COMME IL FAULT ESLEUER LES PETITZ CHIENS ET NOURRIR LA MERE

L' es Chiennes portent neuf semaines et trois jours, et au bout de ce terme ne taillent de faire leurs petitz. Comme Ton congnoist que la Lice veult chaler, fault que le valet de Chiens qui en a la charge soit soigneux qu’ainsy qu’elle se deliure, les petitz sortent les vns apres les aultres, sans se serrer, jusques à ce que le dernier soit sorty. Or la Lice estant deliurée, est hesoing luy changer de nourriture : car comme auparauant il ne failloit la nourrir trop, pour les causes que j’ay dict en l’aultre chappitre, au contraire ayant chalé la fault nourrir des meilleurs viures que l’on peult trouuer comme potages, chairs et aultres choses qui la peuluent engraisser ; et la nature a si bien pourveu que tout ce qu’on luy peult bailler, au lieu de l’employer à sa nourriture, se conuertit en laict pour nourrir et alimenter ses petitz. Et si l’on voit que la quantité des Chiens soit si grande, que la force de la mere ne soit suffisante pour les nourrir, est besoing l’ayder et secourir d’aultres Chiennes qui ayent petitz de mesme aage que la Lice, mesmes si on peult recouurerdes Leurieres,

DU CERF

pour deux occasions elles y sont meilleures que les aultres : l’vne à cause de leur grandeur et force elles ont plus de moyen de nourrir et plus à leur ayse les petitz que l’on leur baille ; l’aultre, les Chiens qui en sont nourris retiennent de la vistesse du Leurier. Or cecy n’est poinct necessaire de faire, si les petitz n’excedent le nombre de trois : car il fauldroit que la Lice feust bien mauuaise nourrice, si elle ne les pouuoit nourrir. Pour faire que les dictes Leuretes ou aultres Chiennes à qui l’on veult faire nourrir d’aultres petitz ne facent difficulté de les receuoir au lieu des leurs, il fault prendre vn des leurs, le tuer, puis lu sang en frotter ceulx que l’on leur baille : les voyans couuerts de sang ne faillent aussy tost à les leicher, car c’est le naturel des Chiens de leicher les petitz incontinant qu’ils sont nez, pour les nettoyer de la peau qu’ilz ont sur eulx, et en les lei— chant, sentent et recongnoissent leur sang, et par ainsy les prennent pour les leurs. Les anciens ont voulu dire que la mere mangeoit le fardeau et la peau qui envelope les petitz : mais par expérience on congnoist le contraire, seulement elles ne font que les purger et nettoyer auec la langue. Il s’en trouue de si mauuais naturel, qu’incontinant qu’elles ont faict leurs petitz elles les mangent ; cela ne leur prouient que de deux causes, l’vne, qu’elles ne se sentent pas la force de les nourrir, et par despit les tuent, l’aultre, est qu’en les nettoyant, elles les leichent tant qu’elles leur font sortir le sang du corps, puis les mangent, à quoy il fault auoir l’œil et les tenir em-

mesulées, depuis l’heure qu’elles ont chalé neuf jours apres, et quand les neuf jours sont passez, pourueu qu’on ne leur en laisse que tel nombre qu’elles puissent nourrir ilz sont hors de danger. Voila doncques comme la Lice jecte ses petitz,et le moyen de les nourrir quand ilz sont au laict. Il y en a d’aultres qui ont voulu dire que le laict de vache et de cheure estoient meilleurs que celuy de Chienne pour alleter les petits, mais je suis d’opinion contraire et tiens que celuy qui leur est naturel faict meilleure nourriture. Mais quand ilz sont hors de dessouhz la mere, comme je diray cy apres, il est necessaire de les nourrir de toutes choses qui les peuuent crois tre et renforcer. Ilz doiuent teter deux mois ou deux mois et demy. Le lieu pour tenir la Lice pendant qu’elle a ses petitz doiht estre chauld, toutesfois sans feu : si l’on la peult mettre en quelque coing d’estahle, où il y ayt vne séparation de claye ou d’aultre chose, affin que les cheuaulx ne la puisse offenser, c’est le meilleur : car la chaleur y est tempérée. Je ne parle icy en quel temps les Chiennes entrent en chaleur, et quand elles en sortent, comme j’ay dict des Cerfz, car elles n’ont saison certaine et asseurée; je diray bien que celles qui challent au mois de Januier, communément les Chiens qui en sortent sont plus beaux que les aultres, par ce que tandis qu’il faict froid, ilz demeurent tousiours soubz la mere qui les en garantit, et comme se vient le Printemps, ilz sont assez fortz pour se deffendre despulces.

CHAPPITRE XIVe.

COMME IL FAULT NOURRIR LES PETITZ CHIENS QUAND ILZ SONT HORS DE DESSOUBZ LA MERE.

