DE TOUTES AULTRES SORTES DE POIL DE CHIENS COURANS

Tous Chiens courans d’aultre poil et race que des trois dont j’ay parlé, sont Chiens bastardz de Pvne et de l’aultre race, meslez ensemble, comme des Chiens fauues qui prouiennent des gris et des blancz, quand vn Chien gris a couuert vne Chienne blanche, ou quand vn Chien blanc a couuert vne Lisse grise, et des Chiens de ce poil là sont venus les Chiens de la Hunaudaye, aultres que l’on appelloit du Bois,

DU CERF

qu’vn Gentilhomme de ce pais de Berry a donné aux Roy s mes prédécesseurs. L’on peult faire estât desdictz Chiens quant à la vistesse, mais ilz ont faulte de nez. Il y a d’aultre race de Chiens hlancz et noirs, qui prouiennent des Chiens hlancz et des Chiens Monsieur Sainct Hubert, mais ce sont communément gros Chiens pesans, qui ne sont à estimer. Véritablement il y a une aultre race de Chiens que l’on appelle Chiens de la Loue que j’estime et prise beaucoup, ce sont petitz Chiens qui sont de poil blanc, qui chassent aussy joliement et bien, comme ilz sont gentilz et beaux. On les appelle Chiens de la Loue, pour ce que c’a esté vn Gentilhomme de ce pais de Berry qui porte ce nom là, qui du temps du feu Roy mon grand pere print lapeyne de les esleuer. Le Roy les voyant si beaux et si gentilz les donna au feu Roy mon pere, son filz, qui pour lors estoit Daulphin, Je ne veulx prendre la peyne d’escrire d’aultre race de Chiens, comme barbetz et toutes aultres sortes de poilz, car ce sont Chiens qui tiennent du mastin. Quant àceulx qui ont deux nez, ce sont Chiens courans sans courre, car ilz sont de race de Chiens courans, mais toutesfois jusques à présent on ne leur a faict faire aultre mestier que de limier : et y sont fort bons et excelîans. Et afïin que je die que c’est que les deux nez qu’ilz ont, ce n’est pas qu’ilz ayent quatre nazeaux, mais c’est que le bout de leur nez et mufle est fendu, de façon qu’entre les deux narines il y a vne séparation jusques aux dentz: il s’en trouue de tous poilz.