DU JUGEMENT PAR J.ES PORTEES ET FRAYEES

Av temps passé les Veneurs appelaient ce que maintenant l’on dict portées, frayées ; à présent, nous vsons de l’vn et de l’aultre par ce que vn Cerf entrant dedans le bois il le fraye et emporte auec la teste: c’est aussy la principalle congnoissance que l’on a d’vn Cerf, apres les aultres deux que j’ay escriptes : mais il fault notter qu’il y a des saisons où les Cerfz ne font poinct de portées, à cause qu’ilz n’ont leur teste entière : au moyen de quoy on ne commance à prendre jugement du Cerf par ce signe que depuis la My-may, que sa teste est plus que my venue. Il fault aussy considérer en quel pais vn Cerf se rembusche, et par quel pais il passe : car si c’est en haulte fustaye, il ne faict poinct de portées, à cause que le bois est si fort, si clair semé, et loing à loing l’vn del’aultre, que quand bien les rencontreroit auec

DU CERF

la teste, ne les pourroit ployer : doncques le Cerf ne faict portées qu’en pais de tailles espoisses, et où le bois se peult ployer. Il y a plusieurs sortes de portées, car les Cerfz qui ont la teste haulte, ouuerte et bien perlée, emportent le bois en dedans, et escorchent l’escorce jusques à la seve : et quand on voit que la branche est escorchée «depuis le hault jusques en bas, c’est signe que leur teste va tousiours en eslargissantcontremont, telz Cerfz n’ont la teste ronde, car ceulx qui l’ont ne touchent que du millieu de leur marrin1 au bois, le bois ne laisse pas d’en estre ployé et emporté au dedans, mais les frayeures n’en sont si longues, et si l’on voit qu’au hault des branches elles soient meslées, ne demeurans en leur naturel, ployées et froissées les vnes avec les aultres, c’est signe de grande vieillesse. Et fault juger que ces Cerfz là ont le chandelier2 en la paumure, ou que par nécessité ilz ayent quelques andouillers renuersez, qui ameinent et attirent ainsy le bois apres eulx. Les jeunes Çerfz ne font telles portées, n’ayans la force d’emporter le bois qui est si fort, ains seulement ployent les petites branches qui sortent d’espois et n’ont encores force. Il est bien vray qu’il y en a de vieulx si malicieux, mesmes ceulx qui ont esté courus, qu’ilz se ployëïit à l’entrée de leur rembuschement3,

1 Marrin , merrin, bois du Cerf.

2 On dit que le Cerf porte le chandelier quand son empaumure est large et creuse : l’empaumure est le sommet du bois du Cerf avec les andouillers qui la terminent.

3 Rembuschement, rentrée d’un animal au bois, on dit débucher lorsqu’un animal prend la plaine pour aller dans un autre bois.

DK LA CHASSE

de telle sorte que l’on n’en peult auoir grand jugement: mais la recepte est entrer vn pas ou deux dedans le rembuschement, car s’il s’est feinct en entrant dedans le bois, comme il peult estre en liberté, il ne se contrainct plus. Aussy fault il prendre garde quand vous rembuschez vn Cerf au trauers d’un fossé, car s’il le saulte tout franc, il faict les portées de l’estomac si haultes et ouuertes que vous diriez que c’est de sa teste : et alors il fault faire le mesme que je viens de dire, en entrant vn peu plus auant dedans le bois. Je n’escris poinct la différence qu’il y a des Bisches, parce qu’elles ne font poinct de portées. Il me reste à descrire le jugement et congnoissance que l’on a d’vn Cerf par les fumées.

CHAPPITRE XXIVe.