DU JUGEMENT PAR LES FUMEES
Les quatre principaux jugements qu’vn Veneur puisse auoir des congnoissances d’vn Cerf, j’en ay descript les trois, au moings mal qu’il m’a esté possible, de sorte qu’il me reste seulement à dire celles que l’on a par les fumées. Or comme j’ay dict au cinquiesme ehappitre, les Cerlz jectent leurs fumées en trois sortes, selon les saisons, car je ne parle poinct quand elles
DU CERF
sont desfaictes, d’aultant qu’il n’y a poinct de jugement depuis laMy-septembre que les Cerfz entrent au rut, jusques à ce qu’ilz se renouuellent la teste, c’est assauoir, aux saisons qui sont aduancées jusques à la My-auril, et en celles qui sont plus tardiues à la fin du mesme mois. Comme ceste saison est venue, le Cerf commance à refaire ses fumées, et les jecte en plateaux. Le jugement que l’on y peult auoir, c’est quand vous les voyez larges, espoisses, et bien plombantes, et qu’elles ont leur tour et cerne si bien faict qu’il semble estre ordonné et faict auec vn compas ; il fault aussy qu’elles soient gluantes et tenantes les vnes avec les aultres: car ceste glaire qui les conioinct ensemble monstre et est un signe certain de la plaine venaison où le Cerf veult entrer, et jamais jeune Cerf ne se charge de si bonne heure de venaison : car au contraire, tant plus un Cerf est jeune, tant plus il les jecte petites, mal formées, c’est à dire n’ayans leur rondeur bien entière, sans auoir séparation guieres les vnes auec les aultres : et tant plus vn Cerf les jecte comme il est dict cy dessus, et plus il est vieulx Cerf : aussy les jectant d’aultre façon, l’art veult que l’on le juge jeune Cerf. Or tout homme qui veult estre Veneur doibt sauoir qu’en ceste saison là les Bisches sont plaines et à cause que leur fan leur retressit et eschauffe le boyau, elles jectent leurs fumées formées, comme font les Cerfz, quand ilz sont en leur venaison, toutesfois plus esguillonnées et plus antées, mais on n’y peult estre trompé, d’aultant que les Cerfz les jectent alors en plateaux. Trois semaines apres le Cerf rend
ses fumées d’aultre façon, par ce que au pris qu’il prend sa graisse, son boyau se retressit, et la chaleur qui se faict plus grande les desseche, de maniéré qu’il les jecte en torche, c’est à dire que commançans à se former se tiennent encores ensemble, et sont de la mesme façon d’vne pomme de pin, estant la torche vn peu plus longue . L’on les appelle torches parce qu’elles sont en torchées, entournées et amassées ensemble, tant plus la torche est grosse et plombante, et que les fumées qui y sont, sont plus de couleur d’or, et aussy que celles qui sont au millieu, lesquelles n’ont la mesme façon des aultres, sont plus gluantes, c’est signe d’vn vieulx Cerf : comme aussy les torches estans aussy poinctues par vn costé que l’aultre, et esguillonnées par les deux boutz, c’est signe d’vn jeune Cerf, joinct que ces torches là ne sont communément si colorées et gluantes que les aultres, à cause que les grandz vieulx Cerfz ont tousiours plus de jugement de choisir et prendre le viandis où il y a plus de substance. Communément les Bisches ne les jectent en telle forme, et si de fortune elles les y jectent, se tiennent si mal ensemble, qu’il est aysé les juger quelque temps apres. Comme les Cerfz sont en plaine venaison, que l’on dict haulte graisse, le boyau est d’aultant plus retressy, qu’il est chargé d’une peau de graisse, et dauantage à cause de la chaleur du temps, les herbes n’ estans si humides que au Printemps, cela faict que les Cerfz qui s’en nourrissent le monstrent par leurs fumées : car n’ayans plus ceste liqueur qui les conglutine et assemble elles se sepa-
DU CERF
