anis. Solinus dict que le Cerf oyant l’aboy des Chiens s’enfuit tousiours vers le Levant , affin que le sentiment de son pied se perde auec luy. « Quand le Cerf est « chassé il fuit aussy tost vers l’Occident et aultre « costé que vers le Leuant. »

CHAPPITRE VIIe,

Apres auoir escript du naturel du Cerf, je veulx parler de celuy des Chiens, il faultsçauoir qu’il n’y a que trois sortes de Chiens courans. Les premiers Chiens qui ont esté en nostre Europe ont esté la race des Chiens noirs, et celle des Chiens blancz, mais celle

des blancz a es lé depuis confondue en celle des Chiens greffiers blancz, comme je descriptz cy apres, toutes les deux sont venues de Monsieur Sainct Hubert. Depuis, le Roy Sainct Louys, estant allé à la conqueste de la terre saincte, fut faict prisonnier par les Infidelles : et comme entre aultres bonnes choses il aymoit le plaisir de la Chasse, estant sur le poinct de sa liberté, ayant sceu qu’il y auoit vne race de Chiens en Tartarie qui estoient fort excellens pour la chasse du Cerf, il fit tant qu’à son retour il en amena vne meute en France. Ceste race de Chiens sont ceulx que l’on appelle gris, la vieille et ancienne race de ceste couronne, et dict on que la rage ne les accueille jamais, voila les trois et differentz poilz des Chiens dont je veulx escrire.

CHAPPITRE VIIIe.