DK LA RAGE DES CHIENS
Apres auoir descript de la nature des Chiens courans, je veulx parler des maladies ausquelles ilz sont subiectz, et sur chacune d’icelles le moyen qu’il
DU CERF
fault tenir pour les guérir. Le Chien est une beste fort seiche , elle l’est tant qu’elle n’a nulle humidité en soy : cela est cause que les maladies qu’il a prouiennent de chaleur. Et tout ainsy que l’homme sec et chauld a communément pour maladies fleures fort ardentes et aigues : ainsy le Chien tenant de ce naturel, n’a aultre maladie que fleure, mais la fleure du Chien est ce que l’on appelle rage, parce qu’il est encores plus chauld que l’homme. Et comme on voit quand vne humeur mélancolique saisist les espritz faire differents effectz en ceulx qui en sont transportez selon le subiect qu’ilz trouuent, ainsy la rage est differente et plus dangereuse aux vns qu’aux aultres Chiens, selon leur aage, l’exercice qu’ilz font, le temps et saison de l’année, et leur nourriture et traictement , car la rage est plus cruelle à un Chien de moyen aage qu’elle n’est à vn jéune,plus dangereuse à un Chien qui court souuent qu’à celuy qui n’est en aage de courre. Celuy qui enrage aux jours caniculaires est plus à craindre que celuy qui tombe malade au Printemps ou aultre saison. Le Chien mal nourry sera plus tost touché de la rage que celuy qui l’est bien, d’aultant qu’il a le sang plus facile à corrompre. Le vieulx Chien s’il enrage ne peult estre trop furieux, ou meurt incontinant : car la chaleur et le venin qui cause la rage a aulcunement perdu sa force et malice pour la vieillesse. Et partant nous dirons qu’il y a six especes de rages. La première et pire de toutes, s’appelle rage enragée : les Chiens qui en sont touchez crient et hurlent à voix cassée et enrouée,
pour la seicheresse grande qu ilz ont au gosier, quand ilz peuuent eschapper ilz vont partout mordans hommes, bestes et tout ce qu’ilz rencontrent, car le venin de la rage leur a tellement troublé le sens, qu’ilz ont perdu toute congnoissance : leur morsure est très dangereuse, et à grand peyne en peult eschapper celuy qui en est attainct, d’où sort le sang, car le venin le pénétré si soudainement j usques au dedans, et saisit les parties nobles, si que la vertu d’icelles est incontinant abattue, et voit on plus tost les signes de la mort que les remedesn’y peuuent estre applicquez. L’aultre rage est approchante de la première, et toutesfois differente en vne chose, c’est que le Chien enragé ne s’attache poinct aux hommes, ains seulement aux bestes , sa morsure est aultant périlleuse que l’aultre : et parce que le Chien ne s’arreste en aulcun lieu, courant ça et la, elle s’appelle rage courante. Il ne fault esbahir si tel Chien ne mord les hommes : car le venin de la rage n’a encores acquis telle mauuaisetié, qu’il luy face du tout perdre le sens : mais il luy demeure quelque petite scintille de jugement et de discrétion dont il recongnoist l’homme, duquel il est naturellement amy. On tient ces deux rages estre fort contagieuses pour les aultres Chiens , encores qu’ilz ne soient mordus : c’est par ce que l’haleine qui leur sort des nazeaux se communique à l’air qui les enuironne, lequel estant infecté et corrompu, est attiré par les aultres Chiens : puis estant paruenu au cœur, les espritz et les sens en reçoivent la contagion. Ce qu’il ne fault trouuer estrange, car
DU CERF
Ton voit le semblable tous les jours entre ceulx qui hantent les ladres et pestiferez. L’aultre et troisiesme rage se nomme rage tombante, pouraultant que comme ilz cuident cheminer, ilz vont chancellans sans se pouuoir soustenir, ainsy tombent et meurent. La cause de cela est que le venin n’en estant si violant et pernicieux, elle n’est si dangereuse et contagieuse que les deux aultres. La quatriesme rage s’appelle rage efflanquée , car ilz sont cousus par les flânez , bastent grief, et ne veulent manger, tiennent la teste et le regard bas, et quand ils vont , leuent hault les piedz et chancellent. Geste rage vient aux vieulx Chiens, et aultres qui sont rompus et vsez d’auoir trop couru , et principalement quand ilz sont mal couchez , traictez et nourris : car il fault que l’emmaigrissement soit commancé longtemps deuant que la rage soit venue. Tels Chiens enragez ne sont dangereux , parce qu’ilz sont sans vigueur, et n’ont force de mal faire , ilz meurent comme en langueur et faulte de nature1. L’aultre rage se nomme endormie , parce que les Chiens sont tousiours couchez et faisans semblant de dormir, meurent ainsy sans manger. Cela prouient quand l’humeur froide et chaulde se rencontrent dans le cerueau : si la chaulde surmonte la froide, il tombe en vne dormeuille, qu’on dict communément : mais si l’humeur froide abonde plus que la chaulde, le Chien dort plus qu’il ne veille et ne s’amuse cependant à mal faire. Parquoy telle
Ne serait-ce pas faute de nourriture?
