I)E LA G H A S S E

CH APP1TRE XIIe.

COMME IL FAULT FAIRE ENTRER LES LICES EN CHALEUR ET LES TRAITTER QUAND ELLES SONT PLAINES.

Premierement il fault estre curieux de choisir vne Lice qui soit grande de corps, qui ayt le coffre large et le jarret droict, le pied court et gros sans estre gras, et qui soit herpée et ayt l’eschine large. Il fault que le Chien pour la couurir soit semblable, d’aultant que les petitz tiendront tousiours du pere et de la mere, il fault aussy qu’ilz ayent le nez bon et soient de grande vistesse : car les Chiens en qui deffault l’vn ou l’aultre ne peuuent rien valoir. Apres auoir Chien et Chienne de telle parfaicte bonté et beauté, pour faire entrer la Lice en chaleur, afïin d’en auoir plus promptement de la race, il la fault mettre et tenir auec d’aultres Chiennes chauldes, et aulcunes fois l’enfermer dedans vn tonneau qui soit barré si près à près qu’elle n’en puisse sortir, et au trauers des barreaux luy monstrer petitz Chiaux 1 , les luy faire sentir et hallener, et si pour tout cela elle ne veult entrer en chaleur, fault faire couurir d’aultres Chiennes deuant elle, et alors ne fauldra aussy

Chiaux , Chiots, petits chiens.

DU GE RF.

tost d’y entrer. Apres qu’elle est en chaleur, fault attendre qu’elle commance à se refroidir pour luy bailler le Chien : car qui luy bailleroit en sa grande chaleur, elle ne retiendroit pas, il ne la fault faire couurir que deux fois, et depuis qu’elle est couverte, la fault laisser en liberté : car la nature luy a bien donné le jugement que pour conseruer ce qu’elle a de créé dedans le corps, elle se garde si soingneusement que vous diriez qu’elle est gouuernée par quelque raison, jamais ne s’alonge et efforce, de peur de se blesser. Si elle est contraincte de passer par quelque passage estroict et malaysé, elle se choyé et conserve fort curieusement. Pour la nourrir, si on luy bailloit son saoul à manger, elle ne s’en porter oit pas si bien, parce que le bon traittement l’engraisseroit, de sorte qu’elle ne pourroit aysement faire ses petitz,lesquelz elle jecteroit mortz ou si mehaignez1 qu’ilz ne pourraient jamais rien valoir : au contraire, il n’y a poinct de danger de la tenir un peu maigre, surtout ne luy fault poinct donner de potage sallé ny de chair crue, car cela la feroit auorter : c’est pourquoy on ne baille jamais la curée aux Lices plaines. L’on recongnoist que la Lice est plaine, quand les tetins se nouent, le coffre s’eslargit, et le ventre s’abaisse, cela ne s’apperçoit que quinze jours apres qu’elle a esté couuerte, car plustost, l’on n’en sçauroit rien juger.

1 Mehaignez- , malingres.

CHAPPITRE XIIIe.