DES CHIENS COURANS NOIRS

Les Chien s noirs sont de moyenne stature. La vraye race d’iceulx sont quatr’ oeillers de rouge, c’est à dire ont des marques rouges ou fauues sur les yeux, et communément le poil de leur s jambes est de la mesme couleur, s’ilz ont du blanc, c’est peu, et sur la poitrine. Ce sont Chiens longs, peu rablez et qui n’ont

DU CERF

grande force : leur façon de chasser est par le menu, et suiuent tousiours la beste qu’ilz chassent à l’endroict des voyes par où elle passe, ne forboutent poinct, c’est à dire ne passent jamais plus auant que la beste a esté, et si d’auanture le Cerf qu’ilz chassent faict vn retour, qui vault aultant à dire qu’en donnant dedans vn chemin, s’il reuient sur les mesmes pas qu’il a faict, lesdictz Chiens vont jusques au bout du retour, et retournent chasser jusques à ce qu’ilz retrouuent le bout de la ruse, et jamais ne font enceinte jpour trouuer passer la beste qu’ilz chassent, ains vont tousiours chassans par le menu, comme j’ay dict cy dessus, et si d’auanture le change bondit ilz demeurent tous estonnez à la queue des chevaulx des picqueurs : si bien qu’ilz ne chassent, ny le change, ny leur droict : ceste race de Chiens est bonne pour gens qui ont les gouttes, et non pour ceulx qui font mestier d’abreger la vie du Cerf, et quant à moy je trouue qu’ilz sont meilleurs à la main que hors du couple.

CHAPPITRE IXe-