rage n’est dangereuse. Ce n’est sans cause qu'on appelle un Chien enragé, fol, et dict on communément qu’il folye , par ce que le cerueau est la partie qui souffre le plus en toutes sortes de rages. Toutesfois il y en a vue entre aultres qui s’appelle rage de teste, parce que la teste leur deuient grosse et enflée , que les yeux pareillement se monstrent si gros qu’ilz semblent sortir de la teste, ce qui procédé de la grande abondance de sang chauld et ardent, lequel estant renuoyé du coeur au cerueau s’espend çà et là, et cause des enflures. Tel Chien ne faict aulcun mal, car l’affluence du sang luy en oste toute enuye. Je n’ay jamais veu guérir Chien du tout enragé de l’vne de ces maniérés de rage : mais beaucoup de gens estiment vn Chien enragé, lequel quelquesfois ne l’est pas. Quand vn Chien voyant l’eau tremble et dresse le poil , c’est mauuais signe, qu’il a les yeux rouges et estincelans, le regard de trauers, la veue immobile, comme fichée en un mesme lieu : il penche la teste contre bas, il court la gueulle ouuerte, il tire la langue, jecte de l’escume des nazeaux, il pousse bien fort du nez , mord les aultres Chiens , en festoyant de la queue, les fleurant premièrement , et a les babines d’en hault qui couurent les dentz si retirées, que l’on peult aysement apperceuoir ses dentz par audessoubz : il chancelle çà et là, et s’aheurte à toutes choses qu’il rencontre, et ne recongnoist le plus souvent maistre ny maison où il a prins sa nourriture , ce sont tous signes de rage : mais la plus asseurée preuue qu’on y puisse auoir, est le séparer des aultres trois jours na-
DU Cf] R F.
turels, pendant lesquelz s’il ne veult manger chair ny aultre chose, il le fault tenir pour enragé, et qu’il ne viura que neuf jours pour le plus. Pour guérir vn Chien mordu d’vn aultre enragé, il luy fault applicquer les remedes le plus tost qu’on peult apres sa morsure : car peu en eschappent, quand la maladie a saisy le corps : car s’il passe un jour naturelle n’oserois entreprendre le guérir des deux premières rages que j’ay dictes, mais il le peult estre des aultres, parce que n’estans contagieuses, il n'y a péril pour ceulx qui les pansent. Toutesfois il ne fault s’endormir à y pouruoir, quand bien le Chien enragé n’auroit faict qu’vne petite impression de la dent à celuy qu’il a mordz : car vn petit et moings que rien d’escume délaissée à la playe apres la morsure engendre vne vapeur qui est si pernicieuse qu’elle pourrit le sang et corrompt toute la substance; et se descouure plustost la rage aux Chiens apres la morsure qu’aux hommes, parce que leur naturel est plus préparé pour receuoir vne telle contagion, ainsy que j’ay cy dessus dict : il ne fault doncques négliger la morsure d'vn Chien , ains y applicquer promptement les remedes , il y en a de plusieurs maniérés. Premièrement fault auoir esgard à la playe, si elle est grande, il fault laisser fluer le sang le plus longuement qu’on pourra, affin qu’auec iceluy vne partie du venin se puisse euacuer, et quand le sang sera arresté, applicquer sur la playe vne grande ventouse auec grand feu, pour attirer dauantage le venin qui sera délaissé en la playe : sera bon la leuer par deux ou trois fois, et quant et quant la remettre. Apres que la ven-
