DES CHIENS BLANC Z GREFFIERS

J’ay trouué tant de bonté es Chiens de ceste race qu’il me semble que je n’en puis assez dire de bien. Car à la vérité tout ce que les deux aultres noirs et gris ont de bon, est en eulx, et ne tiennent rien de ce qu’ilz ont de mauuais : ilz ont le chasser braue, et en vrays chiens courans ; ilz sont plus visées que les gris et plus sages que les noirs, jamais n’appellent qu’ilz n’ayent le nez dans les voyes, et quand le change bondit, c’est alors qu’ilz se glorifient en leur chasser : l’on ne voit gueres de Chiens de ceste race, quelques jeunes qu’ilz soient, courre aultre chose que le droict,et se sauuent peu de Cerfz deuant eulx, quelque ruse et retour qu’ilz facent, s’ilz sont bien conduictz, et à bien dire, ce sont vrays Chiens de Roy, ilz sont grandz comme leuriers, et ont la teste aussy belle que les bracques, ilz s’appellent greffiers, pour ce que du temps du Roy Louys douzeiesme, on print un Chien de la race des Chiens blancz de Sainct Hubert, et en ût on couurir vne bracque d’Italye qui estoit à vn secrétaire du Roy, qu’en ce temps là on appelloit greffier, et le premier Chien qui en sortit.

lut tout blanc, hormis vne tache fauue qu’il auoitsur l’espaule, comme encores à présent est la race. Le Chien estoit si bon qu’il se sauuoit peu de Cerfz deuant luy, il fut nommé Greffier à cause du greffier qui auoit donné la Chienne, ledict Chien fit treize petitz, tous aussy bons et excellans que luy, et peu à peu la race se leua : de sorte que à l’aduenement à la Couronne du feu Roy mon grand pere, elle estoit tout en estre. Je ne veulx obmettre que la maison et le parc des Loges, près ma maison de Sainct Germain en Laye, n’a esté faict pour aultre occasion, que pour nourrir et esleuer ceste race de Chiens blancz greffiers.

CHAPPITRE XIe.