DE LA CAQUESANGUE ET RONGNE DES CHIENS
Les Chiens ont aussy vne aultre sorte de maladie que l’on appelle caquesangue, qui leur vient quand ilz ont iaict grand effort, et qu’ilz ont esté mouillez et en grand froid : ceste maladie est dangereuse et contagieuse, parquoy les fault séparer tout aussy tost d’auec les aultres. Le remede est premièrement les tenir bien chauldement, et ne leur bailler rien de salle. Au commancement les nourrir d’un potage fort espois, dedans lequel fault mettre de la terre sigilée, qui en pourra recouurer promptement: si pour cela ilz ne peuuent guérir, fault faire de la bouillie de farine de febues aussy espoisse que colle et leur en faire manger. Si c’est vn jeune Chien il ne fauldra d’en guérir. Mais si ceste maladie accueille vn
DU CERF
vieil Chien on le penlt bien enuoyer à la riuiere : car de meshuy il ne seraira plus qu’à donner la contagion aux aultres. Aussy sontilz subiectz à vne aultre sorte de maladie qu’on appelle galle, qui n’est moings contagieuse que les aultres, parquoy les fault aussy séparer. Il y en a de quatre sortes. La première est la rongne qui tient de lepre, je dis de lepre, pource qu’elle faict des mesmes accidens aux Chiens, que la ladrerie faict aux hommes. Le Chien qui en est malade a le cuir enflé, tout le corps en crouste, et la peau fendue par plusieurs creuaces. Ceste galle est la pire de toutes, et ne vient communément à beaucoup de Chiens, mais quand ilz l’ont, on les peult bien tenir pour perduz, et encores qu’ilz en guérissent ilz perdent du tout leur vistesse, à cause que les vnguens dont il fault vser sont si corrosifz qu’ilz leur corrompent les nerfz. Or pour en guérir il fault nourrir le Chien de toutes les choses les plus froides que l’on peult trouuer, et faire vn vnguent pour le frotter de verd de gris, jus de genet, de vieil oingt et de chaulx amortie, et tout cela meslé ensemble l’en frotter. Il se peult encores guérir d’une aultre sorte, prendre du sublimé, du miel, de l’huille de noix et de l’herbe qu’on appelle ellebore, et tout cela meslé ensemble, comme j’ay cy dessus dict, en faire vn vnguent pour le frotter. L’aultre rongne qui s’appelle volante est aussy contagieuse que l’aultre, mais non si dangereuse pour le Chien. Et pour congnoistre ceste sorte de galle, il fault sçauoir qu’au commancement qu’elle vient, elle prend en vn endroict. puis en vn aultre :
et comme elle est amortie en vn lieu, soudain renaist en vn aultre. Pour en guérir il y a plusieurs remedes, desquels je diray les deux principaux, l’vn est, comme vous voyez le Chien attainct de ceste maladie, en tous les endroictz où il en aura des taches, fault auec de l’huille de vitriol y faire vn cerne par cinq fois differentes, de trois en trois jours, et si cela ne le guérit, il fault faire l’aultre, c’est assauoir : prendre du vif argent amorty auec de la saliue d’homme à jeun, du soulfre et de la graisse de pourceau qui ne soit sallée, et de tout cela en faire vn vnguent pour le frotter, dont certainement il guérira. Les deux aultres sortes de galle, sont celles desquelles les Chiens sont communément attainctz, et quasi semblables, aussy se guérissent presque d’vne mesme façon : il fault prendre d’vne racine d’herbe nommée luine, et l’ayant couppée menue la faire bouillir auec de l’huille de noix, puis en frotter le Chien. Or il y a vne aultre recepte meilleure que toutes, et encores que les deux premières rongnes soient malaysées à guérir, si est ce que si vn Chien ne faict que commancer d’en estre attainct, j’entreprendray de le guérir: et ce remede je l’estime plus que les aultres, pource que quand vn Chien en a esté pansé, il ne perd rien de sa vistesse non plus qu’il faisoit auparauant. Cet vnguent se faict d’huille de noix et de nauette, de soulfre et de vieulx oingtbien consommez ensemble. Je ne veulx obmettre qu’à chascune sorte de galle, il est necessaire de seigner le Chien des deux jarretz de derrière, des veines qui sont au de-
DU CERF
dans, et des arcz. Voila toutes les maladies des Chiens, et les remedes qu’il y fault faire, il est vray qu’aulcunes fois ils ont quelques desgoustemens, mais c’est peu de chose, car d’eulx mesmes ils se guérissent en mangeant quelques herhes, quand on les mene à l’esbat.
CH APP1TRE XIXe.