touse aura faict son effect, fault mettre par dessus vu poullet fendu par le millieu et l’y laisser l’espace de six heures : car il n’a pas seulement l’efficace d’attirer à soy le venin, mais appaise la douleur et l’inflammation, si aulcune en y a : si la playe de la morsure est petite, il la fault scarifier et agrandir, puis y mettre et applicquer les ventouses et aultres remedes comme dict est : il les fault seigner des veines qui sont au dedans des quatre jambes, de deux aultres veines qui sont a costé du gros nerf, qui est dessoubz la langue, et de deux aultres qui sont sur les deux yeux. Et parce que le plus souuent on n’a poinct de ventouse promp tement, fault auoir recours aux remedes qui ont la vertu d’attirer du corps le venin, et le garder de passer oultre. Le premier et plus facile à recouurer est lauer la playe auec du fort vinaigre tout chauld, ou qui mieulx est d’vne eau bouillie avec racine d’vne herbe qu’on appelle patience, ou pareille : et quand la playe sera bien frottée et lavée, y mettre vn cataplasme faict d’oignons et aulz cuitz ensemble, y adioustant du gros sel puluerisé, et un petit de miel, les aultres y applicquent ce qui ensuict, qui est fort expérimenté : vn gros oignon lequel il fault cuire entre deux braises, puis le piller dans vn mortier auec bon teriac et metridat, aultant de l’vn que de l’aultre, sy bouilles, de la rue, et orties, en y adioustant sur la fin vn petit d’eau de vie. Et encores que les remedes qu’on applicque par dehors attirent la maladie qui est dedans, si est ce que pour la mieulx guérir, il est necessaire y remédier par dedans, et leur faire aualler
DU CERF
quelques breuuages, qui aydent à nature à pousser dehors ce qui est dedans le corps, et partant fault prendre de la pimpernelle auec sa racine, la faire piller, jusques à ce qu’il en sorte du jus, mesler ce jus auec de l’huille d’olif vierge, et la mettant dans un cornet, la leur faire aualler comme font les mareschaulx, quand ilz veulent bailler quelque medecine aux cheuaulx : on luy en doibt bailler à chascune fois vne choppine tous les matins, par l’espace de quarante jours. Du suc qui reste de ladicte pimpernelle en faire vne omelette auec des œufz et du beurre frais, sur tout qu’il n’y ayt poinct de sel, car il y est contraire : puis leur en faire manger par aultant de jours que l’on leur fai et boire de ce dict breuuage. Communément aussy on leur brusle la playe auec vn fer chauld, apres qu’elle aura esté lauée par plusieurs fois auec de l’vrine, c’est pourueu que la partie où est la playe ne soit nerueuse. Il est necessaire de continuer les remedes cy dessus dietz, principallement ceulx qui sont faietz en forme de cataplasme, l’espace de cinq ou six jours, puis entretenir la playe ouuerte auec aultres remedes communs aux aultres playes, le plus longuement que l’on pourra : car il y a danger de la fermer plus tost que l’on ne deburoit. On pourroit descrire plusieurs aultres remedes, mais ceulx cy sont les principaux, et s’ilz ne guérissent de la rage, à grand peyne le pourront faire les aultres. Je ne veulx obmettre aussy à dire que les enuoyer à la mer, à Monsieur Sainct Hubert, ou à l’Église Monsieur Sainct Denis en France, ce sont remedes vsitez, desquelz je me suis bien trouué.
Quand on les enuoye à la mer, les fault plonger dans icelle, sans qu’ilz y pensent, par deux ou trois fois, et les laisser boire tout leur saoul : affm que par ce moyen ilz perdent la soif et la craincte de l’eau, qui sont lesaccidens qu’ilz craignent le plus : si vous estes trop loing de la mer, il les fault plonger en quelque estang ou riuiere, ne plus ne moings qu’en la mer.
CHAPPITRE XVIIIe.