rent, et tombent en terre séparées et en forme, qui est ce que l’on appelle fumées formées. Les grandz vieulx Cerfz en jectent peu bien colorées, c'est à dire de couleur d’or, s’ilz ont faict leur nuict dedans les gaignages, comme aussy s’ilz l’ont passée dedans les tailles, elles sont plus brunes. S’ilz en jectent peu, et peu souuent, c’est un bon signe. Quand vous les leuez , les trouuant pesantes et plombantes , c’est signe de vieillesse. Si toutes les fumées sont d’vne mesme façon, estans grosses et longues, n’ayans plus de picquon l’vne que l’aultre, je tiens que c’est le meilleur signe que l’on y puisse voir, et les rompant, quand on voit que la forme de l’herbe est changée, estant bien moulue et digerée. Les fumées dures, et selon le gaignage par le dedans de bonne couleur, ce sont les signes par lesquelz l’on peult recongnoistre vn grand Cerf. Il y a des Cerfz de dix cors seulement qui jectent leurs fumées en plus grande quantité, et combien qu’il y en ayt beaucoup de bonnes, si est ce qu’il y en a tousiours parmy qui sont plus esgui données et antées que les aultres, ilz ne laissent pas d’estre Cerfz de dix cors, mais de vieulx Cerfz : ne le peuuent estre, ceulx qui les jectent en plus grand nombre et plus souuent ; et qui par le millieu sont plus déliées que par les deux boutz esguillonnées et en grande quantité antées, c’est signe de grande jeunesse, et que la chaleur naturelle n’est telle qu’elle puisse resouldre et former ses fumées, telles qu’il les doibt auoir. Les Bisches en ce temps là les jectent encores formées : mais à cause qu’elles sont prestes de
faire leur fan, les font toutes glaireuses et plaines de sang, et commancent à se desfaire, parquoy il est bien aysé d’en juger. Les fumées du Cerf durent de ceste façon jusques au rut : mais quand ilz despouillent leur teste et la fraient, ilz ne les desfont, c’est à dire les font plus esguillonnées et plus mal formées, mais tout aussy tost que leur teste est brunie, ilz les refont formées, tout ainsy qu’ilz faisoient. Il fault notter que si vous trouuez en ceste saison là des fumées desfaictes, c’est signe d’vn Cerf qui a eu peyne et trauail, j’en diray dauantage quand je parleray comme il fault requester vn Cerf. Voila doncques les quatre principaux jugemens que communément ont les Veneurs pour congnoistre d’vn Cerf. Si est ce que pour me contanter je desire en descrire quelques vnes qui n’ont poinct esté dictes, lesquelles j’ay pratiquées, et lesquelles je pense estre necessaires qu’vn bon Veneur sache.
CHAPPITRE XXVe.
DE DIUERSES AULTRES SORTES DE JUGEMENS QUE l’ON A ü’VN CERF.
La pluspart de ceulx qui font profession de la Venerye ne prennent jugement que des quatre congnoissances que j’ay descri ptes cy dessus, encore?
DU CERF
si mal qu’ilz ne s’en acquittent comme il est necessaire. Or je diray qu’apres qu’on a jugé d’vn Cerf par ces quatre congnoissances, il y en a deux aultres par lesquelles vn Veneur en peult bien juger. La première, à la façon dont il se desbusche pour aller au viandis, et quand il y est la façon dont il viande. L’aultre, la maniéré dont il vse à son rembuschement. Vn grand Cerf qui n’a poinct eu d’effroy, jamais ne se desbusche qu’au pas et à l’ayse, et deuant que sortir entièrement du bois, il s’arreste regardant de toutes partz s’il y a chose qui luy puisse mal faire. En son viandis, il choisit les herhes qui sont de meilleure nourriture, comme pois, febues, et toute aultre sorte d’herbe ramée. Il passera toute aultre sorte de viandis pour aller faire sa nuict en celle, cy quand bien il y auroit vn quart de lieue et dauantage de sa demeure, et si d’auanture il n’en trouue, ne fauldra de se prendre au meilleur bled, le plus doux, et à celuy où il y a le plus de laict : il va choisissant à l’entour de luy les espiz et herbes qui luy semblent les meilleures, de sorte que si l’on veult prendre garde de près, l’on verra que sans auoir bougé d’vne place, il en aura choisi de çà et de là à sa fantaisie. Vn jeune Cerf faict tout le contraire, car il sort de son rembuschement en fuyant et en allant à son viandis, s’il ne fuit, il va tousiours trottant en broutant et mangeant tout ce qu’il rencontre, sans considérer ce qui luy est le plus propre. Il commance à viander s’il trouue de quoy dès le sortir de son rembuschement, et faict sa nuict beaucoup plus estendue que ne faict un vieulx
