DU JUGEMENT DU CERF PAR LES ALLEURES
Apres auoir descript ce peu que je sçay du jugement que l’on peult auoir d’vn Cerf de dix cors par le pied, aussy comme il fault discerner un jeune Cerf d’auec les Bisches, je veulx dire la congnoissance que l’on en a par les alleures : pour, le tout mis ensemble, former un jugement certain et asseuré. Or il y a de plusieurs sortes de Cerfz, les vns qui sont haultz sur jambes, et longs de corsage, les aultres qui estans haultz sur jambes ne sont pas si longs : il y en a aussy qui sont bas, et ne laissent pas d’auoir les alleures longues, il y en a qui en tout et par tout sont petitz, tant de haulteur que de longueur, et de toutes ces quatre sortes, il ne laisse d’y en auoir de grandz vieulx Cerfz, Cerfz de dix cors, et aussy de bien jeunes Cerfz, et cbascune sorte a sa façon d’alleure, et sur cbascune on peult asseoir jugement certain. Tout Cerf qui a le corsage grand a par consequant les alleures longues, et toutesfois il ne s’ensuict que pour cela il soit vieulx Cerf. Mais fault considérer si en marchant il laisse le pied de derrière bien loing de celuy de deuant, et de quelle sorte il le délaissé : car si ordinairement vous voyez que le pied de derrière
DU CERF
demeure loing de celuy de deuant et vn petit en dehors, vous le pouuez juger Cerf de dix cors, et tant plus il demeure loing, plus en dehors, et qu’il continue à aller de ceste mesme façon, vous le pouvez juger grand vieulx Cerf. Yn des plus grandz jugemens qu’il y ayt aussy de vieillesse, c’est quand il a tousiours le pied de deuant fermé, et que de la pinse du pied il emporte la terre à luy et en arriéré ; si au contraire vous voyez que du pied de derrière, il semesmarche, c’est à dire qu’il donne dedans celuy de devant, et qu’il aye les pinses du pied ouuertes, et qu’il ne donne gueres souuent des os ny de la jambe à terre, ce n’est pas signe de grande vieillesse. Ce qui faict que les vieulx Cerfz donnent ordinairement du pied de derrière en dehors de celuy de deuant, c’est que comme ilz sont plus gras, les entrecuisses 1 estans plus plaines, cela leur faict ouurir les jambes de derrière, et les faict marcher ainsy large. Ceste mesme raison d’ouurir le derrière ainsy pesant et le cimier chargé leur faict demeurer les alleures de derrière plus loing de celles de deuant, et tant plus un Cerf est vieulx Cerf, plus est il chargé de venaison. Et quant aux trois aultres sortes de Cerfz dont j’ay parlé, s’ilz n’ont les alleures si longues que les premières, aussy le pied de derrière ne leur demeure si loing de celuy de deuant, mais tousiours fault il qu’il jecte en dehors, et qu’il ayt la pinse du pied fermée, qu’il donne souuent de la jambe en terre, et qu’il l’attire à soy de la pinse
1 Dans le manuscrit on lit oultrecuisses, je conserve entrecuisses de l’édition de 1625.
du pied, comme jay dict cy dessus, pour estre jugé vieulx Cerf, et tant plus vn Cerf le faict, plus est il Cerf de dix cors : mais il fault notter que ces façons d’alleures ne leur durent sinon depuis le commancement d’Auril jusques au commancement de Septembre, car au commancement de Septembre la furie du rut qui les transporte, les leur faict changer.
CHAPPITRE XXIIIe.
