COMME IL FAULT DRESSER VN VALET DE CHIENS
Apres auoir descript de la nature de la heste que je veulx chasser, et des Chiens dont je me veulx ayder pour ce faire, je veulx desduire par le menu la façon et condition qu'il fault qu’ayt vn Valet de Chiens, et aussy vn Veneur. Premièrement pour mieulx façonner un Valet de Chiens, on le doiht prendre le plus jeune que l’on peult, comme de dix ou unze ans, aussy tost qu’il est dans le Chenil, fault luy faire apprendre le nom de tous les Chiens, et le faire congnoistre à eulx, à faire la paille, c’est à dire, la renouueler vne fois le jour, et mettre tousiours la vieille dessoubz, le tenir subiect à estre derrière les Chiens, avec la gaule, pour les faire tirer apres le maistre Valet, quand on les mene pourmener, qu’il rafreschisse deux fois le jour d’eau fresche dedans le
GO
Chenil, sur tout il est necessaire qu’il y demeure et couche jour et nuict, qu’il apprenne à faire la marque aux Chiens, tant en escusson qu’aultrement, qu’il sache comme il les fault seigner et panser des maladies qui leur suruiennent, comme j’ay escript au chappitre qui en parle. Il ne peult apprendre tout ce que dessus qu’il n’y aille du temps, dedans lequel la force luy uient, l’entendement luy croist, et le jugement luy augmente : et selon que l’on congnoist qu’il est gentil garçon, l’on le croist d’estat, comme de simple garçon de Chiens, l’on le faict maistre Valet, puis communément on ne le change plus : car je diray auec vérité qu’vn bon Valet de Chiens sertaultant à les rendre sages comme font les Veneurs. Le Valet de Chiens bien instruict, pour rendre ses Chiens auoir bonne creance, les doibt mener ordinairement deux fois le jour à l’esbat dedans le parc du Chenil, et les faire sortir du Chenil tous descouplez, et les accoustumer auec la craincte à demeurer tousiours derrière luy. Si d’auanture il a de jeunes Chiens que l’on ayt de nouueau mis au Chenil, fault qu’il les couple auec les vieulx, pour leur oster ceste peur et frayeur qu’ilz ont, quand ils sortent d’auecle Gentilhomme, qu’ilz n’ont accoustumé d’estre auec tant de Chiens ensemble, car si du commancement vn jeune Chien prend vn elfroy , l’on est longuement auant que de le rasseurer, aussy au contraire, si de ce mesme commancement le Valet de Chiens auec doulceur le rend familier à l’homme, il ne peult qu’il n’en soit beaucoup meilleur, tant pour auoir creance quand on
DU CERF
le veult rompre, comme aussy pour estre plus aysé à reprendre quand on le veult faire. Puis quand ilz ont esté quelque temps ainsy menez et couplez avec les aultres, il les doibt faire sortir decpuplez comme les aultres. Le Chien sage et obéissant à l’homme nè peult qu’il ne face bonne fin, ou il tiendra à celuy qui le dresse. Apres que le Valet de Chiens a faict faire cinq ou six tours à ses Chiens à son cul, comme j’ay dict cy-dessus, il les doibt mener au ruisseau et fontaine, qui est dedans le pré: puis comme ilz ont prins de l’eau, beu et lapé, ce qu’ilz ont voulu, il les doibt laisser en liberté, faire ce qu’ilz veulent: et alors le bon Valet de Chiens doibt auoir l’œil sur tous ses Chiens, l’vn apres l’aultre, pourvoir quelle contenance ilz font, et de quelle alleure ilz marchent, et selon ce qu’il congnoist et voit, juger des maladies qu’ilz ont, par les signes que j’ay deduictz cy-dessus, les panser d’icelles auec les remedes que j’ay pareillement escriptz. Je ne veulx obmettre à dire qu’au sortir et entrer du Chenil, il fault que les garçons Valets de Chiens et le Maistre ayent le soing de peigner et bouchonner chascun Chien l’vn apres l’aultre ; car mener le Chien à l’esbat à son heure, le nourrir de bon pain et eau fresche, et le panser soingneusement de la main, est ce qui l’entretient en beauté, bonté et vigueur. Voila ce qui me semble qu’il fault qu’vn Valet de Chiens sache pour estre digne de demeurer auprès des Chiens.
D E LA CHASSE
CHAPPITRE XXe.