L’on dict communément qu’il fault nourrir les Chiens courans ensemble, et les bracques et espagneux séparez, ce n’est pas sans cause : car véritablement leur façon de chasser est differente, pour ce qu’il fault que les chiens courans pour bien chasser se tiennent ensemble, et au contraire les Chiens d’oyseau tant plus ilz s’escartent pour battre païs ilz en sont estimez meilleurs. Doncques pour apprendre aux Chiens courans d’auoir creance les vns aux aultres, les fault nourrir ensemble, apres qu’ilz ont teté deux mois et demv , et qu’il les fault tirer hors de dessoubz la mere. Si la maison du Gentilhomme où la Chienne aura chalé est en bourg ou bourgade, il les endoibt oster pour deux raisons, l’vne qu’il fault euiter que le Chien soit nourry de tripailles, chair, ny aultres viandes semblables à celle là, car cela le rendroit trop mol, l’aultre que si les Chiens trouuoient si soutient à manger, estant leur naturel s’endormir aussy tost qu’ilz sont saoulz, ne feroient poinct d’exercice, dont il aduiendroit qu’ilz ne s’endurciroient le pied, et ne s’accoustumeroient le corps au travail. Partant il est necessaire les mettre et tenir en lieu où ilz soient

bien nourris de pain, gruau, laict, et aultres telles choses, sans qu’ilz en ayent faulte, et en liberté, comme en la maison d’vn laboureur. Et afïin que les petitz Chiens s’accoustument au chauld et s’endurcissent le pied, il fault que le laboureur, qui les a en garde, les mene auec luy, quand il va aux champs : jusques à l’aage de six mois, ilz ne pensent qu’à se jouer, mais comme ilz entrent au septiesme, le laboureur ne les doibt perdre de veue : car le Chien qui est de bonne race, dès qu’il entre au septiesme mois, s’il rencontre du conin1, lieure, ou aultre beste sauuage, ne fauldra de la chasser, cela ne luy peult de rien seruir : au contraire luy nuyt grandement, pour ce qu’il n’a pas le jugement de congnoistre ce qu’il chasse et se faire le sentiment, et n’ayant la force de suiure ce qu’il a entrepris il s’effile2. Quand le laboureur les a nourris jusques en l’aage de huict mois, fault qu’il leur change de façon de viure et qu’il leur baille du pain tout sec, le meilleur qu’il peult trouver, et depuis l’aage de huict [mois] jusques au bout de l’an, qu’ilz doibuent demeurer chez luy, il est besoing qu’il leur attache des bastons au col, pour les apprendre à aller au couple, et qu’il commance à les faire hanter le monde, affin qu’ilz ne soient tant agardz quand ilz entreront au chenil. Le Fouillou3 et d’aultres ont voulu dire qu’il y auoit

1 Conin, conil , lapin.

2 On dit encore aujourd’hui qu’un chien sJ effile ou s’énerve quand on le fait chasser trop jeune.

;5 DuFouilloux.

DU CERF

congnoissance de bonté en la jeunesse d’vn chien à certains signes qu’ilz remarquent, comme quand il est ergoté, qu’il a trois poilz longs soubz le menton, et qu’il a le poil du ventre rude, mais quant à moy je diray que la meilleure congnoissance qui y soit, c’est à la race. Car selon l’ancien prouerbe, il n’est chasse que de Chiens de race, et pour vn bon Chien que trouuerez qui n’est poinct de race, auec les signes que dict Le Fouillou, il s’en trouuera dix qui donneront du desplaisir à leur maistre, et si je diray que j’en ay veu de bonne race auoir ces signes là ne chasser inieulx que les aultres : et pour conclure auec vérité, si voulez très bien congnoistre vn Chien, il le fault voir chasser.

CHAPPITRE XVe.

COMME IL FAULT METTRE LES CHIENS CHEZ LE GENTILHOMME POUR LES APPRENDRE A CHASSER.

Dès que les Chiens ont vn an accomply, il est necessaire de les tirer d’auec le laboureur, d’aultant qu’il est temps de commancer à leur apprendre leur mestier. Pour ce faire, s’il y a quelque Gentilhomme qui ayt une meute de Chiens courans pour le lieure, on les luy doibt bailler et laisser pour quatre mois , car il n’y a rien qui leur face si tost le nez bon que

dp: la chasse

chasser auec compagnie de bons Chiens , ilz apprennent à requester1. Et d’aultant que le sentiment du heure n’est si grand que celuy du Cerf , et qu’il ruse plus souvent , cela est cause de leur faire le sentiment meilleur, plus délié et subtil , aussy leur apprend il à faire leurs raussins soudains , et prendre peyne à trouuer le bout de la ruse de la beste qu’ilz chassent: il fault aussy que le Gentilhomme qui veult prendre la peyne de mettre les jeunes Chiens à la voye , aille deux fois la semaine aux champs pour les voir chasser , qu’il les tienne subiectz, et que pour ce faire il ayt quelque valet de Chiens à pied, qui auec la gaule les face tirer où il entend le son de la trompe , pour leur y faire prendre creance : aussy ne fault il qu’il sonne jamais à faulte , c’est à dire que la beste ne soit passée , ou que ce ne soit pour leur faire auoir curée, car cela leur feroit perdre toute creance. Apres que le Chien a demeuré quatre mois chez le Gentilhomme , qu’il a apprins à chasser et auoir creance à l’homme, il fault l’en tirer et le mettre au chenil. Je ne veulx obmettre à dire que tandis qu’il est chez le Gentilhomme, il fault qu’il soit nourry de pain sec et bien traitté de la main : car le bon traittement qu’on luy faict de la main luy profficte aultantque toute aultre nourriture. Et aussy que Testable où le tient le Gentilhomme soit renouuellée souuent de paille fresche , et qu’elle ne soit

1 Requester, chercher de nouveau la bête de chasse après un défaut.

DU CERF

trop chaulde: Je ne dis poinct Chenil, à cause qu’il n’appartient à nul de nommer Chenil le lieu où il mect ses Chiens qu’à celuy qui a meute de Chiens Royale, qui peuuent prendre le Cerf en tout temps , sans aultre ayde que de leurs Chiens : je descriray cy apres comme doiht estre faict le chenil, et en quel lieu il doibt estre scitué.

CHAPPITTRE XVIe-