Cerf. Les Cerfz en la venaison 1 sortent pour aller en leurs gaignages vn peu deuant soleil couché, et demeurent à faire leur nuict jusques à ce que le soleil soit leué, et si d’auanture ilz n’ont assez viandé retournent en leur demeure par quelques tailles moyennement basses, à celle fin que l’on ne les puisse apperceuoir, et broutent le bourgeon et regect de l’année, jusques à ce qu’ilz soient saoulz. En Hyuer que les jours sont plus courtz et les nuictz plus longues, les Cerfz commancent leur viandis des dedans la taille, ou quelques fois ils sont contrainctz y faire toute leur nuict, pour ce que les herbes qui sont aux champs ne sont encores en vigueur : mais ilz vont aux bledz, aussy tost qu’ilz commancent à sortir; ilz vont aussy à la fueille de vigne quand elle tombe. Quant à la façon de laquelle ilz se rembuschent, vn vieulx Cerf qui n’a eu aulcun effroy, faict ordinairement son rembuscbement au lieu mesme d’où il s’est desbusché, ou bien près de là : et tout ainsy que il est sorty au pas pour aller faire sa nuict, il se retire en ceste mesme sorte. Il fault notter que si la taille est fossoyée, il ira deux ou trois cens pas pour trouuer passage. Vn jeune Cerf faict tout au contraire, et la pluspart du temps ne va demeurer au pais où il a esté le jour preceddent, s’il trouue quelque haye ou fossé, il la bondit si franc, qu’il semble qu’il n’y ayt passé. Mais si vn Cerf a eu effroy ou vent de quelque personne, mesmes d’un traict de Limier ou
1 Dans l’imprimé il y a mesme cervaison au lieu de venaison.
DU CERF
Chien, s’il y a passé, ne fauldra deuant que faire son desbuscher faire cinq ou six ruses, afïin que l’on ne puisse trouuer sa sortie, et de mesmes en son rembuschement entrera cinq ou six fois dedans le bois, et en sortira aultant, et cela est ce que Ton appelle des faulx rembuschements, puis à l’endroict où il veult demeurer faict une grande ruse dedans quelque chemin ou sente s’il la trouve, puis tout soudain demeure là, se mettant à la reposée. Yn jeune Cerf ayant ce mesme effroy faict des ruses, mais non si longues, et tant de fois redoublées qu’vn vieulx Cerf. Je diray aussy que les Bisches vont au viandis en horde toutes ensemble, et est bien aysé de les juger d’auec vn Cerf, car elles viandent plus gouluement et sans choisir les meilleures herbes. Il est bien vray qu’aulcunes fois il y a des jeunes Cerfz et Broccars qui sortent auec elles : mais si l’on y veult auoir l’œil et y prendre garde de près, l’on trouuera qu’au rembuschement ilz se séparent. Quand les Bisches ont leurs fans, elles demeurent seules, accompagnées seulement de leurs ditz fans : parquoy quand uous uoyez d’vn fan seul auec vne beste, uous pouuez juger que c’est d’vne Bische.
CHAPPITRE XXVIe.
COMME VN JEUNE VENEUR DOIBT ALLER AU BOIS VN AN DURANT AUEC UN EXPERIMENTE VENEUR.
Jusques icy j’ay deduict par le menu le plus qu’il m’a esté possible ce qu’il fault qu’vn Gentilhomme qui veult estre bon Veneur sache de la nature du Cerf, de ses conditions et maniérés, de celles des Chiens, de leurs maladies et curations et des jugements et congnoissances que l’on peult auoir d’vn Cerf, qui sont les principes de la Venerye, lesquelz il ne suffit d’apprendre par liure : mais il fault les congnoistre par expérience et longue praticque. Pour ce faire il est necessaire de s’accompagner de quelque expérimenté Veneur et aller auecques luy au bois vne année entière, pour apprendre et congnoistre au doigt et à l’œil les jugemens du Cerf, selon ce qu’il en aura leu dans ce liure.
DU CERF
CHAPPITRE XXVIIe.
