DU NATUREL DES CHIENS GRIS

Les Chiens gris sont grandz Chiens, haultz sur jambes et d’aureilles, ceulx qui sont de la vraye race sont de couleur de poil de lieure, ilz ont l’eschine

large et forte, le jarret droict, et le pied bien formé ; mais ilz n’ont pas le nez si bon que les noirs; cela est cause que leur façon de chasser est toute differente, car comme les aultres chassent par le menu, ceulxcy estans extrêmement vistes et ayans deffault du sentiment chassent à grandes randonnées1 loing des voyes, et à la veue les vns des aultres. Le plus souuent au partir de la couple ilz s’en vont comme s’ilz chass oient, sans auoir rien deuant eulx, et seulement leur furie les transporte. La cause de cela est qu’ilz congnoissent le deffault qu’ilz ont du sentiment, et que si vne beste se forlonge 2 3 deuant eulx, ilz ne la sçauroient plus chasser. Yoila pourquoy ilz forboutenth S’ilz trouuent vn retour, ilz s’en vont comme loups hors des voyes, sans donner loisir au Yeneur de les rappeller pour leur faire retrouver le bout de la ruse ; si le change bondit, si ce ne sont vieulx Chiens qui ayent accoustumé de chasser, et qui par cela soient deuenuz sages, ilz le chassent sans qu’il y ay t ordre de les rompre, et pour dire vray ce sont Chiens d’enragez, car il se fault rompre le col et les jambes pour les tenir, si vn Cerf dresse4, ilz le prendront et bien viste, mais s’il ruse, onlespeult bien coupler et les ramener au chenil.

1 Randonnées, circuit que fait un animal dans une même enceinte.

2 Forlonger , s’éloigner à grande distance. On dit que le cerf se forlonge quand il prend beaucoup d’avance sur les chiens ou qu’il change de canton.

3 Forboutent, fourvoient, passentplüs loin que la bête n’a été.

* Dresser, aller franchement, sans ruses.

DU CERF

CHAPPITRE Xe.